A presión comercial é acoso laboral

Por unha banca socialmente responsable

O 19 de maio a CIG demos comezo na Coruña a unha campaña de mobilizacións, que continuará nos vindeiros meses, para reclamar unha banca socialmente responsábel, que poña as necesidades da clientela por diante dos beneficios escandalosos que amasan quen xestiona as entidades bancarias.

Os traballadores e traballadoras da banca sufrimos un auténtico acoso para colocar produtos financeiros que a clientela non demanda, só para encher máis os petos dos bancos. Con xornadas maratonianas baixo unha falsa flexibilidade: os bancos asignan unha carga de traballo imposible de realizar na xornada legal, e nin pagan, nin cotizan, nin rexistran as horas extra.

Este banco partirache o corazón

A SOBRECARGA de TRABALLO, OS OBXECTIVOS de vendas CRECENTES, OS MALOS MODOS ou incluso ás AMEAZAS para que os cumpras, xunto ás ESGOTADORAS XORNADAS LABORAIS e o ESTRÉS son RISCOS PSICOSOCIAIS, que MATAN a 840.000 persoas ao ano (OIT).

As enfermidades cardiovasculares causan o 43 % dos accidentes laborais mortais (INSST).

Contra o ACOSO COMERCIAL e a SOBRECARGA DE TRABALLO

BBVA–A Coruña. Imaxe: CIG BY-NC-SA

Delegadas e delegados da CIG mobilizámonos novamente hoxe diante da Territorial do BBVA na Coruña para denunciar publicamente o principal problema que estamos a padecer no BBVA: o ACOSO COMERCIAL constante ao que estamos sometidas as traballadoras e traballadores do banco, motivado por uns obxectivos incrementados brutalmente e cunhas cargas de traballo non asumíbeis.

A dirección do banco fixa uns obxectivos absolutamente desproporcionados e para tentar a súa consecución está establecido un sistema de acoso comercial constante, cunha carga de traballo totalmente insoportábel.

Un día para lembrar: Adeus BBVA-PSICO

Durante o día de onte, mércores 22 de outubro, tivo lugar unha sesión histórica do CESS (Comité Estatal de Seguridade e Saúde) do BBVA.

Despois de moitos, moitos anos, nos que reclamamos un sistema de avaliación de riscos psicosociais que considerásemos válido en canto a metodoloxía e resultados, o banco finalmente anunciou que, a partir de agora, o método que vai a empregar para este fin será o método FPSICO. Un método validado polo INSST (Instituto Nacional de Seguridade e Saúde no Traballo), considerado unha ferramenta neutral con recoñecido prestixio institucional. O banco indicou que van a facer unha enquisa a todo o cadro de persoal para evitar demoras indebidas. Previamente, teremos unha xuntanza monográfica relativa a metodoloxía. E non haberá que agardar moito.

Deixaremos atrás un sistema fabricado «ad hoc» para BBVA, no que durante a súa existencia, tivo a maior logro ter acreditado CERO resultados en riscos psicosociais no cadro de persoal.

O BBVA inclúe o control do RADON na súa prevención de riscos laborais a petición da CIG

Comité Estatal de Seguridade e Saúde (CESS)

O Radon é a fonte de exposición a radiación natural máis importante e a primeira causa de cancro de pulmón entre as persoas non fumadoras e a segunda entre persoas fumadoras e ex–fumadoras.

En resposta a demanda formulada pola CIG, na última xuntanza ordinaria do CESS o banco facilitou información sobre o seu proxecto de medición do Radon (Rn).

Mapa do Radon en Galiza

Gallup – 2024: O compromiso de facer a enquisa

Outro ano máis temos diante nosa a enquisa Gallup. Un cuestionario moi importante para a empresa porque valora a propia organización a través das respostas do seu persoal.

Confunde a empresa intencionadamente a definición de compromiso (que vos animamos a consultar no dicionario), e que nada ten que ver cun vínculo emocional, agás na acepción relativa a aceptación de matrimonio, e aínda isto último estaría suxeito a debate. Compromiso como tal, no uso común do termo, si que ten o cadro de persoal coa obriga contraída tanto coa empresa como coa súa clientela. En termos de deber e responsabilidade. Diso non nos falta.

Desexámosvos un Bo 2024

Estes, entre outros, son os nosos obxectivos. Se non veñen co novo ano, iremos por eles, porque sabemos que a loita é o único camiño!

Asemblea Santiago: esta loita tamén é polo dereito á nosa saúde mental

Na asemblea aberta de Santiago, púxose sobre a mesa o noso dereito a traballar sen ter que medicarnos. As políticas comerciais e laborais dos bancos afectan a nosa saúde mental.

A asemblea de traballadores e traballadoras de banca, estivo centrada coma nas anteriores, no brutal recorte salarial que estamos sufrindo pola conxelación salarial, pola falta de cláusulas de revisión co IPC e por subas que non xiran sobre toda a masa salarial.

Unha vez máis abordamos as agresivas políticas comercias, os obxectivos crecentres e unha lexislación que nos responsabiliza pola actuación das cúpulas comerciais.

