Amosando publicacións coa etiqueta control-horario. Amosar todas as publicacións
Amosando publicacións coa etiqueta control-horario. Amosar todas as publicacións

27 de outubro de 2023

Proceso participativo: ti traballas, ti decides!

Elabora as propostas sindicais cara a negociación do Convenio

Quen traballa todos os días es ti, o que está en xogo é como traballas e como se retribúe o teu esforzo, para iso está a negociación colectiva. Por iso, dende a CIG cremos que as propostas sindicais que defendamos na Mesa Negociadora, temos que decidilas conxuntamente.

Poñemos en marcha un proceso participativo, aberto a todo o persoal a nivel galego e anónimo (non precisamos os teus datos). Queremos coñecer cales son os problemas que te preocupan, aos que o Convenio debería dar resposta.

O convenio anterior, como era previsíbel, engordou os beneficios empresariais e recortou inxustamente os nosos salarios. Por outra parte, normas beneficiosas do convenio, coma os horarios, non se aplican. As empresas impoñen sen oposición horarios que, dende unha óptica presencialista, ordenan as Direccións Comerciais.


Podes encher en liña a devandita ou ben, se a fas en papel, a podes entregar a calquera delegada ou delegado da CIG, ou remítila á Sección Sindical da CIG por correo electrónico ou postal.
Agradecemos moitísimo a túa participación e compromiso.


4 de outubro de 2022

Por que hai que rexistrar correctamente a xornada? Consecuencias de rexistrala mal

O rexistro de xornada é un dereito conseguido pola CIG, que ten coma obxectivo evitar a fraude en materia de xornada por parte das empresas. Pero legalmente tamén é unha obriga legal para o persoal.

Non rexistrar correctamente a xornada pode ter consecuencias:

7 de xuño de 2022

ERE, mentiras e novas contratacións

Cando o BBVA puxo en marcha o ERE, o cadro de persoal apoiou as para evitar os despedimentos e os traslados forzosos. Todos e todas sabiamos que nas oficinas faltaba persoal, que se facían (e fan) horas extras non recoñecidas día si e día tamén ou que a sobrecarga de traballo é un grave problema que afecta a nosa saúde.

Manifestación da CIG na Coruña, en contra do ERE no BBVA o 26 de maio de 2021
  A Coruña, a folga no BBVA o 26/05/2021.
  Imaxe: CIG (cc) BY-NC-SA

Pero a ben pagada Dirección do BBVA teimou en despedir e houbo quen aceptou que compañeiros e compañeiras perdesen o seu posto de traballo inxustamente.

O mesmo pasou coas á clientela, tanto en horarios de atención, como no cobro da comisión por operacións en efectivo (que un xulgado tras outro están declarando ilegais, sen que ninguén asuma responsabilidades). O banco empeñouse nunha estratexia de dixitalización forzosa para poder despedir a máis persoal.

1 de febreiro de 2021

Coa conxelación salarial seguen a pagar os despedimentos no sector. Pagamos nós!

Asinado o convenio colectivo para os anos 2019–2023


O pasado venres, 29 de xaneiro, os sindicatos estatais CC.OO, UGT e FINE asinaron coa AEB o novo convenio colectivo para o sector de Banca.

A CIG non asinou este convenio…

22 de outubro de 2020

Excesos de xornada, saúde, igualdade real e suba salarial

Negociación XXIV Convenio Colectivo AEB


Na xuntanza de convenio do 21 de outubro, tendo en conta a situación de parálise na negociación, provocada pola patronal que ata o de agora non estivo disposta a variar en nada a súa proposta inicial de recortes e conxelación, e coa intención de avanzar e delimitar aspectos fundamentais dentro das nosas reivindicacións, dende a CIG abordamos algúns aspectos recollidos na nosa plataforma que consideramos imprescindible incluír no texto do convenio que regulará as relacións laborais no sector os próximos anos. Aspectos que coinciden coas preocupacións das persoas traballadoras do sector.

