Amosando publicacións coa etiqueta Non-Ao-ERE-no-BBVA. Amosar todas as publicacións
Amosando publicacións coa etiqueta Non-Ao-ERE-no-BBVA. Amosar todas as publicacións

18 de xuño de 2025

Non á OPA do BBVA

Concentracións da CIG contra a OPA BBVA–Sabadell e pola defensa dos nosos postos de traballo

Non á OPA do BBVA

O vindeiro 26 de xuño remata o prazo para que o Goberno tome unha decisión sobre a OPA hostil do BBVA ao .

As seccións sindicais da CIG no Banco Sabadell e no BBVA, mobilizámonos na Coruña, diante da Delegación do Goberno na para esixirlle que se opoña rotundamente a esta operación que só beneficiaría aos grandes fondos de investimento especulativos estranxeiros. Tamén estivemos diante da DT Noroeste do BBVA e da OP do Banco Sabadell.

7 de xuño de 2022

ERE, mentiras e novas contratacións

Cando o BBVA puxo en marcha o ERE, o cadro de persoal apoiou as para evitar os despedimentos e os traslados forzosos. Todos e todas sabiamos que nas oficinas faltaba persoal, que se facían (e fan) horas extras non recoñecidas día si e día tamén ou que a sobrecarga de traballo é un grave problema que afecta a nosa saúde.

Manifestación da CIG na Coruña, en contra do ERE no BBVA o 26 de maio de 2021
  A Coruña, a folga no BBVA o 26/05/2021.
  Imaxe: CIG (cc) BY-NC-SA

Pero a ben pagada Dirección do BBVA teimou en despedir e houbo quen aceptou que compañeiros e compañeiras perdesen o seu posto de traballo inxustamente.

O mesmo pasou coas á clientela, tanto en horarios de atención, como no cobro da comisión por operacións en efectivo (que un xulgado tras outro están declarando ilegais, sen que ninguén asuma responsabilidades). O banco empeñouse nunha estratexia de dixitalización forzosa para poder despedir a máis persoal.

17 de novembro de 2021

Non aos peches de oficinas!

Polo mantemento dos postos de traballo no BBVA  Non ao ERE no BBVA

Concentracións diante das oficinas (de enrriba cara abaixo) na rúa Progreso e Boas Aires en Ourense, Vila de Cruces (Pontevedra) e Arzúa (A Coruña) o día 12 (en Ourense) e 17 de novembro de 2021

Volvemos saír á rúa para seguir denunciando publicamente o peche indiscriminado de oficinas que está a facer o BBVA. Concentrámonos o día 12 en , diante das oficinas do Progreso e de Bos Aires, e hoxe 17, en e .

O banco segue executando o ERE que, non imos deixar de dicilo, é totalmente INXUSTIFICADO. O que está acontecendo nas oficinas dános a razón. As tremendas consecuencias que a redución brutal de persoal, os peches de oficinas e os traslados, están causando entre a clientela e o conxunto dos e das traballadoras é algo que nós xa advertimos dende o inicio da negociación. Dixemos que non sobraba persoal, e esa afirmación era, e é, totalmente acertada.

18 de outubro de 2021

Continuamos mobilizándonos contra os peches

Polo mantemento dos postos de traballo no BBVA  Non ao ERE no BBVA

Concentración na oficina de Laracha (A Coruña) o 13 de outubro de 2021 e en García Camba (Pontevedra) o día 15

O 13 de outubro na e o 15 en , seguimos denunciando os peches de oficinas que está a facer o banco, xogando esa carta branca que lle deron as organizacións asinantes dun ERE inxusto e inxustificado.

As consecuencias son coñecidas por todo o cadro de persoal: mobilidade xeográfica, despedimentos e traslados con cambios de funcións sen a preceptiva formación. O banco fai o seu particular agosto, coa vista posta no incremento de beneficios.

A situación en xeral nas oficinas que quedan abertas é moito peor que a existente antes do ERE (que xa era mala), con menos dotación. O clima laboral é esquizofrénico, obxectivos comerciais inalcanzables, e presión desmesurada. O persoal desbordado, aguantando con medicación ata que lle prescriben unha baixa.

24 de setembro de 2021

Concentracións da CIG en Lugo contra os PECHES de oficinas

Polo mantemento dos postos de traballo no BBVA  Non ao ERE no BBVA

Concentración nas oficinas de San Cibrao e Ferreira do Valadouro (Lugo) o 22 de setembro de 2021

O 22 de setembro mobilizámonos de novo contra os peches de oficinas do BBVA, desta volta en e en .