Novas medidas preventivas ante o avance da Covid

Estamos recibindo comunicación de positivos que superan con moito aos casos coñecidos nos primeiros meses da Covid-19. Sen dúbida debido a realización de probas PCR. Non se trata de alarmar, pero si de lembrar a necesidade de cumprir todas as medidas preventivas e explicar o noso traballo.

En primeiro lugar dende a CIG queremos transmitir todo o noso apoio as persoas afectadas e as súas familias.

En segundo lugar e ante as novas situacións seguimos trasladando propostas ao Departamento de Prevención co fin de evitar ao máximo os riscos de contaxio no traballo. Pensando no cadro de persoal e na clientela.

Concentración contra a reconversión no BBVA

A empresa pretende facer ver que as restricións dos servizos de caixa á clientela é unha mera decisión empresarial que non afecta ao emprego e ás condicións laborais. Pero non é certo, por iso o 11 de xuño concentránomos na Coruña gardando as preceptivas medidas de seguridade.

Esta decisión ten un impacto claro e inmediato sobre as condicións laborais (na distribución do tempo de traballo, nos obxectivos, nos salarios ou no ritmo de traballo, ao se concentrar a mesma actividade en menos tempo).

Tamén ten un impacto sobre o emprego.

Covid-19: persoal vulnerábel

Compañeiras/os,

T&C vén de informarnos da previsión de reapertura de moitas oficinas agora aínda pechadas a partir do vindeiro luns 1 de xuño. E a partir do luns 8 de xuño prevén que a gran maioría das oficinas estean novamente abertas ao público.

Neste contexto estase indicando ao persoal vulnerábel por patoloxía (diabete, enfermidade cardiovascular -incluída hipertensión-, enfermidade pulmonar crónica, enfermidade hepática crónica, enfermidade renal crónica, inmunodeficiencia ou cancro) a posibilidade de reincorporación ao traballo presencial na oficina baixo 2 premisas: voluntarieade e patoloxía controlada. Polo de agora, queda excluído da posíbel reincorporación a oficinas do persoal vulnerábel por idade (maior de 60 anos).

Covid-19: xuntanza mesa informativa de RR.LL

Compañeiras/os,

Achegamos resumo da 4ª xuntanza da Mesa de RR.LL informativa Covid19, así como as propostas da CIG.

1. Información facilitada polo Banco
2. Outras propostas da CIG

Covid-19: xuntanza mesa informativa de RR.LL

Compañeiras/os,

Achegamos resumo e propostas da CIG na 3ª xuntanza da mesa informativa de RR.LL polo Covid–19, celebrada o 28 de abril.

1. Proba piloto de test
2. Proceso de desescalado
3. Oficinas
4. Teletraballo
5. Sobre a presión comercial
6. Estados

Covid-19: xuntanza extraordinaria CESS

Compañeiras/os,

Achegámosche resumo da xuntanza extraordinaria do CESS celebrada hoxe sobre seguimento da situación no Banco xerada polo Covid-19, así como a valoración e propostas desta Sección Sindical.

Información facilitada pola empresa

Solicitamos o peche inmediato de máis oficinas para dar cumprimento ao RDL 10/2020

A loita a contra a pandemmia, que está a segar un gran número de vidas, debe ser a que marque a actuación de todos e todas.

Por iso á vista do RDL 10/2020 publicado no BOE este domingo, que establece como servizo esencial a actividade do sistema financeiro, pero naqueles servizos indispensables, temos solicitado o peche dun maior número de oficinas. Algo que viñamos demandando insistentemente con anterioridade.

A maior parte dos positivos por Covid-19, foron persoas en teletraballo, o cal permitiu que non se esténdese o brote entre o persoal e a clientela. Restrinxir as oficinas abertas é indispensábel. Aproveitamos para mandar azos ás persoas afectadas, agardando unha pronta recuperación.

Seguimos a traballar Nas oficinas e en materia preventiva

Somos un servizo básico e fundamental, por iso temos que seguir abertos por orde do Goberno. Nós mesmas/os, como traballadoras e traballadores que somos, estamos unha parte nas oficinas e outros na casa de retén ou teletraballando. Compartimos os vosos medos e inquedanzas, sobre todo polas nosas familias.

Por iso a nosa principal tarefa é facer seguimento das medidas preventivas e propoñer maiores, se cabe, coma fixemos coas mamparas. Medida que diversas entidades están poñendo en marcha, a petición nosa; tamén o fará o BBVA. Non é a única. Algunhas atrásanse debido ao colapso na subministración, non poñemos en dúbida a vontade do banco.

Si que temos dúbidas sobre a idoneidade do pago das pensións en pleno pico de pandemia, sendo un colectivo de maior risco. Neste senso cumpride estritamente as medidas de prevención, toda cautela é pouca.

Covid-19: xuntanza mesa informativa de RR.LL

Compañeiras/os,

Achegamos resumo da xuntanza informativa da mesa de RR.LL mantida hoxe por Webex, onde tamén se trataron asuntos de Saúde Laboral.

