Amosando publicacións coa etiqueta prevención-riscos. Amosar todas as publicacións
Amosando publicacións coa etiqueta prevención-riscos. Amosar todas as publicacións

19 de maio de 2026

A presión comercial é acoso laboral

Por unha banca socialmente responsable


O 19 de maio a CIG demos comezo na a unha campaña de mobilizacións, que continuará nos vindeiros meses, para reclamar unha banca socialmente responsábel, que poña as necesidades da clientela por diante dos beneficios escandalosos que amasan quen xestiona as entidades bancarias.

Mobilización na Coruña o pasado martes 19 de maio (2026)

Os traballadores e traballadoras da banca sufrimos un auténtico acoso para colocar produtos financeiros que a clientela non demanda, só para encher máis os petos dos bancos. Con xornadas maratonianas baixo unha falsa flexibilidade: os bancos asignan unha carga de traballo imposible de realizar na xornada legal, e nin pagan, nin cotizan, nin rexistran as horas extra.

8 de maio de 2026

Este banco partirache o corazón

Este banco partirache o corazón!

A SOBRECARGA de TRABALLO, OS OBXECTIVOS de vendas CRECENTES, OS MALOS MODOS ou incluso ás AMEAZAS para que os cumpras, xunto ás ESGOTADORAS XORNADAS LABORAIS e o ESTRÉS son RISCOS PSICOSOCIAIS, que MATAN a 840.000 persoas ao ano (OIT).

As enfermidades cardiovasculares causan o 43 % dos accidentes laborais mortais (INSST).

23 de outubro de 2025

Un día para lembrar: Adeus BBVA-PSICO

Durante o día de onte, mércores 22 de outubro, tivo lugar unha sesión histórica do CESS (Comité Estatal de Seguridade e Saúde) do BBVA.

Despois de moitos, moitos anos, nos que reclamamos un sistema de avaliación de riscos psicosociais que considerásemos válido en canto a metodoloxía e resultados, o banco finalmente anunciou que, a partir de agora, o método que vai a empregar para este fin será o FPSICO. Un método validado polo INSST (Instituto Nacional de Seguridade e Saúde no Traballo), considerado unha ferramenta neutral con recoñecido prestixio institucional. O banco indicou que van a facer unha enquisa a todo o cadro de persoal para evitar demoras indebidas. Previamente, teremos unha xuntanza monográfica relativa a metodoloxía. E non haberá que agardar moito.

Deixaremos atrás un sistema fabricado «ad hoc» para BBVA, no que durante a súa existencia, tivo a maior logro ter acreditado CERO resultados en riscos psicosociais no cadro de persoal.

5 de febreiro de 2021

Petición conxunta ao CESS

En representación das Seccións Sindicais abaixo asinantes, facemos chegar este documento ao Comité de Seguridade e Saúde do BBVA para solicitar o acceso urxente á opción de traballo en remoto para todo aquel persoal cuxa función poida desenvolverse nesta modalidade.

Ao mesmo tempo, solicitamos que para aqueles traballadores e traballadoras cuxa función non se poida prestar en , se organicen quendas quincenais. Desta maneira poderase minimizar o risco de todo o cadro de persoal e poderase garantir a axeitada prestación de servizo á clientela, evitando así os peches de oficinas e/ou unidades derivados dunha acumulación de contaxios pola .

3 de setembro de 2020

Novas medidas preventivas ante o avance da Covid

Estamos recibindo comunicación de positivos que superan con moito aos casos coñecidos nos primeiros meses da . Sen dúbida debido a realización de probas PCR. Non se trata de alarmar, pero si de lembrar a necesidade de cumprir todas as medidas preventivas e explicar o noso traballo.

En primeiro lugar dende a CIG queremos transmitir todo o noso apoio as persoas afectadas e as súas familias.

Medidas Covid19

En segundo lugar e ante as novas situacións seguimos trasladando propostas ao Departamento de Prevención co fin de evitar ao máximo os riscos de contaxio no traballo. Pensando no cadro de persoal e na clientela.

30 de xuño de 2020

Reestruturación oficinas:
Presentado Conflito Colectivo na Audiencia Nacional

CIG e SEC CIC presentamos Conflito Colectivo na Audiencia Nacional contra a decisión unilateral de BBVA de reestruturar as oficinas.

A decisión de pechar as caixas a partir das 11 h., levou a reducir os postos GAC e RAC, afectando:

31 de marzo de 2020

Solicitamos o peche inmediato de máis oficinas para dar cumprimento ao RDL 10/2020

A loita a contra a pandemmia, que está a segar un gran número de vidas, debe ser a que marque a actuación de todos e todas.

Por iso á vista do RDL 10/2020 publicado no BOE este domingo, que establece como servizo esencial a actividade do sistema financeiro, pero naqueles servizos indispensables, temos solicitado o peche dun maior número de oficinas. Algo que viñamos demandando insistentemente con anterioridade.

A maior parte dos positivos por Covid-19, foron persoas en teletraballo, o cal permitiu que non se esténdese o brote entre o persoal e a clientela. Restrinxir as oficinas abertas é indispensábel. Aproveitamos para mandar azos ás persoas afectadas, agardando unha pronta recuperación.


24 de marzo de 2020

Seguimos a traballar 
Nas oficinas e en materia preventiva

Somos un servizo básico e fundamental, por iso temos que seguir abertos por orde do Goberno. Nós mesmas/os, como traballadoras e traballadores que somos, estamos unha parte nas oficinas e outros na casa de retén ou teletraballando. Compartimos os vosos medos e inquedanzas, sobre todo polas nosas familias.

Por iso a nosa principal tarefa é facer seguimento das medidas preventivas e propoñer maiores, se cabe, coma fixemos coas mamparas. Medida que diversas entidades están poñendo en marcha, a petición nosa; tamén o fará o BBVA. Non é a única. Algunhas atrásanse debido ao colapso na subministración, non poñemos en dúbida a vontade do banco.

Si que temos dúbidas sobre a idoneidade do pago das pensións en pleno pico de pandemia, sendo un colectivo de maior risco. Neste senso cumpride estritamente as medidas de prevención, toda cautela é pouca.

23 de marzo de 2020

Covid-19: xuntanza mesa informativa de RR.LL

Compañeiras/os,

Achegamos resumo da xuntanza informativa da mesa de RR.LL mantida hoxe por Webex, onde tamén se trataron asuntos de Saúde Laboral.

  1. Oficinas abertas
  2. Seguridade
  3. Cobro pensións
  4. Limpeza
  5. Relación oficinas e empregados
  6. Temas operativos

Infórmannos que esta situación alongarase 3 semanas como mínimo. Queren facer un recoñecemento especial a todas as persoas do cadro de persoal, nomeadamente ás da rede de oficinas que están traballando presencialmente asumindo riscos. Trasladan ánimos e todo o recoñecemento.

Novidades:

18 de marzo de 2020

Covid-19 (coronavirus): cumpre as medidas preventivas

Compañeiras/os,

Queremos trasladar o noso apoio a toda a plantilla que hoxe está traballando, nomeadamente na Rede de Oficinas e nos SS.CC. Tamén para quen tivo que facelo durante a fin de semana.

Os delegados e delegadas da CIG de cada provincia seguen a vosa disposición para todo o que precisedes. Podedes contactarnos como facedes habitualmente (teléfono, whatsapp, telegram… ) ou ben no noso enderezo electrónico.

Asemade, estamos a facer un seguimento das medidas preventivas que está a tomar a empresa, como viñemos a facer durante toda a fin de semana.

Cumpre estritamente as medidas preventivas ditadas polas autoridades e pola BBVA. Extrema as precaucións!


Desde esta Sección Sindical, temos realizado unha serie de demandas á Dirección que vos indicamos:
  • Solicitamos o peche temporal de oficinas, que suporía unha menor necesidade de persoal atendendo as que continúen prestando servizo.
  • Solicitamos a realización de traballo en remoto para todo o colectivo de BBVA Contigo, igual que para outros (Xestores/as de Negocios…) que sexa posíbel.
  • Solicitamos reforzo dos servizos de limpeza nas oficinas que, tras anos de recortes, son absolutamente insuficientes.
  • Solicitamos o subministro, nomeadamente en oficinas, dos elementos básicos de protección: xeles desinfectantes, luvas e mascarillas. Con obligatoriedade de uso de luvas para o personal de caixa.
  • Non admitir nin subministrar moedas durante este período, que pola súa composición metálica poden manter o virus activo durante varios días.
  • Suspensión total da obxectivación comercial e de seguimentos da mesma.

