![](https://blogger.googleusercontent.com/img/b/R29vZ2xl/AVvXsEiC6JqEPZ3mYQ98OuaNBKF8aId8-yhCxWQh5Puw5mFUU6Csb7WWBJSgyjsHvvY63qnPn20GH8NIQEI8uFzFbWw0ohx_m-L3Kws2TgbDghZu25hDFTW_XW2Ue2OdWZOLbtBlZuOyVJeKHWUa/s400/AvatarCIGBBVA_200.png)
Sufrimos recortes salariais brutais, os bancos pretenden manter indefinidamente medidas tomadas durante a crise financeira malia que agora ten beneficios históricos, hai mil horarios á marxe do Convenio, os obxectivos soben exponencialmente e a presión para conseguilos cada vez é maior.
Aínda por riba, no convenio a AEB mantén unha posición intransixente, cunha proposta salarial que implica outro recorte. E non só iso, pretenden implantar o desterro comercial, poder trasladarnos a 50 km (100 diarios ida e volta) a capricho, por non cumprir obxectivos.
![Mobilización da CIG na Coruña](https://blogger.googleusercontent.com/img/b/R29vZ2xl/AVvXsEh2DyDI-ZsAKKcsloers-DgkRAVDh_yo-m-wsUv-fawZhac7UTO5MRXka5T4OxwsLtOoKsa-oC5xxmtgt9vSSrFgXpkR6VtgOM0j1QSCsg_G1BXyr-Nz-W2jyAP0h_vRGuHcGAA_aDICKlhyyRHdxKGqMhpD1IGwIL8C-FDCLps42KgAUsTSR1GWUB3Vb8a/s1600/20240111_ManiFolgaAbanca.png)
Os traballadores e traballadoras de Abanca uníronse para plantar cara a unha situación que ten problemáticas de seu, pero as súas reivindicacións son as mesmas que as nosas. O día 11 de xaneiro ateigaron as rúas da cidade da Coruña, cunha pancarta, sen siglas, detrás da que caberíamos todas e todos.
Dende a CIG pensamos que chegou o momento de abrir o debate na Banca sobre a necesidade de convocar FOLGA no sector e así o trasladamos na Mesa do Convenio ao resto de sindicatos, e o faremos a nivel de cada banco. E traballaremos pola unidade para que a convocatoria sexa posible.
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!
Súmate a CIG! Afíliate!
Folleto
http://i.gal/Afiliate
[.pdf • 182 kB]Folla
http://i.gal/AfiliateCIG
[.pdf • 1'09 MB]
Ningún comentario:
Publicar un comentario