CIG BBVA: Os Bancos teñen que rexistrar a xornada laboral efectiva

A partir do vindeiro 12 de maio, as empresas están obrigadas a poñer en marcha un rexistro de xornada, conforme á proposta da CIG que foi aprobada como Real Decreto Lei 8/2019.

Cando foi aprobado o Real Decreto dirixímonos a distintas entidades bancarias (Santander, BBVA e Sabadell) instando ás direccións a abrir o proceso de negociación, pero non houbo resposta.

Na reunión de negociación do Convenio Colectivo de Banca do pasado 2 de abril, a patronal viu coa proposta de que se incluíse a negociación do establecemento dun sistema de rexistro de xornada dentro da propia negociación do convenio.

Dende a CIG enviamos un correo a AEB solicitando:

Que nos informen do modelo de rexistro que teñen previsto establecer os bancos en atención ao prazo establecido no RDL. 8/2019.
Que AEB recoñeza que ese modelo terá carácter provisional, a expensas do que se acorde na negociación.

Unha vez conseguido un dereito que consideramos primordial na nosa histórica loita contra o fraude das horas extras no sector financeiro (non remuneradas, nin cotizadas á Seguridade Social, nin tributadas), como sindicato non podemos pactar o incumprimento da lexislación, nin un período de «carencia» na aplicación da Lei.

En todo caso seremos especialmente firmes se estamos ante unha estratexia das Direccións co único obxectivo de adiar o cumprimento da lexislación.

Esta actuación das empresas demostra que o Rexistro de Xornada, aprobado polo Goberno nos termos propostos pola CIG, é unha medida que lles provoca «urticaria». Atrás quedan as críticas de CC.OO e UGT que alegaban que o Real Decreto non sería efectivo.