25 de febreiro de 2020

A Inspección de Traballo require ao BBVA polas denuncias da CIG sobre o Pool de baixo desempeño

Desde o ano 2018, esta Sección Sindical veu formulando denuncias contra o BBVA perante as Inspeccións de Traballo das catro provincias galegas, polo coñecido como Pool de Baixo Desempeño e a colección de desmáns, abusos e illegalidades cometidos contra o persoal que o Banco ía metendo nesta listaxe negra (ver comunicado de data 2-11-18)

Mantivemos distintas reunións, tanto na IT da Coruña como na de Madrid a onde finalmente o asunto foi trasladado por entenderse de ámbito estatal. En , o 12-11-19, tivemos a oportunidade de explicarlle ao inspector que é o POOL, e como o Banco o usa como ferramenta de terrorismo psicolóxico co persoal. Co que xa está dentro e co que está fóra por medo a entrar. Tivemos a inestimábel axuda de compañeiras e compañeiros da Rede de Oficinas de Galiza que, dentro das nosas visitas, nos contaron os seus casos e entregaron diversa documentación, na que podía comprobarse que o abuso e a arbitrariedade eran notorias. Incluso unha compañeira prestouse a facer un escrito describindo os 4 anos que levaba no Pool para entregalo en Madrid, e así o fixemos.

Queremos salientar expresamente a colaboración destas compañeiras e compañeiros. Esta vitoria é sobre todo vosa. Xente valente, de cara e sen medo a poñer freo a esta inxustiza.

Porque hai escasos días o Organismo Estatal da Inspección de Traballo veu de contestar a estas denuncias da CIG e deunos a razón, obrigando ao BBVA a que no prazo de 3 meses avalie as condicións de carácter psicosocial das traballadoras e traballadores adscritos ao Pool de Baixo Desempeño ou en Seguimento (data saída do oficio 05-02-20). Estaremos vixiantes do cumprimento polo Banco deste requirimento.

13 de novembro de 2019

Rexistro de xornada: se fose bo, non faría falta tanta publicidade

Que no banco se fan horas só o nega a Dirección da Entidade, a mesma que está facendo un despregue publicitario sobre o seu modelo «fake» de rexistro de xornada.

As horas extraordinarias veñen dadas por unha cuestión fundamental: a organización do traballo conforme ao denominado DPO (Dirección por Obxectivos). A empresa impón obxectivos comerciais crecentes, presionando para que se cumpran, desentendéndose do tempo que faga falta para facelo.

Farase unha avaliación de riscos e unha medición de tempos antes de asignar nova carga de traballo, incluídos novos obxectivos?
Evidentemente non, polo tanto o problema irá a máis.

2 de novembro de 2018

Denunciamos ante Inspección o Pool de baixo desempeño

Ante a continuidade na opacidade e o perverso emprego desta «ferramenta estratéxica» de xestión de RR.HH, temos presentado á Dirección da empresa varias solicitudes para que se dea por rematado o devandito «Plan de Mellora». Dado que non tivemos contestación, interpuxemos denuncias ante a Inspección de Traballo das distintas provincias.

A Representación Legal dos Traballadores e Traballadoras nunca foi informada, e a constatación da inclusión no «Pool» de persoal con doenzas graves, persoas que cumpren os obxectivos, mulleres con redución de xornada, persoal que concatena a súa inclusión por varios anos (ate catro seguidos) orixinándolles baixas psicolóxicas…, levounos a solicitar o amparo á Autoridade Laboral.

Demandamos tamén a eliminación dos «Semáforos», por ser un elemento de elevado estrés para o cadro de persoal. Requirimos que o BBVA inclúa nas avaliacións de riscos laborais a medición dos ritmos de traballo/carga de traballo en todos os postos, sen que se poida incrementar a carga de traballo en tanto non se realice esta avaliación, así como a realización de medicións de tempos coa participación sindical, para garantir que a carga de traballo de cada posto poda ser realizada dentro da xornada laboral e dos horarios pactados.

22 de xaneiro de 2015

Unha voz sindical próxima: Fontán

Fontán / Pontevedra
A presión para alcanzar obxectivos desproporcionados remata pasándolle grave factura á saúde

Fontán / Pontevedra

Existe presión inaceptable na realidade laboral do banco?

Si, por máis que se pretenda enmascarar. A sobrecarga de traballo, os horarios sen límite, a procura de obxectivos desproporcionados e a obsesión por unha retribución variable incerta, son causa que levan ao queime persoal. Matan talento, truncan carreiras profesionais e rematan pasando grave factura á saúde. Se permitimos acomodarnos á tensión diaria, é común atoparse con síntomas como ansiedade, inquietude, nerviosismo, temor ou angustia. O perigo está en que é case imposible darse conta do problema. Anticipo de enfermidade cardiovascular, gástrica ou psicolóxica. É necesario saltar a tempo dunha trampa que é fatal, o estrés.
No sindicato asumimos o reto de dar a batalla contra esa situación que é o pan de cada día na verdadeira realidade laboral do banco.