Nesta ocasión acompañáronnos veciños e veciñas prexudicadas pola decisión do Banco de pechar estas oficinas e deixar sen servizo á clientela, traspasándoa, no caso da oficina de San Cibrao á oficina de Burela, e a da oficina de Ferreira do Valadouro á oficina de Mondoñedo, cos prexuízos e dificultades que isto supón para a clientela, especialmente no caso das persoas maiores.

Xa anunciamos, cando se pechou a negociación do ERE inxustificado, que as súas consecuencias non acababan co peche desa negociación, senón que ao longo deste ano comprobaríamos como o banco segue coa destrución de postos de traballo e as presións sobre o persoal que continúa no banco.

27 de xullo de 2021

Aquí non pasa nada… ou si?

Despedimentos no BBVA

Nestas últimas semanas pecháronse os prazos de adscrición ás baixas no ERE do BBVA. Non foi un proceso doado, nunca o é. E moito menos un proceso «voluntario».

O banco logrou que lles asinasen o primeiro ERE do Estado que non está motivado por unha fusión. Non había necesidade, se sobraba persoal ben se podía ter comprometido un proceso de prexubilacións voluntario, pero o banco tiña outros plans e houbo quen lle asinou un cheque en branco.

Agora, os asinantes «laméntanse» das consecuencias: despedimentos forzosos, traslados forzosos a centos de quilómetros dos seus domicilios, adscricións forzosas a postos de CSE e Task–Force con modificación das súas condicións de traballo… Están a producirse todas as casuísticas que empresa e asinantes afirmaban que non se producirían, a pesar de que as solicitudes de saídas foron moi superiores ás ofertadas pola empresa, o que, por si mesmo, é un claro indicativo do enorme malestar e a inquedanza do persoal polo seu futuro no caso de seguir traballando.

7 de xullo de 2021

Concentracións en Vigo contra os PECHES de oficinas

Polo mantemento dos postos de traballo no BBVA  Non ao ERE no BBVA

Concentración na oficina do BBVA da rúa Urzáiz 99, Vigo
Concentración na oficina do BBVA da rúa Florida 4, Vigo
Manifestación dende a oficina do BBVA na rúa Florida cara a oficina da rúa Coruña en Vigo
Concentración na oficina do BBVA da rúa Coruña, Vigo

A CIG mobilizouse en , o 7 de xullo, contra os peches de 3 oficinas: Urzáiz 99, Florida 4 e a da rúa Coruña.

Peches que, como todos e todas sabedes, son a xustificación para despedir. A Dirección pretende prescindir da rede de oficinas, da atención presencial, para trasladar a carteira de particulares á atención en remoto, e iso ten un gravísimo impacto sobre o emprego. Moito nos tememos que este ERE non será o último.

Mentres nós seguimos combatendo o ERE, hai quen fai publicidade nos medios do número de persoas que solicitaron acollerse, como unha demostración da bonanza dos despedimentos, cando o ERE non foi aprobado en referendo polo persoal afectado que, por se fose pouco, participou activamente nas mobilizacións e nas folgas.

9 de xuño de 2021

A opacidade da Dirección e dos asinantes é terrorismo laboral

Non ao ERE no BBVA

Estamos recibindo moitas consultas sobre como se concreta o número de despedimentos nas catro provincias galegas. Un dato que a empresa agochou conscientemente na Mesa, malia que foi requirido pola CIG. Queren utilizar o medo para conseguir o máximo número de «voluntarios/as», simplemente para «petar» o ERE e colgarse «medallas» a costa da dor allea.

8 de xuño de 2021

NON! Manteñen despedimentos a nivel galego, habendo unha alternativa máis barata e menos antisocial

A CIG non asina o acordo do ERE do BBVA

Non ao ERE no BBVA

A negociación do ERE do BBVA foi inédita en comparación ao sucedido noutros bancos, nos que se asinaron ERE’s con peores condicións. E isto foi grazas a que se contou co persoal e houbo un seguimento masivo, nomeadamente das . O persoal marcou a diferenza, será quen sufra o acordo e debe ter a última palabra: a aprobación debería ser nun Referendo aberto e democrático.

A convocatoria de folga en , e que, coma o banco recoñeceu, tivo un seguimento masivo, obrigou a outros sindicatos a moverse. Pegamos unha couce ao taboleiro deseñado e o BBVA viuse obrigado a negociar máis alá do previsto. Resulta totalmente inexplicable que despois do éxito das folgas, non se mantivera a presión sindical, malia que propuxemos distintas alternativas para seguir mobilizándonos. De telo feito o acordo sería mellor.

7 de xuño de 2021

Pola retirada dos despedimentos, concentracións 8 de xuño

ERE—BBVA · Período de consultas

Non ao ERE no BBVA

Mañá día 8 vai ter lugar unha nova reunión da mesa de negociación do ERE. Non é asumible que despois da masiva participación nas , paros e , nas que en conseguimos paralizar case o 100 % da actividade do Banco, se poida asinar un acordo que siga contemplando despedimentos e que empeore as condicións laborais do persoal que quede na empresa.

Temos que seguir demostrándolle ao BBVA que este ERE non ten xustificación. Só está encamiñado para que teñan máis beneficios a costa do persoal, expulsándoo do mercado laboral e esixindo novos sacrificios a quen quede traballando, con mobilidades xeográficas que afectan a todos e todas, cambios de funcións, ampliación de horarios e sobrecarga de traballo.

4 de xuño de 2021

O banco vai «reflexionar»… pero teima nos despedimentos

ERE—BBVA · Período de consultas

Non ao ERE no BBVA


Na reunión de hoxe, a empresa aceptou unha nova prórroga de negociación até o día 8 de xuño. Fixo novas propostas tanto económicas como de afectación de persoal. E comprométense a darlle unha volta a fondo á cláusula de «equilibrio xeracional», pero non nos contan como vai ser esa cláusula.

Dinnos que non van facer un proceso de prexubilacións e que o día 8 é un prazo que xa non vai admitir pola súa parte máis dilación. Todos estes «avances» son froito das e do persoal do BBVA, que con dignidade e convicción manifestamos na rúa o noso rexeite ante medidas tan desproporcionadas e agresivas.

Este ERE non se enmarca en ningún proceso de fusión como noutras entidade, senón que o seu único propósito é aumentar os seus beneficios. Dixémolo dende o principio e seguimos : NON TEN XUSTIFICACIÓN.

3 de xuño de 2021

Eppur si muove (pero pouco)

ERE—BBVA · Período de consultas

Non ao ERE no BBVA

A empresa, despois do éxito continuado das fixo a primeira proposta de redución do impacto, con recolocacións e minorando os peches previstos. Claro que se pode e claro que as mobilizacións teñen efecto!

Proposta do Banco: A nivel galego o «excedente» baixa a 82 persoas, polo que podería cubrirse coa saída dos compañeiros/as a partir de 60 anos. Esa redución viría por recolocacións a nivel galego. A Forza vendas especializadas (seguros e xestión pemes) 3 persoas, e Equipo apoio comercial (task force), 14 persoas.

Reducen por primeira vez o número de oficinas a pechar en 50 (2 en ), o que reduce o número de Directores/as afectados, pero sen especificar os criterios.

Para a CIG nunca foi necesaria unha «prórroga», poderíamos seguir negociando eternamente, pero coas premisas do BBVA nunca chegaremos a un acordo. O importante é manter a presión e, nese sentido, fixemos unha proposta ao resto de forzas sindicais para convocar xa mobilizacións para a vindeira semana. O banco ten que mover ficha, aceptando as alternativas sindicais que non implican «despedir, despedir e despedir».

Por iso hoxe fixemos a seguinte proposta, mantendo a nosa alternativa de que, se hai excedente de persoal, se acorde un proceso de saídas cos seguintes criterios:

1 de xuño de 2021

TODOS e TODAS á FOLGA o 2 de xuño: Se hai despedimentos, hai CONFLITO!

ERE—BBVA · Período de consultas

Folga 2 de xuño no BBVA Non ao ERE no BBVA

A empresa, despois da reunión de hoxe, segue sen modificar dúas cuestións que son principais:

  • Un 50 % dos despedimentos serán de menores de 50. Malia que con carácter xeral e nomeadamente a nivel galego, é posible e teñen menor custe social e económico as prexubilacións.
  • Non hai voluntariedade, toda vez que se reserva decidir a quen despedirá e, ademais, mantén o criterio de «produtividade», que é totalmente subxectivo.

Na reunión indicou que a mobilidade xeográfica afectará as 11.244 persoas potencialmente afectadas polo Expediente; quere dicir que trasladará a quen non acepte marchar «voluntariamente». E fixo a seguinte proposta:

31 de maio de 2021

2 de XUÑO: FOLGA no BBVA e MANIFESTACIÓN na Coruña

CC.OO - ACB - CGT - UGT - SEC (cic) - CIG - ELA - SCAT

Despois da masiva participación nas sucesivas mobilizacións dos últimos días, e ante a actitude inamovible do Banco, os sindicatos decidimos seguir dando contestación na rúa, porque contamos co voso apoio. Temos que seguir mobilizándonos, demostrándolle á empresa que non pode haber despedimentos, que neste banco todas e todos somos necesarios.

27 de maio de 2021

MANTEÑAMOS A PRESIÓN: Todos e todas ao PARO do 31 e á FOLGA do 2 de xuño!

