CIG BBVA: Traballarías 2 meses ao ano sen cobrar? Contribuirías a destruír 12.049 postos de traballo?

A verdadeira dimensión do exceso de xornada

Os Bancos propoñen unha aplicación para Rexistrar a Xornada, independente do resto de aplicacións:

Unha aplicación que nin tan sequera é unha folla de «Excel», xa que ti ficharías, pero terías que introducir cantas desas horas traballaches e cantas «estiveches na oficina vagueando».

Coa aplicación poderías rexistrar menos horas das reais (é o que buscan e o que te dirán verbalmente), aínda que o banco teña datos da xornada real.
Se o banco te convoca a unha reunión ou a un curso fóra da xornada, poderías non rexistrar o tempo de asistencia, e o banco tampouco o fará.
Non se utilizarían os datos que ten o banco a través dos accesos ao sistema operativo coa clave de usuario, de acceso ás Plataformas de Formación on–line, das tarxetas de entrada nos tornos de SS.CC, etc.
Se saes tarde, ou fas horas extras, non poderías poñer a hora real de saída se non o visa un superior.

A aplicación que propoñen é unha fraude monumental. Para nós, ou se vincula esa aplicación para que non se poda operar no sistema informático sen rexistrarse, e se volcan datos do resto de sistemas (plataforma formación online, conexión coa clave usuario ao sistema, … etc..), ou o rexistro só servirá para lavar a cara dos Bancos.

Por último, traballar 2 horas extras diarias, é igual que traballar de balde dous meses ao ano. E se todas as persoas que traballamos para bancos de AEB facemos unha hora extra diaria, estamos destruíndo 12.049 postos de traballo. Esa é a dimensión do problema.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!