19 de outubro de 2020

Negociar un convenio en tempos de pandemia

Negociación XXIV Convenio Colectivo AEB


Levamos 2 anos co convenio vencido; primeiro enleando coa negociación dun Rexistro de Xornada que perpetúa a fraude das prolongacións de xornada e as non pagadas nin cotizadas. Logo, cando parecía que a negociación comezaba a coller corpo, chegou a e todo parou, quedou en suspenso. Retomadas as negociacións en maio, os avances até agora foron nulos.

A patronal segue co seu mantra de non asumir maiores custos, nin suba salarial, nin melloras nas achegas a plans de pensións,… e a cousa non para aí, xa que a súa pretensión vai máis alá de quedar como estamos: a proposta de modificación/supresión dos trienios de antigüidade é un claro exemplo de recorte salarial. Aínda que falen de contención salarial.

27 de xaneiro de 2020

Á patronal non lle interesa negociar

Negociación XXIV Convenio Colectivo AEB


O pasado 22 de xaneiro tivo lugar a 18ª reunión da do Convenio, vencido dende decembro de 2018. O propósito era tratar as materias dos catro primeiros capítulos, mais finalmente a reunión concretouse nunha vaga exposición de ideas centrais sen afondar nas cuestións nin entrar a debater a súa concreción. Unha vez máis a patronal segue a enredar na mesa, esgotando convocatorias, agardando á proximidade do remate da prorroga da ultractividade o 30 de xuño de 2020, para tentar acadar pola porta de atrás un á súa medida. Así pois reafirmámonos na frase do título, porque unha vez asinado un acordo de rexistro de xornada, que claramente responde aos seus intereses, semella que non teñen intención de perder o seu tempo en contrastar, debater e negociar propostas.


19 de decembro de 2019

Nin vencen nin convencen

Negociación XXIV Convenio Colectivo AEB


Manisfestación en Compostela o 22 de xuño de 2019 en demanda da implantación efectiva do rexistro de xornada no sector

Na xuntanza da mesa de negociación do pasado día 18, a AEB só aceptou prórroga da ultraactividade do XXIV Convenio até o 30–06–20, aínda que a parte social solicitara un prazo de un ano (até o 31–12–2020). Finalmente, CC.OO, UGT e FINE accederon ás pretensións da patronal.

Máis non foi o único e maior despropósito. Foron tamén CC.OO, UGT e FINE quen finalmente asinaron o Acordo «fake» de Rexistro de Xornada e Desconexión Dixital proposto pola AEB (non asinando CIG, ELA, LAB e CGT), e aínda dando un prazo de 3 meses máis ás entidades para a implantación dos sistemas de rexistro cando era obrigatorio desde o pasado 12 de maio.

13 de novembro de 2019

Rexistro de xornada: se fose bo, non faría falta tanta publicidade

Que no banco se fan horas só o nega a Dirección da Entidade, a mesma que está facendo un despregue publicitario sobre o seu modelo «fake» de rexistro de xornada.

As horas extraordinarias veñen dadas por unha cuestión fundamental: a organización do traballo conforme ao denominado DPO (Dirección por Obxectivos). A empresa impón obxectivos comerciais crecentes, presionando para que se cumpran, desentendéndose do tempo que faga falta para facelo.

Farase unha avaliación de riscos e unha medición de tempos antes de asignar nova carga de traballo, incluídos novos obxectivos?
Evidentemente non, polo tanto o problema irá a máis.

4 de novembro de 2019

Prorrogar para non aplicar a norma

Negociación XXIV Convenio Colectivo AEB


O Decreto-Lei que recolle a obriga de implantar un rexistro de xornada en todas as empresas foi publicado o pasado 8 de marzo. Oito meses despois e unha ducia de reunións na , seguimos sen acordo no sector de Banca sobre esta materia, cunha nova prórroga até o 26 de novembro, para tratar de chegar a un acordo. E mentres o contador segue sumando no haber da patronal…

Dende a CIG seguimos rexeitando a proposta da AEB, que permite o mantemento da situación actual, cun modelo autodeclarativo que non atallará as prolongacións de xornada. Defendemos a implantación dun sistema de rexistro automático que garanta a obxectividade e fiabilidade, e non sexa manipulable.

