Amosando publicacións coa etiqueta traballo. Amosar todas as publicacións
Amosando publicacións coa etiqueta traballo. Amosar todas as publicacións

18 de novembro de 2025

Non ao peche de oficinas no BBVA

Como xa anunciamos no noso anterior comunicado, o martes 18 continuamos coas mobilizacións nas oficinas que o banco está pechando debido á implantación do modelo de negocio que se basea na dixitalización forzosa da clientela.

Neste caso, concentrámonos diante das oficinas afectadas de Ourense, a que pecha en Xoán XXIII e a receptora da Rúa do Paseo. Non nos cansaremos de denunciar as consecuencias do modelo do BBVA en relación co servizo e atención aos colectivos vulnerábeis: peches de oficinas, amortización de postos de traballo, incremento da carga de traballo, dificultades de conciliación para as persoas traballadoras e deterioro na atención á clientela.

O banco segue coa súa política de redución de custes a costa dunha peor atención e peores condicións de traballo do seu persoal, nun ano de beneficios históricos que pretenden seguir incrementando as retribucións obscenas da súa cúpula directiva.

12 de novembro de 2025

Non ao peche de oficinas no BBVA!

O modelo de negocio que o BBVA está implantando a marchas forzadas, apoiándose na dixitalización forzosa da clientela e nunha atención remota (centros CSE), vai en contra do que publicamente defende en relación co servizo e atención aos colectivos vulnerábeis. Este modelo ten como consecuencias: peches de oficinas, amortización de postos de traballo, incremento da carga de traballo, dificultades de conciliación para as persoas traballadoras e deterioro na atención á clientela. Desde a sección sindical da CIG, entendemos que é hora de denunciar publicamente estas actuacións do banco e por iso comezamos o pasado martes 11 de novembro (en ), unha campaña de mobilizacións que terá continuación nas vindeiras semanas.

Mobilización en Compostela contra o peche de oficinas no BBVA
Compostela 11/11/25: Santiago del Estero–Senra

Pechan oficinas.
 
Deixan a clientela sen servizo.
 
Reducen persoal.
 
Espremen ao que queda.
 
Aumentan os beneficios do banco.
 
Suben os salarios do Consello de Administración.

29 de abril de 2025

1º Maio: Traballo, dereitos, soberanía. Galiza contra as guerras

1º Maio: Traballo, dereitos, soberanía. Galiza contra as guerras

Este Primeiro de Maio as traballadoras e traballadores galegos temos que tomar as rúas nunha xornada de denuncia e de loita contra as guerras imperialistas e a militarización da sociedade; contra a UE do capital e da extrema dereita e pola defensa dos servizos públicos, os dereitos laborais e un proxecto soberano para .

21 de abril de 2023

Asemblea Santiago: esta loita tamén é polo dereito á nosa saúde mental

Na asemblea aberta de Santiago, púxose sobre a mesa o noso dereito a traballar sen ter que medicarnos. As políticas comerciais e laborais dos bancos afectan a nosa saúde mental.

Asemblea Compostela (19/04/2023)

A asemblea de traballadores e traballadoras de banca, estivo centrada coma nas anteriores, no brutal recorte salarial que estamos sufrindo pola conxelación salarial, pola falta de cláusulas de revisión co IPC e por subas que non xiran sobre toda a masa salarial.

Unha vez máis abordamos as agresivas políticas comercias, os obxectivos crecentres e unha lexislación que nos responsabiliza pola actuación das cúpulas comerciais.

14 de abril de 2023

Asemblea aberta de traballadoras/es de banca en Compostela e na Coruña. Participa!

Traballadoras e os traballadores de banca decidimos mobilizarnos, queremos que veñas con nos, que estes ao noso lado.

Como todos e todas xa coñecedes estamos nun proceso de asembleas de traballadores e traballadoras para compartir convosco que facer na tesitura actual.

Os bancos son competidores, pero poñense de acordo entre eles tanto no modelo laboral/comercial, coma na intención de aproveitar a suba dos prezos para recordarnos os salarios. Por iso os traballadores e traballadoras de banca debemos unir as nosas forzas

13 de marzo de 2023

Asembleas abertas de traballadoras/es de banca. Participa!

A situación que vivimos os traballadores e as traballadoras dos bancos é de sobra coñecida:

Unha perda de poder adquisitivo brutal. Durante a crise obrigáronnos a apertarnos o cinto, agora que hai beneficios históricos só actualizan co IPC os salarios dos Directivos.