Como se ve na avaliación de riscos?

O Plan de Riscos Laborais ten unha carencia indiscutible, a de tipo psicosocial. No CESS, a CIG busca que se aborde con seriedade e rigor este factor polo que afecta á casuística do traballo nas oficinas. BBVA, enreda cun estudo da UCM feito a medida para que o contratante poida aparentar.

4 de decembro de 2014

A lección dun atraco


O atraco violento, a utilización como escudo humano e refén da traballadora que resultou ferida, o posterior cruce de disparos con vítimas mortais, suceso tratado con amplitude pola prensa, é un toque de atención sobre a situación de inseguridade que se vive no sector bancario. A vida, a integridade e a dignidade son o principal patrimonio persoal que non pode mudar en troco pola eficiencia a costa de recortar medios.

20 de novembro de 2014

A síndrome da ra cocida

A síndrome da ra cocida é unha patoloxía que afecta a moi­tos profesionais de BBVA, sen ser conscientes diso. Velaquí unha metáfora útil para a reflexión. Base para reaccionar

O caso da ra que acabou cocida por non saltar a tempo

Nun cazo cheo de auga, nada tranquilamente unha ra. Estase quentando a lume lento. Ao cabo dun intre a auga está norma. Á ra isto parécelle agradable, polo que segue nadando.
A temperatura empeza a subir. Agora a auga está quente. Un pouco máis do que adoita gustarlle á ra. Podería saltar fóra sen esforzo. Pero ela non se inquieta, pese a que a calor sempre lle produce algo de cansazo e soño.
Agora a auga está verdadeiramente quente. Á ra empeza a parecerlle desagradable. Aínda podería saltar fóra. O malo é que se atopa sen forzas, así que se limita a aguantar e non fai nada máis.
Así, a temperatura da auga segue subindo aos poucos, nunca dun xeito acelerado, de modo que case non se perciba o cambio, até que chega o momento en que a ra acaba fervida e morre sen haber estado consciente de que se atopaba en perigo e sen realizar o menor esforzo para saír do cazo.

18 de agosto de 2011

Non asinamos na lista do teletraballo

Un dos riscos do teletraballo pode ser a soedadeA soedade do teletraballo. Foto: (cc) Josh Liba  
O pasado día 27, CC.OO, UGT e ACB asinaron o acordo colectivo de teletraballo [.pdf • 30 Kb] que vai servir de saída para que a empresa solucione o problema de espazo que lle vai xurdir en 12 ou 18 meses cando queira trasladar a xente que traballa en Azca á nova ubicación de «Las Tablas».

Solucionado ese problema, BBVA poderá seguir aforrando cartos mandando a parte do persoal a traballar dende casa ou non, pero o marco colectivo xa o teñen, grazas a quen o asinou.

En principio, en Galiza non deberamos ter unha grande incidencia desta modalidade laboral, dende o momento en que non afectará a postos de rede comercial pola súa natureza, e só podería implantarse en postos de apoio, servizos centrais, ...

En calquera caso, unha vez máis nos toca facer un acto de responsabilidade e ser o sindicato do non na defensa dos nosos/vosos dereitos, polos seguintes motivos:

20 de xullo de 2011

AEB non quere un Convenio sectorial, quere acordos de empresa

AEB puxo por riba da mesa en varios puntos que as súas propostas teñen como base a recente reforma da negociación colectiva, que avanza na desaparición dos Convenios Sectoriais impulsando os acordos a nivel de empresa. Nós seguimos apostando por un Convenio Sectorial Galego que regule as condicións básicas do persoal de todos os bancos.

17 de xuño de 2008

Clima de verano

A implantación do CLIMA segue creando malestar entre o persoal xa que, a case dous meses vista dende a implantación en , os problemas seguen sen se resolver, cando non aparece algún novo… e por se fora pouco, a información oficial brilla pola súa ausencia e a rumoroloxía aumenta.

O Departamento de RR.HH ten agora moita presa para que quen sufriu cambio de funcións envíe asinada unha carta que recolle as modificacións de contrato (cando menos as que ao BBVA lle interesa que queden por escrito).