1. Oficinas abertas
2. Seguridade
3. Cobro pensións
4. Limpeza
5. Relación oficinas e empregados
6. Temas operativos

Infórmannos que esta situación alongarase 3 semanas como mínimo. Queren facer un recoñecemento especial a todas as persoas do cadro de persoal, nomeadamente ás da rede de oficinas que están traballando presencialmente asumindo riscos. Trasladan ánimos e todo o recoñecemento.

Novidades:

Covid-19 (coronavirus): cumpre as medidas preventivas

Compañeiras/os,

Queremos trasladar o noso apoio a toda a plantilla que hoxe está traballando, nomeadamente na Rede de Oficinas e nos SS.CC. Tamén para quen tivo que facelo durante a fin de semana.

Os delegados e delegadas da CIG de cada provincia seguen a vosa disposición para todo o que precisedes. Podedes contactarnos como facedes habitualmente (teléfono, whatsapp, telegram… ) ou ben no noso enderezo electrónico.

Asemade, estamos a facer un seguimento das medidas preventivas que está a tomar a empresa, como viñemos a facer durante toda a fin de semana.

Cumpre estritamente as medidas preventivas ditadas polas autoridades e pola BBVA. Extrema as precaucións!

Desde esta Sección Sindical, temos realizado unha serie de demandas á Dirección que vos indicamos:

• Solicitamos o peche temporal de oficinas, que suporía unha menor necesidade de persoal atendendo as que continúen prestando servizo.
• Solicitamos a realización de traballo en remoto para todo o colectivo de BBVA Contigo, igual que para outros (Xestores/as de Negocios…) que sexa posíbel.
• Solicitamos reforzo dos servizos de limpeza nas oficinas que, tras anos de recortes, son absolutamente insuficientes.
• Solicitamos o subministro, nomeadamente en oficinas, dos elementos básicos de protección: xeles desinfectantes, luvas e mascarillas. Con obligatoriedade de uso de luvas para o personal de caixa.
• Non admitir nin subministrar moedas durante este período, que pola súa composición metálica poden manter o virus activo durante varios días.
• Suspensión total da obxectivación comercial e de seguimentos da mesma.

Prorrogar para non aplicar a norma

Negociación XXIV Convenio Colectivo AEB

O Decreto-Lei que recolle a obriga de implantar un rexistro de xornada en todas as empresas foi publicado o pasado 8 de marzo. Oito meses despois e unha ducia de reunións na mesa de Convenio, seguimos sen acordo no sector de Banca sobre esta materia, cunha nova prórroga até o 26 de novembro, para tratar de chegar a un acordo. E mentres o contador segue sumando no haber da patronal…

Dende a CIG seguimos rexeitando a proposta da AEB, que permite o mantemento da situación actual, cun modelo autodeclarativo que non atallará as prolongacións de xornada. Defendemos a implantación dun sistema de rexistro automático que garanta a obxectividade e fiabilidade, e non sexa manipulable.

Na xuntanza da mesa negociadora do pasado 30 de outubro, tamén se falou de prestacións complementarias, beneficios sociais e saúde laboral. As propostas da CIG nestas materias foron:

«AVE» que no vuela, a la cazuela (da Dirección)? Pois a CIG presenta conflito colectivo

Para a CIG non se trataba de «predicar», senón de «dar millo», e por iso estivemos traballando nunha Papeleta de Conciliación de Conflito Colectivo contra o BBVA, para que se recoñeza o noso dereito a cobrar o Bonus.

No XXIII Convenio AEB, CC.OO e UGT eliminaron 1,25 pagas para o persoal novo, establecéndose un sistema variable que liga os ¼ de paga ao RAE (é dicir, se unha Dirección o fai mal, nós cobramos menos). Como todos e todas sabedes e a maior parte padeceu, o banco decidiu absorber o «bonus AVE», con cargo a eses ¼ de paga.

• Cando un complemento é absorbible, o banco o comunica previamente, como o «Complemento Persoal». Pero o «AVE» non era absorbible, é unha decisión tomada con posterioridade para non pagar.
• Se fixemos o traballo cumprindo os obxectivos asignados, temos dereito a cobrar, punto. E o banco non pode cambiar no momento do pago as características dun complemento, cando o traballo está feito.
• O Banco comunicou a decisión o mesmo día da súa aplicación, sen ter en conta a representación legal do persoal. Non negociou, impediunos facer achegas ou incluso que puidesemos emitir o preceptivo informe. A actitude antisindical do BBVA é preocupante.

Todo isto fai que dubidemos da legalidade da decisión de non pagarnos parte dos salarios adebedados polo BBVA. Por iso presentamos Conflito Colectivo, e malia que nós estamos claramente en contra de calquera retribución variable, falando de «aves», máis vale paxaro en man que mil voando, e as variables retribúen de xeito incerto un traballo certo.

Situación da Territorial: O semáforo está en vermello.

Denunciamos unha vez máis a situación da Territorial Noroeste (Galiza non existe para o BBVA), que finalizou o 2017 moi destacada entre 8 do Estado, pero que comezou 2018 cunha desbordada e inxustificable presión sobre o cadro de persoal. Denunciámolo ante «Talento e Cultura» para que se tomen medidas e se o banco non rectifica, tomarémolas nós.