As salvaxes políticas comerciais, baseadas en obxectivos e unha presión crecente para conseguilos, son unha espada de Damocles sobre as nosas cabezas e nos sitúan nun permanente conflito de intereses. A MiFID parece que só é unha carga para o persoal, con formacións e asuncións de responsabilidade, pero as políticas comerciais quedan á marxe. Unhas políticas comerciais que son unha falta de respecto á nosa profesionalidade.

6 de maio de 2019

Dez pasos para o avance do galego

Actualmente o noso idioma corre o risco de ficar excluído como lingua habitual entre a poboación máis nova e no ámbito urbano. Esta é a demostración de que as políticas aplicadas no período autonómico actuaron de forma contraria á normalización da lingua. Como exemplo recente cabe sinalar a imposición do Decreto de Plurilingüismo, que limitou a xa escasa presenza do galego no ensino, un campo de acción imprescindíbel para conseguirmos a familiarización e/ou a fidelización da infancia e mocidade co galego. Fronte a estas políticas lingüicidas, úrxenos tomar a iniciativa e contribuírmos a que o noso idioma teña futuro, facermos posíbel o desfrute do privilexio de termos unha lingua milenaria e capaz de servir de canle de expresión para as necesidades da sociedade actual. Todas as persoas que —tanto as que falan como as que aínda non deron o paso; as que se expresan a diario en galego e as que fan uso ocasional da lingua— podemos levar adiante algunhas ou todas as iniciativas que nomeamos a continuación. Poñámonos xa a camiñar con pasos firmes para acadar a meta, que o galego viva «mil primaveras máis».



29 de abril de 2019

Na Galiza emprego, salarios e pensións dignas

Camiñamos cara ao 1º de Maio, Día Internacional da Clase Traballadora, coa necesidade de tomar as rúas para esixir un cambio real e profundo nas políticas executadas coa escusa da crise, porque segue a medrar a precariedade e a pobreza laboral e continúa a perda de poder adquisitivo da clase traballadora galega.

As novas formas de explotación laboral introducidas coas reformas laborais están a fomentar un empobrecemento xeneralizado da clase traballadora e un incremento das discriminacións de xénero, ao que se lle suma o desmantelamento da nosa industria, os ERE, os peches e a deslocalización de empresas.

O Goberno español do PSOE demostrou que non tivo intención real de cambiar as políticas impostas polo PP, mantén basicamente o modelo económico e de relacións laborais nacido das reformas laborais aprobadas no 2010 e no 2013, e que ten significado un verdadeiro «golpe de Estado» aos dereitos laborais, sociais, da negociación colectiva, das liberdades públicas e do sistema público de pensións.


14 de decembro de 2018

Rexistro de xornada: 
A CIG reúnese coa Ministra de Traballo

O 13 de decembro tivo lugar unha reunión na que a CIG pediu a posta en marcha inmediata da modificación legal para que o rexistro de xornada sexa obrigatorio para as empresas. Reivindicou tamén á derrogación das reformas laborais, da negociación colectiva e das pensións.

A iniciativa legal da CIG para que o rexistro da xornada sexa obrigatorio pode converterse nunha realidade, trátase dunha necesidade para facer fronte á FRAUDE empresarial en materia de xornada.

Foi remitida pola CIG o 13/6/2017 aos grupos do Congreso dos Deputados e Deputadas, e aprobada polo pleno en outubro dese mesmo ano, pero non chegou a aplicarse polo boicoteo de PP e Ciudadanos que impediron que entrase en vigor, favorecendo o roubo das horas extras que as empresas non nos pagan, nin cotizan.

Este mesmo ano a CIG Banca compareceu no Congreso, na comisión do sistema financeiro, onde defendeu de novo a necesidade do rexistro de xornada ante os grupos parlamentares.

3 de xaneiro de 2017

Guía de conciliación

Presentámosche a segunda edición desta pequena guía, que pretende dar resposta ás preguntas máis usuais sobre a maternidade, a paternidade, as prestacións e os permisos relacionados coa conciliación, así como o tratamento da problemática da violencia de xénero e o acoso no traballo, xunto coas medidas, plans e protocolos de igualdade a implantar nas empresas e modelos de solicitude para entregar na empresa.

