Amosando publicacións coa etiqueta acordo. Amosar todas as publicacións
Amosando publicacións coa etiqueta acordo. Amosar todas as publicacións

11 de xuño de 2026

Novo acordo ZONA CONTIGO

A grande oportunidade perdida para pór fin á discriminación do colectivo


Despois da celebración con fogos de artificio dos sindicatos asinantes, cómpre pór en perspectiva as demandas de TODOS os sindicatos e o finalmente acordado para o colectivo de Zona Contigo.

O punto de partida: sen dúbida o peor acordo asinado co banco por ACB–CC.OO–UGT como anexo ao do ERE en 2021 (inxusto e inxustificado ERE), sen ningún tipo de negociación. Acordo que incluso empeoraba o de Contigo de 2018 (reducindo á metade a xornada de verán, por exemplo). Así validaban a creación dunha nova categoría de traballadoras/es no banco: de 1ª, de 2ª, de 3ª… e os/as da Zona Contigo (CSE's).

28 de maio de 2021

Unha Reforma contra os traballadores e traballadoras de Banca, en plena reestruturación do sector

Hoxe, un xornal (que comparte máximo accionista de referencia cos grandes bancos españois), publicou que hai un acordo para a Reforma das Pensións, por parte do Goberno, a CEOE, CC.OO e UGT, que penaliza as prexubilacións nos ERE’s da Banca.

Somos un sector inmerso nun proceso de reconversión permanente, agravado polo proceso de dixitalización forzosa e, a diferenza doutros procesos de reconversión, en vez de facilitar vías brandas de saída, optan por penalizalas, levando a unha sen razón: o persoal con máis idade continuará traballando, mentres se despide ao persoal menor de 40/50 anos.

19 de decembro de 2019

Nin vencen nin convencen

Negociación XXIV Convenio Colectivo AEB


Manisfestación en Compostela o 22 de xuño de 2019 en demanda da implantación efectiva do rexistro de xornada no sector

Na xuntanza da mesa de negociación do pasado día 18, a AEB só aceptou prórroga da ultraactividade do XXIV Convenio até o 30–06–20, aínda que a parte social solicitara un prazo de un ano (até o 31–12–2020). Finalmente, CC.OO, UGT e FINE accederon ás pretensións da patronal.

Máis non foi o único e maior despropósito. Foron tamén CC.OO, UGT e FINE quen finalmente asinaron o Acordo «fake» de Rexistro de Xornada e Desconexión Dixital proposto pola AEB (non asinando CIG, ELA, LAB e CGT), e aínda dando un prazo de 3 meses máis ás entidades para a implantación dos sistemas de rexistro cando era obrigatorio desde o pasado 12 de maio.

30 de setembro de 2019

Acordo de rexistro de xornada no BBVA

(será máis doado que un camelo entre polo ollo dunha agulla que se te recoñezan as horas extras)


En primeiro lugar o acordo mantén o sistema autodeclarativo, establecendo que se trata de unha relación entre iguais, cando a relación laboral é asimétrica e o propio rexistro de xornada é necesario dado que o traballador/a é a parte feble da relación, tal e como argumentou o TXUE na súa sentenza.

Non parece lóxico que en pleno século XXI o modelo do rexistro non totalice a xornada, debendo facelo o traballador/a, a «aplicación» non será nen sequera unha «folla de cálculo». O motivo? Que sexa aberto á fraude.

Xera tamén unha gran inseguridade xurídica para o persoal, que se desconte o que din «interrupciones que obedezan a unha razón o motivación persoal». Sen establecer cales son, ou as propias limitacións, o que pode dar lugar a sancións disciplinarias no futuro. Pero sobre todo será un saco sen fondo para maquillar horas extraordinarias.

19 de febreiro de 2018

Acordo MiFID, 17 de maio, Avaliacións e Xunta de Accionistas

Acordo MiFID: conseguiu o seu obxectivo e o banco non o necesita

O problema da Formación MiFID non é o «premio» para quen aprobe, é moito máis complexo. Por iso a CIG presentou unha papeleta de conflito colectivo por todo o que ten que ver coa formación MiFID (catálogo de postos, formación mínima requirida, compensacións, etc). Houbo o acto de conciliación no SIMA en (preceptivo antes de ir á Audiencia Nacional) e non houbo acordo. Rapidamente o BBVA convocou unha mesa, co único obxectivo de chegar a un acordo que impedise o noso conflito ante a xustiza. E rapidamente, o mesmo día, CC.OO , UGT e ACB aceptaron. O banco, cumprido o seu obxectivo, incumpre o acordo. Que non se laien, cando o asinaron eran conscientes do que pretendía a empresa e do papel que xogaron.

23 de maio de 2017

O BBVA pretende impoñer aos sindicatos o que poden dicir e o que non

Recentemente, a dirección de Relacións Laborais do BBVA negouse a remitir a través da intranet do Banco un comunicado de un dos sindicatos asinantes, no que se chamaba ás manifestacións do 1º de Maio, co argumento de que non tiña contido estritamente laboral.

Lembremos que no BBVA está vixente un acordo para o exercicio da función sindical, asinado no ano 2014 polos sindicatos estatais. Nese acordo estipúlase que o Banco habilitará na súa Intranet un sistema para o envío de comunicacións a todas as e os traballadores. Ademais de establecer uns límites cuantitativos, di literalmente que «A información a transmitir deberá ter contido estritamente laboral e relacionado directamente co exercicio das funcións de representación legal dos traballadores…».

27 de xaneiro de 2015

Unha voz sindical próxima: Luis

Luis / Ourense
A retribución variable, dependente da avaliación, non recompensa o esforzo extraordinario que se fai

Luis / Ourense

O proceso de avaliación, é transparente e obxectivo?

Non, rotundamente. A catalogación, a fixación de obxectivos e a avaliación son perigosos instrumentos ao servizo do banco para forzar ao límite o nivel de dedicación do persoal con abusivos horarios, fóra do establecido legalmente. A retribución variable, dependente dunha subxectiva avaliación, non recompensa o esforzo extraordinario que se fai. Por máis que BBVA pretenda vender a racionalidade do método, é evidente a súa falla de transparencia e arbitrariedade. Esta vai camuflada baixo manipulables obxectivos de cliente, tácticos e outros do estilo de dixitalización ou cultura corporativa que deixan á comenencia da Dirección o resultado final que na práctica adaptarase ao que xa se teña decidido. De nada valerá a entrevista posterior. Aquí non hai rigor, coherencia nin xustiza.

Pode regularse por acordo social?

CIG demanda que así se faga. Mellor aínda dentro do Convenio sectorial para que o proceso goce de forza legal. Os incentivos baseados nun acordo laboral favorecen a imaxe de transparencia e responsabilidade da empresa e motivan máis eficazmente no traballo cotiá do cadro de persoal.

14 de marzo de 2012

Non é un Convenio, é unha porta aberta á reestruturación salvaxe do sector

Non hai moito, asinábase o Convenio [.pdf • 1'65 Mb] das antigas Caixas, que establecía unha cláusula de emprego idéntica á que acaban de asinar no Convenio da Banca. Dita cláusula establece -como medidas para afrontar o proceso de reestruturacións/fusións- suspensións de contrato, reducións de xornada, mobilidades e modificación substancial das condicións de traballo (recortes salariais, no plan de pensións, etc.).

Esta cláusula non garante o emprego, como demostran os procesos en marcha no sector das antigas Caixas (Novagalicia Banco, Banca Cívica, etc.). Pero é máis, CC.OO e UGT, xa pactaron aplicar estas medidas en Novagalicia Banco: 700 baixas incentivadas, ceses «voluntarios» sen dereito a paro e sen exención fiscal para os maiores de 50, suspensións de contrato e reducións de xornada para o 75%  do cadro de persoal (case 5.000 persoas), recorte dos salarios e recorte das achegas ao Plan de Pensións.

26 de agosto de 2011

A representación de CIG non quere un trato especial

O BBVA asinou o día 27 xunto con CC.OO, UGT e ACB, un acordo para regular garantías para os delegados e delegadas sindicais. Para acadar dito acordo, que di buscar a igualdade de oportunidades e a non discriminación, reuníronse os asinantes sen falar con ninguén máis, pero iso si, non lles doen prendas en dicir que o acordo vai ser aplicado a toda a representación sindical coma se puideran falar por todo o mundo.

A Lei xa defende a posición dos delegados e delegadas de persoal fronte aos abusos, inxustizas e presións que a empresa quixera exercer sobre nós, e se é preciso facer valer os dereitos, así o faremos, pero non imos asinar ningún trato especial fronte ao resto de traballadores e traballadoras. Faltaría máis.

18 de agosto de 2011

Non asinamos na lista do teletraballo

Un dos riscos do teletraballo pode ser a soedadeA soedade do teletraballo. Foto: (cc) Josh Liba  
O pasado día 27, CC.OO, UGT e ACB asinaron o acordo colectivo de teletraballo [.pdf • 30 Kb] que vai servir de saída para que a empresa solucione o problema de espazo que lle vai xurdir en 12 ou 18 meses cando queira trasladar a xente que traballa en Azca á nova ubicación de «Las Tablas».

Solucionado ese problema, BBVA poderá seguir aforrando cartos mandando a parte do persoal a traballar dende casa ou non, pero o marco colectivo xa o teñen, grazas a quen o asinou.

En principio, en Galiza non deberamos ter unha grande incidencia desta modalidade laboral, dende o momento en que non afectará a postos de rede comercial pola súa natureza, e só podería implantarse en postos de apoio, servizos centrais, ...

En calquera caso, unha vez máis nos toca facer un acto de responsabilidade e ser o sindicato do non na defensa dos nosos/vosos dereitos, polos seguintes motivos:

9 de xuño de 2010

O custe de librar os sábados

Perigo, Comisións Obreiras e Unión Xeral de Traballadores están a negociar!
Como comentamos, a adaptación ás directivas comunitarias que regulan o sector financeiro, xa están deixando os sábados baleiros de contido. De feito, a AEB xa comunicou que os sábados pasarán a ser inhábiles a partir do próximo mes de outubro.

Este feito, se ben non implica o peche automático das oficinas nin moito menos, si que resta operatividade e polo tanto rendibilidade ao traballo realizado en sábado.
É salientable que a AEB non fixera ningunha comunicación ao respecto, antes de que os grandes bancos tiveran un acordo asinado para pechar os sábados.

7 de xaneiro de 2010

Adeus á xornada continua, ola á desregulación horaria

Perigo, Comisións Obreiras e Unión Xeral de Traballadores están a negociar!A mais acordos, menos dereitos

Finalmente BBVA asinou o acordo para o peche dos sábados, coa colaboración de CC.OO, UGT e CC, e o fixo cando e como lle petou, xa que a única oferta que fixera a empresa, e xa hai dous anos, pasaba tamén pola renuncia á xornada continuada e a actitude de que o persoal ten que ceder beneficios nos acordos co banco.


4 de decembro de 2007

Tempo de colleita

Un paso adiante, dous atrás

Pouco máis dun mes hai da sinatura do acordo de BB.SS, nuns termos que os sindicatos maioritarios xa aceptaran nun preacordo no pasado mes de agosto. Hai tempo xa que avisamos de que o único beneficiado é BBVA, que reduce gastos a costa do seu persoal, mais é agora, ao ser realmente operativo, cando parece que sentimos o burato na carteira.

O único trato igualitario acadado é que todos e cada un dos colectivos de procedencia senten que son o máis prexudicado.
Para empezar, manteñen moitos acordos residuais, ben «ad personam», ben procedentes dalgún acordo de fusión: son aqueles que non foron quen de tocar e que non intentaron renegociar posto que NUNCA FIXERON UNHA OFERTA QUE XUSTIFICARA RENUNCIAR A NINGÚN DEREITO.

22 de outubro de 2007

Xaque mate aos beneficios sociais

Xaque mate aos beneficios sociais
Hoxe tivo lugar en a firma do novo Acordo de BB.SS por parte da empresa e de CC.OO, UGT e ACB.

O contido do acordo baséase no preacordo do que xa falaramos en setembro, e que supón a equiparación de todo o cadro de persoal coa excepción de condicións residuais que ao ter a consideración de «ad personam», non poden eliminar mediante pacto colectivo.


A CIG NON PODE ASINAR ESTE ACORDO POR ENTENDER QUE É UNHA RENUNCIA A DEREITOS ADQUIRIDOS E HOMOLOGA POR ABAIXO SEN BENEFICIAR A NINGUÉN MÁIS QUE AO BANCO QUE AFORRA MOITOS CARTOS.