Compensación de festivos en sábado

Presentados Conflitos Colectivos contra AEB e CECA

Como xa informamos, requirimos as patronais para que recoñezan o dereito do persoal a un día de libranza como compensación por cada festivo que cae en sábado.

Celebráronse senllos actos de conciliación no SIMA en Madrid, sen chegar a un acordo, polo que a CIG presentou os respectivos conflitos colectivos na Audiencia Nacional.

A compensación dos festivos, cando cadran en sábado, é algo que ningún dos convenios colectivos do sector financeiro contempla.

Nese senso, a CIG, como non asinantes deses convenios, ten toda a lexitimidade para reclamar a compensación ou a alzar a voz contra o modelo laboral e comercial da banca española. Un modelo laboral e comercial que foi implantado a través dos convenios e de acordos de empresa asinados sempre polos mesmos.

O Goberno é cómplice da marxinación financeira da poboación por un proceso de dixitalización excluínte

Ante o debate público xerado pola comprensible protesta dunha parte da clientela dos bancos, afectada pola privatización, reestruturación e restricións horarias, dende a CIG, sindicato que ten dado numerosos pasos para garantir a atención á clientela e o emprego no sector (máis de 100.000 empregos perdidos dende a reestruturación) queremos trasladar a nosa posición.

A vitoria (da CIG) ten 100 pais, e a derrota é orfa!

A CIG gañou no seu día, no Tribunal Superior de Xustiza de Galiza, o conflito colectivo contra o BBVA por non respectar os horarios especiais do Nadal. Foi a CIG a que obriga á Dirección a respectar o noso dereito.

Disfrutaremos o dereito ao horario reducido nos días sinalados do Nadal. Pero non foi a Dirección por iniciativa propia, tal e como deixou entrever no seu comunicado interno. Nin foi «outro éxito» dos vendedores de fume de CC.OO, sindicato ao que solicitamos unha rectificación sen ter contestación.

Foi a CIG quen ante o recorte, interpuxo demanda no TSXG fai 2 anos. O banco non aceptou repoñer o dereito, polo que se celebrou o xuízo, ditando a xustiza sentenza favorable ao cadro de persoal. Polo tanto non estamos ante unha cesión da magnánima Dirección.

Naquel xuízo estaban citados como parte o resto de sindicatos, incluída CC.OO que non compareceu. É dicir, pasaron olimpicamente de posicionarse a favor da demanda da CIG que garantiu o dereito.

Ao Cesar o que é do Cesar, o horario do Nadal é un éxito da CIG.
As ampliacións dos horarios, os horarios flexibles, o rexistro fake ou a extensión ilegal da xornada si que son éxitos do banco e derrotas laborais avaladas polos seus sindicatos satélites.

Sentenza do TSXG: Horario reducido nos días 24 e 31 de decembro

Como informamos en xaneiro, o TSXG deu a razón á CIG no conflito colectivo presentado contra a decisión do BBVA de suprimir o horario reducido dos días 24 e 31 de decembro.

Podedes consultar a sentenza na web do Poder Xudicial: i.gal/NadalBBVA

O tribunal galego declara nula a modificación substancial e repón o persoal que realiza a súa xornada de 8 a 15 horas (horario máis habitual en oficinas de rede) no seu dereito a gozar do horario reducido como se viña facendo anteriormente.

O BBVA presentou recurso de casación perante o TS, mais as sentenzas de conflito colectivo son executivas desde que se ditan, con independencia do recurso (art. 303 da Lei da Xurisdición Social).

Animámosvos a exercer o voso dereito e aproveitar o horario reducido dos vindeiros días 24 e o 31 de decembro para confraternizarmos entre compañeiras e compañeiros, tomarmos forzas para o novo ano e brindarmos por un futuro de novas conquistas laborais.

Boas festas!

A xustiza dános a razón: Gañamos a Mr. Scrooge e recuperaremos o horario especial do Nadal

No ano 2019 o BBVA decidiu eliminar o horario especial do Nadal dos días 24 e 31 de decembro e do 5 de xaneiro.

