Amosando publicacións coa etiqueta Santiago-de-Compostela. Amosar todas as publicacións
Amosando publicacións coa etiqueta Santiago-de-Compostela. Amosar todas as publicacións

12 de novembro de 2025

Non ao peche de oficinas no BBVA!

O modelo de negocio que o BBVA está implantando a marchas forzadas, apoiándose na dixitalización forzosa da clientela e nunha atención remota (centros CSE), vai en contra do que publicamente defende en relación co servizo e atención aos colectivos vulnerábeis. Este modelo ten como consecuencias: peches de oficinas, amortización de postos de traballo, incremento da carga de traballo, dificultades de conciliación para as persoas traballadoras e deterioro na atención á clientela. Desde a sección sindical da CIG, entendemos que é hora de denunciar publicamente estas actuacións do banco e por iso comezamos o pasado martes 11 de novembro (en ), unha campaña de mobilizacións que terá continuación nas vindeiras semanas.

Mobilización en Compostela contra o peche de oficinas no BBVA
Compostela 11/11/25: Santiago del Estero–Senra

Pechan oficinas.
 
Deixan a clientela sen servizo.
 
Reducen persoal.
 
Espremen ao que queda.
 
Aumentan os beneficios do banco.
 
Suben os salarios do Consello de Administración.

10 de setembro de 2025

Horario reducido Semana Grande A Coruña e Vigo

A finais de xullo, o Banco enviou correos con instrucións ás DCBC da cidade da e de relativas ao horario reducido do persoal na Semana Grande das Festas Maiores da cidade.

Neses correos, a empresa indicaba que a Semana Grande nestas localidades pasaría a ser de 4 días de xornada reducida, dende o martes 5 até o venres 8. Basean a súa decisión nun criterio de AEB que interpreta o art. 26.6 do actual presente Convenio Colectivo.

A Semana Grande tanto na cidade da , como na de , vén disfrutándose na primeira semana completa despois do primeiro domingo de agosto, dende sempre.

26 de xuño de 2025

28 de xuño, Fronte a unha Lei e uns acordos que só lavan a cara dás empresas: MOBILÍZATE!

Ante a conmemoración do 28 de xuño, Día do Orgullo LGBTI+, denunciamos a falta de medidas efectivas para avanzar na igualdade, a Lei 4/2023 quedou reducida a simples cláusulas declarativas e á negociación dun protocolo de acoso. O que a súa vez se traduciu en acordos baleiros de contidos a nivel sectorial asinados coa AEB.

A lei non contemplaba a obriga de realizar diagnósticos, enquisas de clima laboral ou outras ferramentas que permitisen identificar as problemáticas reais ás que se enfronta o persoal LGBTI+ en cada centro de traballo. Tampouco se avaliaba a capacidade real da organización para acoller con garantías a persoas deste colectivo. As nosas propostas nesa vía, foron rexeitadas pola AEB que acadou un acordo que é un lavado de cara sen garantir a igualdade.

A loita continúa e chamamos a participar nas mobilizacións convocadas para o vindeiro sábado por diversos colectivos en (AVANTE LGBT+, Alas, Nós Mesmas, Arelas, Orgulho Ourense…):

Horas e lugares das mobilizacións

8 de marzo de 2025

10M: Traballo, Igualdade e Salarios Dignos nunha Galiza con Dereitos

10m: Traballo, Igualdade e Salarios Dignos nunha Galiza con Dereitos

O 10 de Marzo é o Día da Clase Obreira Galega, que a CIG chama a conmemorar en todas as comarcas para reivindicar, con 12 medidas, traballo, igualdade e salarios dignos nunha Galiza con dereitos.

Ofrenda floral ás 12 h. en Ferrol no monumento 10 de marzal.

Manifestacións ás 20 h. *agás en Vigo (19 h) e Compostela (19:30 h).


21 de abril de 2023

Asemblea Santiago: esta loita tamén é polo dereito á nosa saúde mental

Na asemblea aberta de Santiago, púxose sobre a mesa o noso dereito a traballar sen ter que medicarnos. As políticas comerciais e laborais dos bancos afectan a nosa saúde mental.

