Despois da masiva participación nas sucesivas mobilizacións dos últimos días, e ante a actitude inamovible do Banco, os sindicatos decidimos seguir dando contestación na rúa, porque contamos co voso apoio. Temos que seguir mobilizándonos, demostrándolle á empresa que non pode haber despedimentos, que neste banco todas e todos somos necesarios.
As organizacións sindicais enriba asinantes, co apoio das compañeiras e compañeiros participantes na Folga manifestámoslle á empresa o noso contundente rexeite e unánime ao reaxuste que pretende levar a cabo o BBVA. Respondemos coa folga a nivel estatal de hoxe, 26 de maio, convocada por CGT BBVA, unida ás folgas en Catalunya, Galiza e Euskal Herria convocadas por
Seguimos a ler na prensa que 3.798 familias irémonos as nosas casas prexubiladas, dentro dunha campaña orquestrada que busca que este drama de 3.798 DESPEDIMENTOS —ou a cifra dos mesmos que quede despois de, como intenta o BBVA, eliminar as restricións á mobilidade xeográfica e modificando as condicións dos nosos contratos— non teña visibilidade social. ABONDA XA!
FOLGA O 26 DE MAIO
Ante a ameaza de 3.798 despedimentos no BBVA, respondemos con MOBILIZACIÓNS e
DEFENSA DOS POSTOS DE TRABALLO
Os sindicatos enriba asinantes, ademais de ter mostrado na Mesa a nosa rotunda OPOSICIÓN á ameaza dos despedimentos e impulsado as mobilizacións de todo o cadro de persoal, agora puxémonos de acordo para responder, de forma urxente para facer parar todos os despedimentos que a empresa pretende e queremos chamar ao conxunto do persoal a que respondamos coa mellor arma que temos: A FOLGA.
Todas as organizacións sindicais do BBVA acordamos responder de maneira unitaria á ameaza de Despedimento Colectivo que a Dirección do Banco ten formulado.
Mostrámoslle á Empresa o rexeite unánime ao reaxuste do cadro de persoal, comprometéndonos a defender todos os postos de traballo e a loitar para que non se produza ningún despedimento forzoso.
É INADMISIBLE que un banco como o BBVA, que obtén miles de millóns de beneficios cada ano (acaba de anunciar un beneficio de 1.210 millóns € neste primeiro trimestre) e que se gaba de estar á cabeza de rendibilidade, aumentando ademais as retribucións da alta Dirección de xeito escandaloso, pretenda que sexamos as traballadoras e os traballadores quen paguemos a súa reestruturación con despedimentos.
Como é sabido, o noso sector considerado servizo esencial nesta crise, tívose que adaptar en tempo récord a novas formas de prestación de servizo, para garantir a saúde dos traballadores e traballadoras, e evitar a propagación do virus COVID–19 que provocou esta pandemia a nivel mundial. E BBVA para poder dar servizo á clientela, actuou axilmente ante devandita situación con medidas como o teletraballo.
A representación laboral de BBVA en bloque, dirixímonos a Relacións Laborais do BBVA para facerlles chegar dúas reivindicacións que, na nosa opinión, son urxentes e entendemos que o Banco pode asumir perfectamente dentro da súa política de fomentar a conciliación laboral. Trátase das seguintes:
O 30 de novembro a empresa convocounos para presentarnos a súa proposta de Acordo de formación MiFID no BBVA. A proposta vai na liña das aprobadas noutras entidades e a negociación limitouse a aspectos formais, asumindo os asinantes do texto todo o que propoñía a empresa, e non aceptando esta ningunha contraproposta. (Negociación ou imposición?)
A Directiva 2014/65/UE chamada comunmente MiFID II, na páxina 14 (79) da publicación da CNMV considera que: «…tamén é importante garantir que empregados ou empregadas que realicen actividades de asesoramento ou venda de instrumentos financeiros a clientela minorista posúan un nivel suficiente de coñecementos e competencias con respecto aos produtos que ofrecen. As empresas de servizos de inversión teñen que ofrecer aos/ás seus empregados e empregadas tempo e recursos suficientes para que poidan obter o dito coñecemento e estas competencias…»
A Dirección do BBVA seguiu o mes de novembro con novos axustes do cadro de persoal; agora en SS.CC de Madrid, coa baixa fulminante de 25 traballadores da área de Corporate and Investment Bank (CIB), e o fixo de maneira totalmente irregular.
Por unha banda, non se informou á representación sindical desta reestruturación, o que é obrigatorio segundo a normativa actual (Estatuto dos Traballadores).
Por outra, polo que nos chegou, moitos destes traballadores atopáronse acurralados, cunha proposta sobre a mesa (de despedimento disciplinario, baixa voluntaria ou prexubilación «á baixa»), a decidir de maneira inmediata e sen opción de presentar alegación algunha ou buscar asesoría legal e sindical (segundo a información da que dispoñemos, só unha chamada rápida á familia).
Lembramos a todos e todas as traballadoras que os despedimentos disciplinarios teñen un procedemento legal establecido (fai falla a apertura de expediente, poder darlle resposta, notificación ao sindicato se o/a traballadora está afiliada, …) e que sempre deberan responder a un incumprimento das obrigas do/a traballador/a. Non é de recibo que unha empresa con beneficios como BBVA despida sen máis, alegando un suposto «Plan de Eficiencia» que afecta a un departamento, sen dar alternativas de recolocación.
Ademais, ante outro tipo de propostas como prexubilacións, o traballador ou traballadora sempre ten que ter dereito a un tempo para estudala e asesorarse correctamente, e tamén a rexeitala se non lle interesase.
Ante situacións así, a negativa por principio é a resposta inmediata máis procedente, e a continuación manifestar o teu dereito a recibir asesoría sindical.
O pasado 8 de xuño, BBVA procedeu ao despedimento simultáneo, organizado e premeditado, de 14 persoas en todo o Estado. Nas súas cartas de despido había un nexo común: baixa produtividade ou diminución voluntaria da mesma.
A resposta sindical foi unánime e non se fixo esperar, porque entendiamos que estabamos ante unha agresión ao conxunto do cadro de persoal, coa intención evidente de intimidar a todo o colectivo.
A Dirección enrocouse na súa postura, aducindo razóns para os despedimentos, manifestando que se houbese reclamacións xudiciais no futuro, defendería con argumentos a súa posición de «PROCEDENCIA» nos 14 casos.
De xeito unitario, os 9 Sindicatos presentes no BBVA, mobilizámonos o 27 de xuño nas cabeceiras de cada Territorial baixo o lema: @S 14 DE BBVA: ¡¡¡DESPEDID@S READMISIÓN!!!