Daquelas presentamos Conflito Colectivo. Despois de alongar o proceso e á espera de sentenza o BBVA denegou o dereito tamén no ano 2020.

A CIG, coma sempre, non deu por bo un recorte dos nosos dereitos, e instamos dende os comités de empresa ao cumprimento dos horarios especiais nas catro provincias galegas. No Conficto Colectivo que representamos contra o BBVA, incluímos a todos os sindicatos coa presenza no banco en Galiza e só CGT sumouse a nosa demanda; CC.OO–UGT–ACB pasaron de presentarse (así defende os vosos dereitos).

Reestruturación oficinas: Presentado Conflito Colectivo na Audiencia Nacional

CIG e SEC CIC presentamos Conflito Colectivo na Audiencia Nacional contra a decisión unilateral de BBVA de reestruturar as oficinas.

A decisión de pechar as caixas a partir das 11 h., levou a reducir os postos GAC e RAC, afectando:

A Xustiza Europea avanza na obriga do rexistro da xornada

O Avogado Xeral do Tribunal de Xustiza da Unión Europea (TXUE), propón que o Tribunal declare que a carta e a Directiva 2003/88, impoñen ás empresas a obriga de implantar un rexistro de xornada. A CIG, como parte interesada no Conflito Colectivo contra o Deustche Bank, agarda que esteamos na antesala dunha sentenza da xustiza europea que deixe novamente en evidencia sentenzas do Tribunal Supremo favorables á banca.

 


    Mobilización da CIG contra o fraude das horas extras.
    Imaxe: CIG (cc) BY-NC-SA
 

Novo escenario na loita contra a fraude das horas extraordinarias

A pelota no aleiro do novo Goberno

No seu día presentamos un Conflito Colectivo contra o BBVA para que rexistrase as horas extras. Finalmente as sentenzas do Supremo dos casos de Abanca e Bankia, que revisaron o criterio da Audiencia Nacional, eximiron as empresas de levar un rexistro da xornada real e efectiva.

 


    Manifestación en maio da CIG—Banca polos Cantóns da Coruña.
    Imaxe: CIG (cc) BY-NC-SA
 

Sorpresa, sorpresa!!!

Conflito Colectivo Complemento AVE

A empresa absorbeu o AVE con cargo ao RAE, ante o que iniciamos a tramitación dun conflito colectivo; a día de hoxe queremos dar contas de cal é a situación, que non é a que nos gustaría debido a algunhas sorpresas.

1. Tal e como comunicamos, presentamos papeleta de conciliación de conflito colectivo, contra a decisión do BBVA de absorber o complemento AVE. Celebrouse a conciliación sen que houbera acordo. Isto non é sorpresa.
2. Previamente solicitamos da Comisión Paritaria do Convenio Colectivo (AEB–CC.OO–UGT) o preceptivo informe, dado que dita absorción realízase segundo o BBVA en base ao artigo 5 do convenio (os asinantes do convenio déronlle á patronal un cheque en branco que permite ás empresas absorber calquera complemento fóra de convenio). Na súa contestación á nosa consulta indicaron que a Comisión Paritaria non tomará posición (sorpresa), dado que segundo a AEB «no tiene nada que ver con el Convenio» (sorpresa dobre).
3. A nosa demanda partía coa dificultade da amplitude a favor dos bancos que supón o artigo 5. Pero tal e como indicamos na papeleta, o complemento AVE non podía ser absorbido se dende a súa posta en marcha non se indicaba que fose un complemento absorbible, e que o BBVA non podía decidir convertelo en absorbible unha vez devengado e cumprido polo persoal o traballo encargado.

«AVE» que no vuela, a la cazuela (da Dirección)? Pois a CIG presenta conflito colectivo

Para a CIG non se trataba de «predicar», senón de «dar millo», e por iso estivemos traballando nunha Papeleta de Conciliación de Conflito Colectivo contra o BBVA, para que se recoñeza o noso dereito a cobrar o Bonus.