Asemblea Compostela (19/04/2023)

A asemblea de traballadores e traballadoras de banca, estivo centrada coma nas anteriores, no brutal recorte salarial que estamos sufrindo pola conxelación salarial, pola falta de cláusulas de revisión co IPC e por subas que non xiran sobre toda a masa salarial.

Unha vez máis abordamos as agresivas políticas comercias, os obxectivos crecentres e unha lexislación que nos responsabiliza pola actuación das cúpulas comerciais.

14 de abril de 2023

Asemblea aberta de traballadoras/es de banca en Compostela e na Coruña. Participa!

Traballadoras e os traballadores de banca decidimos mobilizarnos, queremos que veñas con nos, que estes ao noso lado.

Como todos e todas xa coñecedes estamos nun proceso de asembleas de traballadores e traballadoras para compartir convosco que facer na tesitura actual.

Os bancos son competidores, pero poñense de acordo entre eles tanto no modelo laboral/comercial, coma na intención de aproveitar a suba dos prezos para recordarnos os salarios. Por iso os traballadores e traballadoras de banca debemos unir as nosas forzas

20 de outubro de 2022

Mobilización da CIG para demandar a actualización dos nosos salarios

Manifestación e concentracións en 16 bancos de .

A CIG continua coas mobilizacións para reclamar a actualización dos salarios do persoal afectado polos Convenios de Banca (AEB) e Aforro (CECA).
En dous anos a perda elévase ao 15 %, cronificándose para o resto da vida laboral pola falta de cláusula de revisión. Ademais agardase que a inflación poda superar o 5 % no 2023 e a perda do superaría o 20 %. 

Manifestación en Compostela o pasado 20 de Outubro 2022 pola actualización dos nosos salarios

20 de xaneiro de 2022

Non á fraude da nova reforma laboral!

O goberno de PSOE e Unidas Podemos incumpriu a promesa que tantas veces anunciou: non derrogou a de 2012 do PP.

No acordo do «diálogo social», tanto o goberno como UGT e CC.OO pregáronse aos intereses da patronal. O pacto social unha vez máis enterrando os dereitos de traballadores e traballadoras. O texto desta nova reforma, ademais de manter as medidas máis lesivas da do PP, incorpora outras novas que favorecen ao empresariado á costa, outra vez, da clase traballadora:

7 de xuño de 2021

Pola retirada dos despedimentos, concentracións 8 de xuño

ERE—BBVA · Período de consultas

Non ao ERE no BBVA

Mañá día 8 vai ter lugar unha nova reunión da mesa de negociación do ERE. Non é asumible que despois da masiva participación nas , paros e , nas que en conseguimos paralizar case o 100 % da actividade do Banco, se poida asinar un acordo que siga contemplando despedimentos e que empeore as condicións laborais do persoal que quede na empresa.

Temos que seguir demostrándolle ao BBVA que este ERE non ten xustificación. Só está encamiñado para que teñan máis beneficios a costa do persoal, expulsándoo do mercado laboral e esixindo novos sacrificios a quen quede traballando, con mobilidades xeográficas que afectan a todos e todas, cambios de funcións, ampliación de horarios e sobrecarga de traballo.

12 de maio de 2021

O Banco non recúa. Nós seguiremos na rúa!

ERE—BBVA · Período de consultas

Non ao ERE no BBVA

O persoal defende o seu posto de traballo 24 horas ao día, 7 días á semana e 365 días ao ano. No centro de traballo, cando nos chaman a calquera hora ao móbil persoal ou cando nos atopamos cunha clienta no súper, pola rúa, na praia ou no ximnasio. Do mesmo xeito, o pasado día 10 defendémolo coa mesma forza, convición e dedicación, na rúa. Por iso a Dirección, que sabe como traballamos cando nos poñemos, está preocupada e tentou amortecer a reunión de hoxe.

Os sindicatos chegabamos á Mesa Negociadora coa forza do voso empuxe e o banco sabíao; optou por meter aos «técnicos» de Equipo Económico a ler durante horas o informe que nos facilitaron a semana pasada. Coma se os/as sindicalistas e os Gabinetes Económicos e Xurídicos dos sindicatos non soubésemos ler.

29 de abril de 2021

Non facilitan información nin admiten propostas

Concentración na oficina de Santiago del Estero en Compostela. Imaxe: CIGBBVA (cc) BY-NC-SA
Concentración na oficina de Alfredro Brañas en Compostela. Imaxe: CIGBBVA (cc) BY-NC-SA
Concentración na oficina de Senra en Compostela. Imaxe: CIGBBVA (cc) BY-NC-SA
Mobilización da CIG en Compostela onte 28/04

O Banco di que quere reducir os despedimentos recolocando 350 persoas en postos de xestión remota. Non hai redución real, o número inicial de 3.798 despedimentos xa estaba inflado; esa é a estratexia do Banco.

Queren que Contigo e CSE poidan superar o 25 % do cadro de persoal. E establecer flexibilidade na hora do xantar para que o servizo estea sempre cuberto no horario de 9 a 18 horas. Máis flexibilidade para restrinxir, aínda máis, o control da xornada.

Mobilidade xeográfica: pretenden incrementala a 150 quilómetros e sen compensación; por riba dese límite percibiríanse 250 euros/mes durante 3 anos.

Por parte da CIG rexeitamos a actuación da empresa, que non facilita documentación acreditativa do ERE, falsea a realidade e non está aberta a negociar alternativas.

2 de novembro de 2020

Negociación e non imposición

Negociación XXIV Convenio Colectivo AEB


Concentración en Ourense
A excepcional situación de pandemia por coronavirus está agravando e deteriorando a pasos axigantados as condicións laborais nas empresas adheridas ao convenio de banca (AEB), xa de por si empeoradas polos sucesivos procesos de axustes de persoal que supuxeron unha redución do 25 % no seu conxunto dende o ano 2000 (pasando de 122.861 no ano 2000 a 91.539 persoas a 31/12/2019). Procesos que aínda non remataron; veñen de anunciarse dous novos axustes de persoal, nos Bancos e que poden supoñer a perda de 5.000 postos de traballo.

Concentración en Compostela
O servizo bancario foi considerado servizo esencial desde o inicio da pandemia, e os seus traballadores e traballadoras responderon con responsabilidade e sacrificio, prolongando durante meses a súa xornada laboral (e seguen a facelo), para prestar ese servizo ao conxunto da sociedade, en detrimento da súa vida persoal e da súa saúde en moitos casos, sen que eses excesos de xornada se viran compensados de ningunha forma, tal e como obriga a lei.

3 de setembro de 2020

Novas medidas preventivas ante o avance da Covid

Estamos recibindo comunicación de positivos que superan con moito aos casos coñecidos nos primeiros meses da . Sen dúbida debido a realización de probas PCR. Non se trata de alarmar, pero si de lembrar a necesidade de cumprir todas as medidas preventivas e explicar o noso traballo.

En primeiro lugar dende a CIG queremos transmitir todo o noso apoio as persoas afectadas e as súas familias.

Medidas Covid19

En segundo lugar e ante as novas situacións seguimos trasladando propostas ao Departamento de Prevención co fin de evitar ao máximo os riscos de contaxio no traballo. Pensando no cadro de persoal e na clientela.

10 de marzo de 2020

Pola recuperación de dereitos e na defensa da industria e do emprego en Galiza

A CIG fai un chamamento a participar nas mobilizacións que ten convocadas en todas as comarcas hoxe día 10 de Marzo, Día da Clase Obreira Galega baixo o lema «Pola recuperación de dereitos para avanzar e na defensa da industria e do emprego en Galiza».


Lugares e horarios das mobilizacións do 10 de marzo


Lugares e horarios (CET)



  Vídeo: YouTube  [.mp4] 9 Mb

31 de maio de 2019

22 de xuño en Santiago: Manifestación dos traballadores e das traballadoras de banca

O persoal de todas as entidades financeiras estamos chamados a unir as nosas forzas e erguer un berro para dicir que o noso traballo hai que pagalo.

Os bancos continúan sen poñer en marcha o rexistro de xornada, pretenden transmitir que nada cambiou. Queren gañar a batalla cultural, facernos ver que todo seguirá igual. E nos meteron nun proceso no que buscan fórmulas para deixar sen efecto os rexistros de xornada. Non podemos consentilo, é agora ou nunca.

Estamos fartos e fartas de asumir cada vez unha maior carga de traballo froito das reducións de persoal; duns obxectivos crecentes e das agresivas políticas comerciais para forzarnos a conseguilos; de traballar honradamente pero vivir con medo; o que leva a facer horas extraordinarias que os bancos non pagan, non compensan e non cotizan á Seguridade Social.

3 de marzo de 2017

8 de marzo: igualdade para que?

A CIG fai un chamamento a participar na manifestación nacional convocada pola CIG ante a conmemoración do , que sairá do ás 10:45 horas, concentrándonos ás 11 horas o día 8 de marzo, diante da , en Compostela, en solidariedade con , condutora de , por representar a meirande parte das discriminacións que sufrimos as mulleres no mundo do traballo, tras padecer durante 8 anos acoso e terrorismo patronal.


23 de novembro de 2016

25 de novembro, combatendo a violencia machista

Desde a Confederación Intersindical Galega facemos un chamamento a participar nos actos e mobilizacións convocados arredor do 25 de novembro, Día Internacional contra a Violencia contra as Mulleres.

A CIG convoca unha Manifestación nacional que partirá ás 12 h. desde o (situado fronte á segunda entrada do Estadio de San Lázaro, preto do edificio sindical, en Compostela) até o edificio administrativo da Xunta de Galiza en San Caetano, porque simboliza a nosa resposta ante os recortes e a pasividade do goberno fronte a violencia machista.

Esta manifestación convocada pola CIG para a propia mañá do 25 de novembro non será a única da xornada, por iso facemos un chamamento a participar nas mobilizacións, concentracións e accións de rúa convocadas polo movemento feminista en Galiza, e concretamente nos convocados pola Marcha Mundial das Mulleres, da que a CIG forma parte, en:

28 de setembro de 2015

O convenio aféctache por acción ou omisión, por iso loita coa CIG para defenderte.

Seguinte paso: Asembleas


Tal e como anunciamos, o 24 de setembro concentrámonos no Pastor/Popular, no , no BBVA, en Bankia e , dando inicio ao proceso de mobilizacións para demandar un CONVENIO XUSTO, para defendernos das intencións das direccións e salvagardar os postos de traballo e as condicións laborais. O conflito irá a máis con novas mobilizacións, nas que será preciso contar con todos os cadros de persoal.

A CIG non acepta con resignación e brazos cruzados as intencións das patronais do sistema financeiro, que pretenden durísimos recortes, cando ademais estamos na antesala dunha nova reestruturación e novos despedimentos masivos. Por iso o 24 saímos a rúa despois de celebrar unha asemblea conxunta de delegados e delegadas da CIG no sector financeiro, na que se aprobou a convocatoria de asembleas de traballadores e traballadoras en toda Galiza, co obxectivo de nuclear a resposta contra a agresión permanente das direccións.

23 de setembro de 2015

Por uns convenios que regulen as condicións de traballo e rematen cos continuos abusos empresariais.

24 DE SETEMBRO: CONCENTRACIÓNS
Santander, BBVA, Pastor-Popular, Bankia e Abanca

Podemos cumprir os crecentes e desmedidos obxectivos comerciais e traballar de sol a sol doce horas diarias, tardes e noites, sábados e domingos. Achantar e non reclamar os nosos dereitos. Pasar por un mal momento: unha enfermidade, a perda dun ser querido, etc, pode dar ao traste co traballo de anos. Todo o esforzo individual non garante o respecto as condicións laborais nin ao posto de traballo. Só a acción colectiva pode ter éxito fronte ao poder da banca.

As direccións das entidades actúan de xeito coordinado na negociación dos distintos convenios do sector financeiro, perseguen os mesmos obxectivos. Os traballadores e traballadoras de todo o sector debemos coordinarnos tamén. As direccións pretenden recortar máis dun 30% o salario fixo, eliminar pagas ou trienios. O seu obxectivo: ligar aínda máis os salarios ao cumprimento dos obxectivos, á colocación de produtos que a clientela non demanda pero que temos a obriga de «vender» a toda costa.