As formacións regulatorias son tempo de traballo por lei

O tempo das formacións regulatorias é tempo de traballo efectivo, así o define o Estatuto dos Traballadores/as:

Artigo 23.1.— os traballadores (e traballadoras) terán dereito:

4. Á formación necesaria para a súa adaptación ás modificacións operadas no posto de traballo. A mesma correrá a cargo da empresa, sen prexuízo da posibilidade de obter a tal efecto os cretos destinados á formación. O tempo destinado á formación se considerará en todo caso tempo de traballo efectivo.

Plan de Formación LCI no BBVA

Desde BBVA–Formación informóusenos do detalle da Formación LCI (Lei de Contratos de Crédito Inmobiliarios), que cubrirá a obriga de formación nesta materia que debemos ter as traballadoras e traballadores do sector financeiro.

O Real Decreto que regula a LCI, establece a obriga de ter esta formación a partir do 29 de xullo. No BBVA lánzase o Plan de Formación a partir do 27 de xuño, aínda que o período para realizar o curso queda aberto «sine die». Será un curso que queda en catálogo, como os de EFPA.

Todas as traballadoras e traballadores que debamos realizar esta formación recibiremos unha tarxeta de invitación para levala a cabo, pero ante a evidencia de que non será posíbel executala de forma inmediata (estamos en período de vacacións…) haberá varias convocatorias e as persoas afectadas poderanse presentar cando estean preparadas.

Crónica dun abandono: A NON–negociación dos acordos de empresa no BBVA

O 30 de novembro a empresa convocounos para presentarnos a súa proposta de Acordo de formación MiFID no BBVA. A proposta vai na liña das aprobadas noutras entidades e a negociación limitouse a aspectos formais, asumindo os asinantes do texto todo o que propoñía a empresa, e non aceptando esta ningunha contraproposta. (Negociación ou imposición?)

A Directiva 2014/65/UE chamada comunmente MiFID II, na páxina 14 (79) da publicación da CNMV considera que: «…tamén é importante garantir que empregados ou empregadas que realicen actividades de asesoramento ou venda de instrumentos financeiros a clientela minorista posúan un nivel suficiente de coñecementos e competencias con respecto aos produtos que ofrecen. As empresas de servizos de inversión teñen que ofrecer aos/ás seus empregados e empregadas tempo e recursos suficientes para que poidan obter o dito coñecemento e estas competencias…»

Formación MiFID: Nós sacudimos a árbore, outros queren recoller as noces e «vendelas»

Tal e como anunciamos, o 10 de outubro presentamos unha papeleta de conciliación no SIMA en Madrid, paso previo para a presentación dun Conflito Colectivo contra o BBVA, polas actuacións unilaterais do banco en materia de formación MiFID.

Non houbo acordo, polo que a partir dese momento a nosa asesoría xa traballaba na demanda para a Audiencia Nacional, e falamos con outros sindicatos para presentala conxuntamente. Nese escenario, o banco optou agora por chegar a un acordo.

Para aclarar:

Conflito colectivo contra o BBVA pola formación obrigatoria (MiFID)

O 10 de outubro presentamos papeleta de Conflito Colectivo contra o BBVA, pola formación MiFID, A decisión de forzar a formación CAFI colmou o vaso. Transcribimos literalmente o que demandamos:

A CIG presentou alegacións á Guía Técnica da CNMV que regulará a formación obrigatoria

Aposta polo modelo de formación continua e un marco único

O pasado 9 de maio, a CIG presentou alegacións á proposta de «Guía para a avaliación dos coñecementos e competencias do persoal que informa e asesora», a través da cal, a CNMV, quere dar cumprimento aos requisitos previstos na MiFID II e ao Regulamento da ESMA (Autoridade Europea dos Mercados).

Normativa MIFID da Comisión Europea   

A MiFID II está pendente de transposición á lexislación española pero, sen dúbida, cambiará o modelo de banca actual; de aí os pasos que vén dando a CIG—Banca a distintos niveis. Neste senso, o último foi a presentación de alegacións fronte a Guía Técnica de coñecementos publicada pola CNMV.