ERE—BBVA · Período de consultas

Non ao ERE no BBVA

Sempre dixemos que apostamos pola unidade de acción e, nese senso, o apoio masivo a FOLGA do 26 de maio debe estenderse e debemos manter a presión, polo que a CIG secundará o paro do 31 de maio e a o 2 de xuño, e chamamos a todo o persoal a participar masivamente nesas mobilizacións.

O conflito non rematará aí, hoxe o BBVA debe saber que se despois do 3 de xuño hai , seguirá o conflito. Por iso facemos un chamamento ao cadro de persoal a manter a unidade, e non aceptar un só despedimento, hai alternativas.

A nivel galego, incluso no escenario actual que non aceptamos, a saída con prexubilacións das persoas maiores de 60 anos cubriría o suposto excedente de 101 persoas e tería un menor custe económico que o despedimento das persoas de 40—50.

26 de maio de 2021

Folga 26 maio no BBVA

CGT-SEC-CIG-ELA-SCAT-LAB

As organizacións sindicais enriba asinantes, co apoio das compañeiras e compañeiros participantes na Folga manifestámoslle á empresa o noso contundente rexeite e unánime ao reaxuste que pretende levar a cabo o BBVA. Respondemos coa folga a nivel estatal de hoxe, 26 de maio, convocada por CGT BBVA, unida ás folgas en Catalunya, Galiza e Euskal Herria convocadas por SEC, CIG, ELA, SCAT e LAB.

Seguimos a ler na prensa que 3.798 familias irémonos as nosas casas prexubiladas, dentro dunha campaña orquestrada que busca que este drama de 3.798 DESPEDIMENTOS —ou a cifra dos mesmos que quede despois de, como intenta o BBVA, eliminar as restricións á mobilidade xeográfica e modificando as condicións dos nosos contratos— non teña visibilidade social. ABONDA XA!

25 de maio de 2021

O Banco mantén os despedimentos, digámoslle NON coa FOLGA!

ERE—BBVA · Período de consultas

Non ao ERE no BBVA

Os paros, apoiados polo conxunto da representación sindical, foron un éxito, o mesmo que a convocatoria de folga de , o que anticipa o éxito da de mañá. O banco continúa sen moverse, polo que é preciso intensificar o conflito, máximo cando hai alternativa.

A reunión de hoxe non deparou sorpresas, o banco propuxo ampliar en 26 as persoas a recolocar nos CSE. O novo CSE da tería 21 persoas, é dicir a nivel galego quedarían sen recolocar 101 persoas.

20 de maio de 2021

Así non se pode negociar, falta información básica e facer propostas así é temerario

ERE—BBVA · Período de consultas

Non ao ERE no BBVA

Non entendemos como é posible facer contrapropostas cando descoñecemos información básica, como as persoas afectadas polos distintos Expedientes. Pero tampouco sabemos cantas prexubilacións e cantos despedimentos «oferta» o banco; calquera proposta sindical debería partir dese dato, non é o mesmo negociar un 10 % de prexubilacións e un 90 % de despedimentos, que á inversa.

18 de maio de 2021

Non minoraron o impacto dos expedientes

ERE—BBVA · Período de consultas

Non ao ERE no BBVA

Coma xa informamos ao inicio do proceso, o banco puxo en marcha 3 expedientes colectivos distintos que afectaban en total a 3.798 persoas. O número non se modificou, seguen sendo 3.798; simplemente pasan dun expediente a outro. O banco négase a un proceso de prexubilacións.

  • Expediente de Despedimentos Colectivo. Inicialmente o número de persoas afectadas eran 3.448, e nesta reunión pasou a 3.331 a costa de ampliar a MSCT, 117 persoas máis que pasarían a CSE.
  • Expediente de Modificación Substancial das condicións de traballo (MSCT). Inicialmente o número de persoas afectadas era de 350 e na reunión o banco incrementounas a 467.
  • Expediente de mobilidade xeográfica. Seguimos sen saber a cantas persoas afecta.

14 de maio de 2021

Porqué ten sentido a FOLGA o 26, e 
NON o ÚLTIMO día

Non ao ERE no BBVA

A folga é unha medida de defensa que ten a clase traballadora, non é un fin en si mesma. A folga ten éxito se ten participación do persoal, pero tamén se hai tempo para «xestionala», para que ao día seguinte os sindicatos teñamos marxe para , ou se é necesario poder incrementar o conflito.

Metela o último día fai que, aínda que fose un éxito, ao día seguinte, xa esgotado o prazo legal para negociar, non valga para nada, que quede nunha simple «pataleta».

Nós defendemos dende o primeiro momento a Unidade de Acción e compartimos o cabreo do cadro de persoal ante o triunfo da Dirección, que foi quen de dividir ao cadro de persoal para vencernos. Pero realmente hai unha : a do 26 de maio; a outra non existe máis que no papel.