No XXIII Convenio AEB, CC.OO e UGT eliminaron 1,25 pagas para o persoal novo, establecéndose un sistema variable que liga os ¼ de paga ao RAE (é dicir, se unha Dirección o fai mal, nós cobramos menos). Como todos e todas sabedes e a maior parte padeceu, o banco decidiu absorber o «bonus AVE», con cargo a eses ¼ de paga.

• Cando un complemento é absorbible, o banco o comunica previamente, como o «Complemento Persoal». Pero o «AVE» non era absorbible, é unha decisión tomada con posterioridade para non pagar.
• Se fixemos o traballo cumprindo os obxectivos asignados, temos dereito a cobrar, punto. E o banco non pode cambiar no momento do pago as características dun complemento, cando o traballo está feito.
• O Banco comunicou a decisión o mesmo día da súa aplicación, sen ter en conta a representación legal do persoal. Non negociou, impediunos facer achegas ou incluso que puidesemos emitir o preceptivo informe. A actitude antisindical do BBVA é preocupante.

Todo isto fai que dubidemos da legalidade da decisión de non pagarnos parte dos salarios adebedados polo BBVA. Por iso presentamos Conflito Colectivo, e malia que nós estamos claramente en contra de calquera retribución variable, falando de «aves», máis vale paxaro en man que mil voando, e as variables retribúen de xeito incerto un traballo certo.

Situación da Territorial: O semáforo está en vermello.

Denunciamos unha vez máis a situación da Territorial Noroeste (Galiza non existe para o BBVA), que finalizou o 2017 moi destacada entre 8 do Estado, pero que comezou 2018 cunha desbordada e inxustificable presión sobre o cadro de persoal. Denunciámolo ante «Talento e Cultura» para que se tomen medidas e se o banco non rectifica, tomarémolas nós.

Sen trienios durante 18 meses e o seguinte no aire

O artigo 22 do Convenio Colectivo establece o pago de trienios no Grupo de Técnicos, fixando unha cantidade anual, a última que fixaron foi a de 2016.

No XXIII Convenio de Banca 2015—2018, AEB (patronal), CC.OO e UGT estipularon na denominada Disposición Final Segunda, abrir un proceso de negociación para buscar un novo sistema de cálculo. Paralelamente acordaron non pagar medio trienio (do 1/7/2016 ao 31 /12/2017), en tanto non se negociaba un novo sistema.

Finalmente non negociaron nada, simplemente o persoal perdeu a parte proporcional do trienio durante eses 18 meses.

Malia que a CIG está presente na Mesa Negociadora do Convenio, decidiron deixala fóra da negociación do novo sistema de pago dos trienios. Deste xeito primou a opacidade: Non sabemos se realmente houbo negociación, se fixeron reunións (nin cantas, nin cando), se houbo propostas das empresas e cales foron; nin se houbo contrapropostas sindicais e se no camiño chegaron a aceptar algún recorte máis.

Pero ademais o seguinte trienio comeza a computar a partir do 1/1/2018, pero non se fixaron os importes que se percibirán dentro de tres anos. O futuro trienio queda no aire.

UGT fai referencia ao Convenio de Aforro, pero naquel pactouse o abono de medio trienio (18 meses) a 30 de xuño de 2019 e a cantidade a pagar. Ese non é o noso caso.

Conflito Xestores Comerciais

No Convenio Colectivo desapareceu o ascenso por capacitación até nivel VIII, un dos motivos polos que a CIG non o asinou. Houbo quen dixo que se garantía que o persoal con funcións comerciais tivera como mínimo nivel VIII, pero no BBVA non é así.

Por iso a CIG decidiu adherirse ao Conflito presentado polos compañeiros e compañeiras do SEC. As persoas con posto de xestión comercial deben ter como mínimo o nivel VIII.

Conflito colectivo contra o BBVA pola formación obrigatoria (MiFID)

O 10 de outubro presentamos papeleta de Conflito Colectivo contra o BBVA, pola formación MiFID, A decisión de forzar a formación CAFI colmou o vaso. Transcribimos literalmente o que demandamos: