![](https://blogger.googleusercontent.com/img/b/R29vZ2xl/AVvXsEg-mNQSL7qkQLpC5NsAI0Hvl9oIIt3iYplheBj0vrDQqjRO_fzNCvl9RNCNFi11crwYtzHPWiFKNWsh3kErvocJEf62IvFH0v7Ic9HKdX2fi77yVsf17t8eHi7qEkYOtczX9khwNudmA1SkrvbFbWP8H7n8cVnI-qyJm5cyhMM7f5ZLpqYUXiSYmu7X/s1600/BancaAforro.png)
![Confederación Intersindical Galega (CIG), Eusko Langileen Alkartasuna (ELA), Intersindical Confederació Sindical Català (I-CSC), Sindicat d'Estalvi de Catalunya (SEC) CIG, ELA, I-CSC, SEC](https://blogger.googleusercontent.com/img/b/R29vZ2xl/AVvXsEgNecRytfYcI-O-QAEMCLz3GUyml1tNqeLHV5V5Uv4Fjfcgh1V70ZbrJAYicsLWcw2wjx0ruYByKf0cN7piVO8MxylthK0W7wOfy494EtQecpdkqDAe9TtP93c7uOsi2G2T_QG6rrYguXgLDJZZ97bNxpXZYtD9a9UsO2DhZRixzsym4Sr-w2wJIHyiqC4F/s1528/CIG-ELA-IC-SEC.png)
![mobilización](https://blogger.googleusercontent.com/img/b/R29vZ2xl/AVvXsEgJEv7KlJH_uWrc8FTIlcwIdLE46aWs0AZBtZ324Xy_IIBp4XKEf_OI70wFa_77XscVubKsPERZr_J7CfWGgNM8g7md6AyGPtLdaO7f6jM1ZOby9fv3TA7VdBdMajxYGdgyJc3gOn9M-iJj3PqoVEwKkq03_jWcCR_tAPmLgOegUlE-huWiUN-twyjPH3gn/s435/MobilizacionFolga.png)
Os sindicatos CIG, ELA, SEC–BBVA e a Intersindical–CSC aprobamos a convocatoria conxunta de folga para o próximo 29 de febreiro. Agardamos poder seguir sumando a outros sindicatos na convocatoria. Para avanzar na consecución de melloras no convenio é necesaria a mobilización de todos e todas xa, non podemos agardar á véspera da semana santa para dar este paso, o deterioro das condicións laborais e o clima laboral tóxico así o exixen.
Os grandes bancos AEB acaban de publicar, repetindo a proeza de 2022, uns beneficios históricos, prometendo máis para este exercicio; non podemos deixar pasar este momento para negociar e recuperar dereitos.
É agora ou nunca!
Queremos unidade de acción, porque así nolo pedides vós; e por iso, dirixirémonos ao resto de sindicatos con representación na mesa de convenio para que se adhiran a esta convocatoria. Compartimos a necesidade de convocar folga no sector, pero debe ser o antes posíbel, non podemos seguir soportando máis desprezos da patronal. A prol desa unidade, as organizacións promotoras desta convocatoria manifestamos a nosa intención de apoiar os paros parciais anunciados para o día 26 de febreiro polos sindicatos estatais, mais sen perder de vista o noso principal obxectivo, a folga do 29 de febreiro.
Sen siglas, sen bandeiras, sen protagonismos estériles das organizacións convocantes. Será a folga do conxunto de traballadores e traballadoras dos bancos. A unión de todos e todas nós, traballadoras e traballadores nos bancos, será a que obrigue á patronal a unha negociación real e non a impoñer as súas condicións.
Se queremos recuperar poder adquisitivo, se queremos poñer freo á presión comercial desmedida, se queremos acabar coas pretensións da patronal AEB de máis recortes e precarización do traballo bancario… a FOLGA é a resposta!
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan ou realizar algún comentario; Únete!
Súmate a CIG! Afíliate!
Folleto
http://i.gal/Afiliate
[.pdf • 182 kB]Folla
http://i.gal/AfiliateCIG
[.pdf • 1'09 MB]
1 comentario:
Se o desexas, tamén podes realizar calquera comentario na nosa canle en Telegram
Publicar un comentario