30 de setembro de 2019

Acordo de rexistro de xornada no BBVA

(será máis doado que un camelo entre polo ollo dunha agulla que se te recoñezan as horas extras)


En primeiro lugar o acordo mantén o sistema autodeclarativo, establecendo que se trata de unha relación entre iguais, cando a relación laboral é asimétrica e o propio rexistro de xornada é necesario dado que o traballador/a é a parte feble da relación, tal e como argumentou o TXUE na súa sentenza.

Non parece lóxico que en pleno século XXI o modelo do rexistro non totalice a xornada, debendo facelo o traballador/a, a «aplicación» non será nen sequera unha «folla de cálculo». O motivo? Que sexa aberto á fraude.

Xera tamén unha gran inseguridade xurídica para o persoal, que se desconte o que din «interrupciones que obedezan a unha razón o motivación persoal». Sen establecer cales son, ou as propias limitacións, o que pode dar lugar a sancións disciplinarias no futuro. Pero sobre todo será un saco sen fondo para maquillar horas extraordinarias.

Hai horas extraordinarias que se realizan para dar cumprimento a Normativas Internas, a requirimentos da propia empresa (obxectivos comerciais) ou seguindo instrucións verbais dun superior (por exemplo a persoas en seguimento), que o acordo non recoñece. No parece lóxico establecer neste caso un segundo filtro, a «autorización dun superior».

O acordo amplía a xornada laboral, indicando que hai 15 minutos de exceso diario que non terán a consideración de horas extras. Se temos en conta ese tempo, as horas extraordinarias non serán as que superen a xornada diaria (como afirman), senón a xornada en cómputo anual (superior á suma dos horarios).

En definitiva haberá un triple filtro para que se consideren as horas extraordinarias: que alguén non decida que son «interrupcións de carácter persoal»; que sexan autorizadas por un superior aínda que respondan a cumprimentos normativos; e por último, que superen as 1.700 horas anuais.

Máis que rematar coas horas extras ilegais o acordo pon máis trabas para que estas sexan consideradas como tal, achegando seguridade xurídica á empresa e inseguridade xurídica aos traballadores e traballadoras.

Por último non existe un dereito a desconexión dixital, o que expoñen xa era así legalmente, toda vez que as horas extraordinarias son voluntarias. A desconexión sería garantir que os sistemas operativos non funcionen fóra da xornada laboral, non recibir correos, chamadas, ou convocatorias fóra da xornada, algo do que o acordo non fala.



Ligazón relacionada:

Acordo BBVA:  [.pdf · 156 kB]





Súmate a CIG! Afíliate!
Folleto   http://ir.gl/Afiliate [.pdf • 182 kB]
Folla       http://ir.gl/AfiliateCIG [.pdf • 1'09 MB]




Comunicado 190927 [.pdf • 104 kB]


Ningún comentario: