CIG BBVA: Concentracións en Vigo contra os PECHES de oficinas

Polo mantemento dos postos de traballo no BBVA

Concentración na oficina do BBVA da rúa Urzáiz 99, Vigo

Concentración na oficina do BBVA da rúa Florida 4, Vigo

Manifestación dende a oficina do BBVA na rúa Florida cara a oficina da rúa Coruña en Vigo

Concentración na oficina do BBVA da rúa Coruña, Vigo

A CIG mobilizouse en Vigo, o 7 de xullo, contra os peches de 3 oficinas: Urzáiz 99, Florida 4 e a da rúa Coruña.

Peches que, como todos e todas sabedes, son a xustificación para despedir. A Dirección pretende prescindir da rede de oficinas, da atención presencial, para trasladar a carteira de particulares á atención en remoto, e iso ten un gravísimo impacto sobre o emprego. Moito nos tememos que este ERE non será o último.

Mentres nós seguimos combatendo o ERE, hai quen fai publicidade nos medios do número de persoas que solicitaron acollerse, como unha demostración da bonanza dos despedimentos, cando o ERE non foi aprobado en referendo polo persoal afectado que, por se fose pouco, participou activamente nas mobilizacións e nas folgas.

Que solicitaron a saída 4.730 persoas? Pois vale!

Se queren medilo así, as solicitudes están moi lonxe das 11.244 persoas afectadas que teñen a espada de Damocles sobre a súa cabeza. E aínda que se apuntasen todas, os despedimentos nunca son algo do que alegrarse e publicitar.

Nós seguimos na batalla contra os peches e contra os despedimentos.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!