19 de febreiro de 2018

Acordo MIFID, 17 de maio, Avaliacións e Xunta de Accionistas

Acordo MiFID: conseguiu o seu obxectivo e o banco non o necesita

O problema da Formación MiFID non é o «premio» para quen aprobe, é moito máis complexo. Por iso a CIG presentou unha papeleta de conflito colectivo por todo o que ten que ver coa formación MiFID (catálogo de postos, formación mínima requirida, compensacións, etc). Houbo o acto de conciliación no SIMA en (preceptivo antes de ir á Audiencia Nacional) e non houbo acordo. Rapidamente o BBVA convocou unha mesa, co único obxectivo de chegar a un acordo que impedise o noso conflito ante a xustiza. E rapidamente, o mesmo día, CC.OO , UGT e ACB aceptaron. O banco, cumprido o seu obxectivo, incumpre o acordo. Que non se laien, cando o asinaron eran conscientes do que pretendía a empresa e do papel que xogaron.

O BBVA quere que recuperemos o festivo do 17 de maio, sen negociar coa representación sindical

O calendario laboral aprobado pola Xunta de Galicia considera o 17 de maio coma festivo, pero ten a consideración de «recuperable». Outras entidades decidiron que non era recuperable, pero o BBVA estableceu unilateralmente que deberiamos recuperalo «polas tardes no prazo dun mes a partir da citada data, nun máximo de 4 fraccións». Con todas as horas extras ilegais que realiza o persoal, o BBVA pretende que recuperemos ese día, a través dun mecanismo que servirá para «blanquear» horas extras durante un mes. Nós elaboramos unha proposta que foi presentada a través dos comités, o Banco nin sequera contestou, polo que a CIG presentou 4 conflitos colectivos e as conciliacións son en Ourense o 20 de febreiro, en Vigo o 23, na Coruña e en Lugo o 26.

Avaliacións no BBVA: un sistema inxusto e arbitrario

Se non estás de acordo coa túa avaliación non asines a súa conformidade. É unha avaliación rebaixada, feita cun sistema inxusto. Preme NON CONFORME na túa avaliación e comunica a Talento e Cultura a túa desconformidade. Contacta connosco, axudámoste. Reclama a rectificación dunha avaliación feita con mentiras. Que quede claro quen é o que perverte e manipula as puntuacións, ditadas de antemán aos avaliadores a avaliadoras polos seus superiores. É o teu expediente laboral, non o esquezas. Se os discrecionais non significan o que pon na avaliación… que alguén se faga responsable e o poña por escrito. Reclámao, é o teu dereito.

Xunta de Accionistas 2018

O sindicalismo sen ataduras da CIG estará, de novo, na Xunta de Accionistas en Bilbao para ser a túa voz e denunciar as políticas laborais no banco. Delega o teu voto na CIG. Envía a túa delegación de voto asinada a favor de Carmen García González á oficina 2200 (Cantón – A Coruña) ou entrégalla a calquera das nosas delegadas e delegados das distintas provincias.



Mulleres en Folga: 8 de marzo de 2018




Súmate a CIG! Afíliate!
Folleto   http://ir.gl/Afiliate [.pdf • 182 kB]
Folla       http://ir.gl/AfiliateCIG [.pdf • 1'09 MB]




Comunicado 180219 [.pdf • 710 kB]


2 comentarios:

Anónimo dixo...

Despois da eliminación no actual Convenio Colectivo (asinado por CCOO e UGT) de 1,25 pagas para o personal con ingreso posterior a 15-06-2016 (un dos motivos polo que a CIG non o asinou) e establecemento dun novo sistema de participación en beneficios de carácter variábel ligado á evolución do Resultado da Actividade de Explotación (RAE) de cada empresa (art. 23 CC), o BBVA ven de comunicarnos verbalmente que a Variación Interanual RAE do Banco foi por primeira vez desde a sinatura do convenio superior ao 5%, correspondendo polo tanto o abono de cuartos de paga. Comunícasenos que é superior ao 30%, correspondendo 6 cuartos de paga para o persoal posterior a 15-06-2016 e 1 cuarto de paga para o persoal con data de ingreso na entidade anterior ao 15-06-2016.

Indícasenos, así mesmo, que o importe dos 6 ou 1 cuarto de paga, segundo corresponda, será compensado e absorbido polo importe da Incentivación (Bono) a percibir nesta nómina de Febreiro.

Esta Sección Sindical de CIG manifestou á empresa a a súa oposición a esta decisión, cuestionando a relación entre un concepto establecido en Convenio (a.23. Participación en beneficios) e outro extra-convenio (Sistema de Incentivación de BBVA) establecido unilateralmente pola Banco sen acordar coa representación sindical, tendo xa contactado cos Servizos Xurídicos de CIG para que, en caso de producirse a anunciada compensación e absorción, estude a posibilidade de reclamación xudicial contra a mesma.

Para calquera consulta ou aclaración ao respecto deste ou doutros asuntos, non dubides en contactar cos nosos delegados e delegadas.

Anónimo dixo...


BBVA perdió en España 856 millones en 2017 pero su presidente ganó 5,8 millones
Francisco González se subió el suelo un 17,6% el año pasado

https://www.elplural.com/economia/2018/02/15/bbva-perdio-en-espana-856-millones-en-2017-pero-su-presidente-gano-58-millones