De seguido tes o índice da guía:

15 de maio de 2015

Queremos atención en galego, 
queremos traballo aquí

As grandes empresas subministradoras de servizos e bens, continúan coa carreira incansable por deslocalizar os postos de traballo a terceiros países. En moitos casos obrigan á clientela a falar español, negándolle a atención en galego; así poden atender dende fóra (América Latina, Marrocos… etc.).

Nós queremos que as persoas sigan traballando aquí, por iso temos en marcha unha campaña para demandar que se recoñeza por Lei o dereito da clientela a ser atendida en galego, e para concienciar á sociedade da importancia de reconquistar para o galego o espazo de relación entre empresas e clientela.

Queremos atención en galego, queremos traballo aquí!
Falando galego creamos emprego!

29 de abril de 2015

Contra a probreza, emprego e salarios dignos

Contra a probreza, emprego e salarios dignos

Fronte á propaganda do PP de que a crise está superada e de que todo vai ben, a realidade é que celebramos este 1º de Maio nunha situación de enorme dificultade para amplos sectores da clase traballadora galega. A situación só vai ben para aqueles que son os responsábeis desta crise económica, os banqueiros/as, os especuladores/as, os oligarcas españois amigos/as do PP.

A realidade que a Xunta de Galiza e o Goberno español, coa colaboración dos grandes medios de comunicación de masas, manipulan e ocultan todos os días, se por algo se caracteriza é por un forte retroceso en dereitos laborais e sociais e en calidade de vida, para amplos sectores da sociedade, até o extremo de levar a miles de persoas a una situación de pobreza e de exclusión social, acompañado todo isto dunha forte política represiva e de recorte das liberdades públicas.

28 de novembro de 2014

As horas roubadas

Ven de presentarse no congreso dos deputados unha proposta, instando ao goberno a garantir que a xornada de traballo respecte os límites legais, cunha utilización racional do horario, compatible coa verdadeira conciliación da vida laboral, familiar e persoal, e coa igualdade efectiva entre homes e mulleres. Un plan que evite a práctica bancaria de gañar produtividade a costa de impoñer a prolongación de xornada. , non recoñecidas nin pagadas. Horas roubadas á vida e á saúde.


As horas de balde na filosofía do modelo de dirección

Taberna típica. Mediodía. A dirección da sucursal, cita para xantar á asesora financeira e a un xestor comercial. Semellan celebrar ter acadado os obxectivos en PPI´s. Na sobremesa, o director pide una infusión dado que padece unha úlcera estomacal, cousa do carácter. Mentres fala da necesidade de facer un último esforzo para lograr un máis grande resultado á procura de ser os primeiros na zona, acariña cos dedos o tubo da teteira.
De súpeto, unha grande fumareda cega o recuncho onde están sentados. No medio desa nube aparece un ser fantástico que lles di: «Son o meigo da teteira, concedo tres desexos. Posto que sodes tres, tócavos a un por cabeza». Rápida coma un lóstrego, a asesora lanzou unha batería de peticións, que incluía tres por non ter entendida a instrución.
O Meigo dos desexos recordou que só era posible un deles. Ela optou por escoller unha viaxe pracenteira en destino exótico. Meu dito, meu feito.

20 de novembro de 2014

A síndrome da ra cocida

A síndrome da ra cocida é unha patoloxía que afecta a moi­tos profesionais de BBVA, sen ser conscientes diso. Velaquí unha metáfora útil para a reflexión. Base para reaccionar

O caso da ra que acabou cocida por non saltar a tempo

Nun cazo cheo de auga, nada tranquilamente unha ra. Estase quentando a lume lento. Ao cabo dun intre a auga está norma. Á ra isto parécelle agradable, polo que segue nadando.
A temperatura empeza a subir. Agora a auga está quente. Un pouco máis do que adoita gustarlle á ra. Podería saltar fóra sen esforzo. Pero ela non se inquieta, pese a que a calor sempre lle produce algo de cansazo e soño.
Agora a auga está verdadeiramente quente. Á ra empeza a parecerlle desagradable. Aínda podería saltar fóra. O malo é que se atopa sen forzas, así que se limita a aguantar e non fai nada máis.
Así, a temperatura da auga segue subindo aos poucos, nunca dun xeito acelerado, de modo que case non se perciba o cambio, até que chega o momento en que a ra acaba fervida e morre sen haber estado consciente de que se atopaba en perigo e sen realizar o menor esforzo para saír do cazo.

24 de marzo de 2014

100 medidas para crear emprego

Dende o inicio da crise a CIG está a defender un conxunto de propostas alternativas orientadas a unha saída favorábel para a clase traballadora galega e feitas dende unha perspectiva de defensa dos nosos intereses nacionais.
Somos conscientes de que as políticas de concentración e centralización da riqueza e do poder afondan no carácter colonial e periférico de Galiza e só dende alternativas feitas en función da nosa propia realidade social e económica, de reforzo do noso autogoberno e da capacidade de dicidir libremente en todas as materias poderemos ofrecer medidas que sirvan os intereses da clase traballadora e garantan un reparto equitativo da riqueza.


Salvemos Galiza!!!

Medidas para o emprego…


12 de febreiro de 2014

Non te conformes…

NON TE CONFORMES… NON TE CONFORMES… NON TE CONFORMES… NON TE CONFORMES…


Non asines a conformidade dunha avaliación feita cun sistema inxusto. Esta é a ruta para dar o NON CONFORME a túa avaliación:

Intranet > Recursos Humanos > Para ti dRRHH (ESP) > Procesos de RRHH > PROCESOS DE GESTIÓN > Fijación de Objetivos/Evaluación > Evaluación de Objetivos 2013 > Mis Evaluaciones

Temos só uns días para dar a nosa conformidade ou non, no aplicativo.

21 de setembro de 2012

Asembleas traballadores e traballadoras da banca

Como xa temos anunciado, a CIG ten en marcha a convocatoria de asembleas para poder debater a situación actual do sector financeiro, sometido a unha dura reestruturación, que está derivando cara a medidas traumáticas en moitas entidades.

Agardamos contar coa participación de todos e todas vós, dende o convencemento de que só a través dunha resposta por parte dos traballadores e traballadoras, poderemos garantir os postos de traballo e unha saída non traumática á crise.

18 de setembro de 2012

Dietas milagre

Rematado o mes de agosto, aínda que este ano non fixo calor, afogo si que se pasou.

Como era de esperar, moitas oficinas, que no verán teñen máis afluencia de público que en inverno, andaban cortas de persoal. Tanto, que incluso se andaban a cubrir oficinas de un posto con persoal non apoderado...

17 de setembro de 2012

Defendamos os postos de traballo
Asembleas de traballadores/as de todos os Bancos

O sector financeiro ten vivido nun proceso de reestruturación permanente ao longo das últimas décadas, realizado sempre a través de medidas non traumáticas e prexubilacións. Dende o comezo da crise fóronse abrindo paseniñamente procesos traumáticos, Expedientes de Regulación de Emprego (inicialmente de prexubilacións), que derivaron cara a despedimentos puros e duros.

Neste momento, nun gran número de empresas do sector financeiro están abertos procesos de milleiros de despedimentos, ou se agardan procesos deste tipo para os vindeiros meses (entidades nacionalizadas Novagalicia, Banco Gallego, Catalunyacaixa; bancos en procesos de fusión… etc). O Real Decreto Lei 24/2012 de «Reestruturación e resolución ordenada de entidades», aprobado polo PP, ten como obxectivo a reestruturación, liquidación e resolución de Entidades, e unha maior concentración. Hoxe incluso grandes bancos (BBVA—Unnim ou Sabadell—CAM) teñen en marcha procesos con despedimentos masivos que, unha vez abertos, poden estenderse a todo o cadro de persoal. Outros como o Santander, recortan sen recato os dereitos dos traballadores/as, concretamente en materia de Prevención Social, facéndolles pagar o burato de 450 millóns de euros no seu fondo interno. O Banesto, Entidade do Grupo Santander, ten reducido o seu cadro de persoal un  18% dende o ano 2007 a través dun ERE encuberto.

14 de maio de 2011

Galego, a nosa razón de ser

Paremos os ataques contra o galego!

A Plataforma Cidadá Queremos Galego chama a toda a sociedade galega a seguirse mobilizando en defensa da nosa lingua e da nosa cultura propias este vindeiro 17 de maio, Día das Letras Galega, desta volta mediante a metodoloxía da «mobilización expansiva»: concentracións simultáneas no maior número posíbel de localidades galegas, e tamén no exterior.