Para o sindicato nacionalista a Guía da CNMV acredita na auto-regulación por parte dos bancos e, basicamente, valida o modelo de «certificacións» existente. Pola contra, a CIG acredita no modelo de formación continua e por iso fixo unhas alegacións das que cabe destacar:

A responsabilidade patrimonial na venda de produtos financeiros é dos bancos

Resposta do Vicepresidente da Comisión Europea

Ante a posta en marcha da MiFID II, e por como afecta ás persoas que traballan para as entidades financeiras (directamente ou a través de subcontratas), a CIG vén mantendo reunións con grupos políticos e diversas administracións públicas. Agora a Comisión Europea clarificou un dos puntos: o da responsabilidade patrimonial.

Reunión coa europarlamentaria Lidia Senra   

Convocatoria Ascensos por Capacitación 2015

Un ano máis, foi comunicada a convocatoria dos exames de ascenso a Niveis VIII, IX e X. Nesta ocasión, unicamente existen 48 prazas para o nivel de Técnico e non hai prazas vacantes para o ascenso aos niveis IX e X do grupo profesional Administrativo. A norma coa información completa é a GR.15.002, onde dispoñedes do enlace para facer a inscrición na proba.

A data do exame está prevista para o mes de novembro deste ano nun lugar e data concreta por determinar. Agardamos que nesta ocasión se produza en día hábil, evitando que os compañeiros e compañeiras que opositen teñan que destinar máis do seu tempo de lecer do absolutamente imprescindible. Lembremos que moitos e moitas se desprazan dende ben lonxe e, se é o caso, teñen que facer noite na Coruña.

Convocatoria Ascensos por Capacitación 2014

Como cada ano, BBVA convoca os ascensos por capacitación, polo que vos achegamos un resumo que esperamos sexa de utilidade. Lembrade que o prazo de inscrición remata o 30 de xuño.

Podedes atopar o regulamento no e-spacio, en Normativa, buscando polo número de comunicación:
NIVEL VIII: GR.13.006
NIVEIS IX e X: GR.13.005
A presentación de solicitudes de admisión farase por correo electrónico á dirección

concurso - oposicion @ bbva . com

seguindo as instrucións que vos relatamos deseguido:

Ascensos por capacitación: Exames 2013

Un ano máis, foi fixada a data na que terán lugar os exames de ascenso aos Niveis VIII, IX e X. As comunicacións que inician o proceso son a GR.13.005 para os Niveis IX e X (grupo Administrativos) e a GR.13.006 para o Nivel VIII (grupo Técnicos) publicadas en «Espacio/Normativa BBVA/ComunicaciónsEspazo persoal > Panel de Control > Ferramentas > Livelink > Xestor Documental Livelink > Normativa Grupo BBVA > Normativa BBVA > Comunicacións».
A data do exame ^{[.vcs • 1 Kb]} será o sábado 16 de novembro nun lugar por determinar, previsiblemente no Centro de Formación Noroeste, na rúa Juana de Vega 2, 2° andar, aula 1, A Coruña e, coma sempre, estaremos presentes para comprobar que o proceso transcorre segundo as normas.

O exame, coma en anteriores convocatorias, será tipo test con 4 posibles respostas por pregunta e só unha válida. Haberá 3 versións do exame para cada nivel coas mesmas preguntas en distinta orde.

• NIVEL VIII.— 60 preguntas de 09:30 a 12:00 (2’30 horas) e 68 prazas vacantes.
• NIVEL IX.  — 60 preguntas de 12:30 a 15:00 (2’30 horas) e 356 prazas.
• NIVEL X.   — 60 preguntas de 09:30 a 12:00 (2’30 horas) para 18 prazas.

Horarios segundo o CET (CUT+1)

En garda!!! Chegou Vanguard

A estas alturas da película, xa sabemos que a empresa vén de dar unha nova volta de torca ao proceso de externalización e subcontratación das máis diversas tarefas bancarias, sendo a destinataria OP PLUS Málaga. Co cabo da eficiencia e a maior, se cabe, calidade na consecución dos procesos (lease isto coa debida ironía), se nos vende o traslado das derradeiras funcións administrativas aos compañeiros/as de Málaga. En Madrid, e tamén aquí na Territorial Noroeste, quérese transmitir a idea de que o emprego non está en perigo no BBVA e que os compañeiros/as de administración van estar apoiados/as neste proceso de cambio de funcións, que van a sufrir nas súas costas.

En todo o Estado español, estamos a falar de 917 postos de traballo que se amortizan (os RGA, TGA, GA e RCO), creándose dous postos novos por zona nun total de 136 (os Responsables e Técnicos de Control e Operativa), o que fai que se eliminen netos 781 postos

En garda!!! Chegou o proxecto Vanguard

administrativos; estas persoas, co apoio do banco, van pasar a labores comerciais e, nalgúns casos, a cubrir os postos de caixa baleiros que inda quedan, damos fe, ao longo da nosa xeografía. Na nosa territorial, o impacto deste proceso que se dá en chamar VANGUARD, vai afectar directamente a 121 persoas, inda que se van crear 20 postos novos. O resto, maioritariamente, nun prazo de poucos meses vanse ir trasladando a labores comerciais nas oficinas que se lle asignen. Iso si, dende persoal, se lles vai chamar para ver o seu sentir ante semellante cambio na súa vida laboral.

Até aquí, o sabido. Pero queremos trasladarvos a nosa visión de todo este proceso e do impacto sobre as vidas dos nosos compañeiros e compañeiras, que para nós é o máis importante:

Convocatoria Ascensos por Capacitación 2013

Como cada ano, BBVA convoca os ascensos por capacitación, polo que vos achegamos un resumo que esperamos sexa de utilidade. Lembrade que o prazo de inscrición remata o 30 de xuño.

Podedes atopar o regulamento no e-spacio, en Normativa, buscando polo número de comunicación:

• NIVEL VIII: GR.13.006
• NIVEIS IX e X: GR.13.005

A presentación de solicitudes de admisión farase por correo electrónico á dirección
        concurso - oposicion @ bbva . com  
seguindo as instrucións que vos relatamos a seguir:

Ascensos por capacitación: Exames 2012

Un ano máis, foi fixada a data na que terán lugar os exames de ascenso a Niveis VIII, IX e X. As comunicacións que inician o proceso son GR.12.001 (Niveis IX e X) e GR.12.002 (Nivel VIII), e as podedes consultar a través de e-spacioEspazo persoal > Panel de Control > Ferramentas > Livelink > Xestor Documental Livelink > Normativa Grupo BBVA > Normativa BBVA > Comunicacións.

A data do exame ^{[.vcs • 1 Kb]} será o martes 13 de novembro no Centro de Formación Noroeste, na rúa Juana de Vega 2, 2° andar, aula 1, A Coruña, e, coma sempre, estaremos presentes para comprobar que o proceso transcorre segundo as normas.

O exame, coma en anteriores convocatorias, será tipo test con 4 posibles respostas por pregunta e só unha válida. Haberá 3 versións do exame para cada nivel coas mesmas preguntas en distinta orde.

• NIVEL VIII.— 60 preguntas de 09:30 a 12:00 (2’30 horas).
• NIVEL IX.  — 60 preguntas de 12:30 a 15:00 (2’30 horas).
• NIVEL X.   — 60 preguntas de 16:00 a 18:30 (2’30 horas).

Horarios segundo o CET (CUT+1)

Convocatoria Ascensos por Capacitación 2012

BBVA convoca os ascensos por capacitación como cada ano, polo que vos axuntamos un resumo que esperamos sexa de utilidade. Podedes atopar o regulamento no espacio, en Normativa, buscando polo número de comunicación:

• NIVEL VIII: GR.11.002
• NIVEIS IX e X: GR.11.001

O prazo de admisión de solicitudes desta convocatoria finaliza o 30 de xuño.

Ollo!!! Cambia o modo de presentación de solicitudes de admisión que se farán por correo electrónico á seguinte dirección e seguindo as instruccións que vos relatamos a seguir:

Ascensos por capacitación: Exames 2011

Un ano máis, foi fixada a data na que terán lugar os exames de ascenso a Niveis VIII, IX e X. As comunicacións que inician o proceso son GR.11.001 (Niveis IX e X) e GR.11.002 (Nivel VIII), e as podedes consultar a través de e-spacioEspazo persoal > Para ti dRRHH > Portal de Formación > Concurso Oposición.

A data do exame ^{[.vcs • 1 Kb]} será o martes 15 de novembro no Centro de Formación Noroeste, na rúa Juana de Vega 2, 2° andar, A Coruña, e, coma sempre, estaremos presentes para comprobar que o proceso transcorre segundo as normas.

O exame, coma en anteriores convocatorias, será tipo test con 4 posibles respostas por pregunta e só unha válida. Haberá 3 versións do exame para cada nivel coas mesmas preguntas en distinta orde.

• NIVEL VIII.— 60 preguntas de 09:30 a 12:00 (2’30 horas).
• NIVEL IX.  — 60 preguntas de 12:30 a 15:00 (2’30 horas).
• NIVEL X.   — 60 preguntas de 16:00 a 18:30 (2’30 horas).

Horarios segundo o CET (CUT+1)

Sen rodas

É unha pregunta recorrente: E non lle dicides aos xefes que aquí non funciona nada?.

É unha resposta recorrente: Dicimos tal, dicimos.

Tanto é así que xa o fixemos daquela na Xunta de Accionistas, e o mesmo Presidente contestounos que andaban a cambiar en marcha as rodas do camión.

Pois debe ser verdade, e dende aquelas andamos a medias e, claro, andando con rodas de menos o camión vai como vai: a tombos.

Crear emprego para aliviar a sobrecarga de traballo e eliminar a extensión da xornada

Na sesión de hoxe (6 de xulio), dende a CIG defendemos a creación de emprego de calidade, sen intermediarios e polo Convenio de Banca (sen subcontratar), para liberar así a gran carga de traballo e a extensión ilegal de xornada á que se vén sometendo aos cadros de persoal na banca. Así pois, velaquí tedes o que expuxemos na Mesa do convenio:

Convocatoria Ascensos por Capacitación 2011

Un ano máis, a empresa convoca os ascensos por capacitación, dos que vos axuntamos un resumo que esperamos sexa de utilidade.

Podedes atopar o regulamento no espacio, en Normativa, buscando polo número de comunicación:

• NIVEL VIII: GR.11.002
• NIVEIS IX E X: GR.11.001

Oferta formativa da ForGA

A Fundación para a Orientación Profesional, Emprego e Formación en Galicia (ForGA) oferta máis de 300 cursos e obradoiros.

Ainda que o obxectivo prioritario é a formación de desempregados e desempregadas, con necesidades especiais de reinserción no mercado de traballo, poden participar tamén nas accións formativas os traballadores/as tanto da administración pública como da empresa privada. Deste xeito contribuise a mellora das condicións laborais, axudando a instaurala formación profesional ao longo da vida, contribuindo tamén con isto á reciclaxe das traballadoras e dos traballadores e á adaptación aos cambios tecnolóxicos.

Velaquí tedes unha pequena escolma dos cursos que poideran ser do voso interés, a maioíra son presenciais e algunhos por medio de teleformación; todos son de balde e non tes que estar necesariamente afiliado ao sindicato da CIG.

O símil do camión

Dixo o noso presidente, Francisco González, o día da Xunta Xeral de Accionistas, que o BBVA é como un camión enorme, como un tráiler que non para mentres vai adaptándose aos cambios aos que o somete as decisións do equipo directivo.
O símil do camión viña a ilustrar o magnífico traballo de implantación, sempre segundo o gran xefe, da tamén magnífica nova plataforma informática.

O certo é que aos traballadores e traballadoras do BBVA non nos poden vender ese conto nin en  3D : van instalando aplicacións, fan as probas e nada funciona.
De feito, o que en principio ía comezar a funcionar, primeiro a principios e logo a mediados de marzo, xa non se fará polo menos ata abril, e menos mal, porque a primeira idea era facer a implantación antes de que o persoal asistira ao curso de formación.

Iso si, a información, como vedes, é de primeira.