Na xuntanza da mesa negociadora do pasado 30 de outubro, tamén se falou de prestacións complementarias, beneficios sociais e saúde laboral. As propostas da CIG nestas materias foron:

17 de outubro de 2019

Renovar para retroceder en dereitos

Negociación XXIV Convenio Colectivo AEB


O pasado día 16 de outubro tivo lugar a duodécima xuntanza da negociación do Convenio Colectivo de Banca. A patronal presentou as súas pretensións en materia de Xornada e Conciliación e Igualdade, comprometéndose a facilitar por escrito unha concreción das súas propostas.

XORNADA
A proposta da patronal pasa por unha desregulación total de horarios, mudando artigos que actualmente limitan a posibilidade de modificar os horarios establecidos en convenio en función das necesidades da empresa (art.27.3 ou art. 27.4 CCB). Pretenden acabar cun dereito histórico na Banca como é o horario continuado. E se a isto lle engadimos que o modelo de rexistro de xornada que pretenden implantar é autodeclarativo e recolle supostos nos que non é preceptivo rexistrar a xornada (algo que contradí a Lei), que é un modelo que permitirá perpetuar as prolongacións de xornada e as horas extras non cobradas nin cotizadas, podemos afirmar que con estas premisas o sector continuará afondando na súa precarización. Continuará a organización do traballo no sector tal e como está deseñada hoxe, onde a xornada diaria se adapta a carga de traballo e non ao revés, como debería ser.
 
CONCILIACIÓN
As propostas da AEB nesta materia pasan por modificar medidas recollidas actualmente no convenio, unicamente para dificultar o acceso as mesmas.

30 de setembro de 2019

Acordo de rexistro de xornada no BBVA

(será máis doado que un camelo entre polo ollo dunha agulla que se te recoñezan as horas extras)


En primeiro lugar o acordo mantén o sistema autodeclarativo, establecendo que se trata de unha relación entre iguais, cando a relación laboral é asimétrica e o propio rexistro de xornada é necesario dado que o traballador/a é a parte feble da relación, tal e como argumentou o TXUE na súa sentenza.

Non parece lóxico que en pleno século XXI o modelo do rexistro non totalice a xornada, debendo facelo o traballador/a, a «aplicación» non será nen sequera unha «folla de cálculo». O motivo? Que sexa aberto á fraude.

Xera tamén unha gran inseguridade xurídica para o persoal, que se desconte o que din «interrupciones que obedezan a unha razón o motivación persoal». Sen establecer cales son, ou as propias limitacións, o que pode dar lugar a sancións disciplinarias no futuro. Pero sobre todo será un saco sen fondo para maquillar horas extraordinarias.

9 de setembro de 2019

Non ao falso rexistro de xornada que quere a Patronal e que CC.OO, UGT e FINE non descartan asinar.

CGT·CIC·CIG·ELA·LAB FesiBac CIC ELA LAB

Os sindicatos que formamos parte das Mesas Negociadoras dos dous Convenios Colectivos existentes no sector de Banca, bancos da AEB (CGT, CIG, ELA e LAB) e bancos de CECA (CIC e CIG), consideramos que ante a gravidade dos feitos que estamos vivindo debemos manter una posición unitaria, trasladando ao conxunto da sociedade e aos cadros de persoal o noso temor ante a posible irresponsabilidade de CC.OO, UGT e FINE de aceptar o modelo de rexistro de xornada proposto polos bancos.

Un modelo que desmantela de facto o Rexistro de xornada de obrigado cumprimento para as empresas, conforme ao RD. lei 8/2019, sentando un precedente, xa non só para todo o sector financeiro, si no para o conxunto das empresas.

O modelo proposto pretende formalmente cumprir coa lei pero deixa en mans do traballador/a rexistrar a hora de entrada e saída, eludindo así un rexistro real e automático da xornada laboral.

Para nos o sistema debe ter, como mínimo, as seguintes características:

19 de xullo de 2019

Cal é o problema de aceptar a aplicación de Rexistro dos Bancos

Bancos e sindicatos pactaron negociar a implantación do Rexistro de Xornada até o 31 de xullo; as patronais bancarias bloquearon a negociación, conseguindo que o sindicalismo estatal se rendera e asumira o seu modelo

Normalmente os convenios colectivos contemplan unha xornada máxima ordinaria, que se calcula tendo en conta os horarios pactados. Pero nos convenios colectivos do sector financeiro contemplan un horario e, por outra parte, unha xornada máxima anual desvinculada de aquel. É dicir, a xornada máxima anual é superior á que se desprende do cumprimento dos horarios.

Así por exemplo, a desaparición das mañás dos sábados non tivo o lóxico reflexo na redución da xornada en cómputo anual.

Manifestación do persoal dos bancos o pasado 22 xuño en Santiago
  Manifestación do persoal dos bancos o pasado 22 xuño en Santiago.
«Aceptar unha aplicación desvinculada do sistema é admitir que continúe a fraude, por iso a CIG non comparte a proposta dos sindicatos estatais».

18 de xullo de 2019

Á AEB non lle interesa o Rexistro Horario

Presentismo ou prolongación de xornada?

A patronal afirma que o Real Decreto ten como obxectivo prioritario acabar cun problema cultural «o presentismo no posto de traballo». Esquece que este sindicato foi promotor no Congreso dos Deputados do proxecto de lei que finalmente se concretou na nova norma que obriga o rexistro de xornada, e que o noso obxectivo e o da norma, é rematar coas Prolongacións Ilegais de Xornada, endémicas no sector financeiro.

Na reunión do día 16, presentamos por escrito a nosa propia proposta. Negámonos a que se poña en marcha un rexistro autodeclarativo, que choca de fronte coas esixencias e pretensións que a norma establece, isto é, un modelo obxectivo e fiable que remate coas prolongacións ilegais da xornada. Non se pode trasladar ao persoal unha obriga que é única e exclusivamente da empresa.

A nosa proposta baséase en que os bancos xa contan con sistemas de rexistro de xornada, tales como as «tarxetas» de entrada a través de «tornos», especialmente no SS.CC e claves de usuario/a e contrasinal. Calquera acceso ao sistema informático tanto nas oficinas como dende os móbiles, portátiles ou outro tipo de soportes facilitados polo banco, faise coa introdución dunha clave persoal e intransferible e un contrasinal.

3 de xullo de 2019

Traballarías 2 meses ao ano sen cobrar? 
Contribuirías a destruír 12.049 postos de traballo?

A verdadeira dimensión do exceso de xornada

Os Bancos propoñen unha aplicación para , independente do resto de aplicacións:

Unha aplicación que nin tan sequera é unha folla de «Excel», xa que ti ficharías, pero terías que introducir cantas desas horas traballaches e cantas «estiveches na oficina vagueando».

  • Coa aplicación poderías rexistrar menos horas das reais (é o que buscan e o que te dirán verbalmente), aínda que o banco teña datos da xornada real.
  • Se o banco te convoca a unha reunión ou a un curso fóra da xornada, poderías non rexistrar o tempo de asistencia, e o banco tampouco o fará.
  • Non se utilizarían os datos que ten o banco a través dos accesos ao sistema operativo coa clave de usuario, de acceso ás Plataformas de Formación on–line, das tarxetas de entrada nos tornos de SS.CC, etc.
  • Se saes tarde, ou fas horas extras, non poderías poñer a hora real de saída se non o visa un superior.

6 de xuño de 2019

O 10 xuño concentrarémonos na Coruña


Os delegados e delegadas da CIG – BBVA mobilizarémonos diante da Dirección Territorial na Coruña para protestar contra os continuos abusos e incumprimentos por parte do BBVA.

  • Reclamamos que o BBVA cumpra coa lexislación e que poña en marcha o Rexistro de Xornada.
  • Que garanta o noso dereito á desconexión dixital prevista na Lei de Protección de Datos.
  • Que a carga de traballo sexa realizable dentro da xornada laboral, abonda de obxectivos crecentes. Fronte as subas abusivas dos obxectivos cuadrimestrais que buscan non pagar a variable. Contra o pool de baixo desempeño, os semáforos, o terceiro tercil, os «bottom performers» ou os continuos seguimentos. Abonda xa de inventar sistemas para acosar ao persoal. Polo respecto a nosa profesionalidade.
  • Para que se aplique a MiFID, que até agora se nos impuxo ao persoal, pero que o banco segue sen aplicar poñendo obxectivos incluso de produtos complexos.
  • Para que se negocie un novo Plan de Igualdade. Fronte ao teito de cristal na carreira profesional. Facemos o mesmo traballo, temos as mesmas funcións e nos esixen as mesmas certificacións: pero as mulleres cobramos de media 17.166 euros menos ao ano, un 30 % menos. A discriminación ten un custe: 213 millóns de euros no 2018.

31 de maio de 2019

22 de xuño en Santiago: Manifestación dos traballadores e das traballadoras de banca

O persoal de todas as entidades financeiras estamos chamados a unir as nosas forzas e erguer un berro para dicir que o noso traballo hai que pagalo.

Os bancos continúan sen poñer en marcha o rexistro de xornada, pretenden transmitir que nada cambiou. Queren gañar a batalla cultural, facernos ver que todo seguirá igual. E nos meteron nun proceso no que buscan fórmulas para deixar sen efecto os rexistros de xornada. Non podemos consentilo, é agora ou nunca.

Estamos fartos e fartas de asumir cada vez unha maior carga de traballo froito das reducións de persoal; duns obxectivos crecentes e das agresivas políticas comerciais para forzarnos a conseguilos; de traballar honradamente pero vivir con medo; o que leva a facer horas extraordinarias que os bancos non pagan, non compensan e non cotizan á Seguridade Social.

20 de maio de 2019

BBVA: Rexistro de xornada Xa!

Foi duro, pero só percorremos a metade do camiño

Grazas á Proposición de Lei da CIG de xuño de 2017 conseguimos que o Rexistro de Xornada sexa unha obriga para as empresas.
Atrás queda o Confilto Colectivo da CIG contra BBVA, as denuncias nas Inspeccións, ou as mobilizacións.
Pero BBVA foi moi belixerante contra o Rexistro e si hoxe non está en marcha é unha mostra de que o segue sendo. Non o queren e toca manternos firmes, como só a CIG sabe selo, e seguir pelexando.
Para garantir o noso dereito a conciliar e para que nos paguen o que é noso, as horas extras.


BBVA: Rexistro de Xornada Xa!

9 de maio de 2019

Negociación XXIV Convenio Colectivo

Onte, 8 de maio, tivo lugar a terceira reunión do proceso de negociación do .

O aspecto máis relevante tratado na reunión foi o cumprimento do Real Decreto Lei 8/2019 sobre o Rexistro da Xornada Laboral. Fixouse como obxectivo establecer un marco de referencia para o conxunto do sector na , con independencia de que as empresas deberán negociar no seu ámbito o sistema concreto a implantar en cada Banco.

Dende a CIG insistimos na obrigatoriedade das empresas do sector de negociar, e implantar a partir do 12 de maio, un sistema de rexistro de xornada. Criticamos a lasitude por parte do sector a hora de cumprir coa Lei, de tal xeito que recoñecen, sen pudor, o grave feito de que o 12 de maio non estará implantado en ningunha entidade un Rexistro de Xornada, a pesar de que tiveron 2 meses por diante dende a aprobación do decreto.

Enquisa: Ti Traballas, Ti Decides!