29 de novembro de 2022

É necesario incrementar as mobilizacións!

A perda salarial chega ao 12,5 % 

Mobilización da CIG polo convenio en outubro 2020
Mobilización da CIG polo convenio en outubro 2020
Se os salarios non se actualizan conforme á suba do custe da vida, non é casual nin algo imprevisible; é debido a un Convenio Colectivo nefasto que a CIG rexeitou asinar. Xa cando a AEB propuxo recortar os salarios durante a negociación, só a CIG levou adiante un proceso de mobilizacións. Daquelas augas veñen estas lameiras.

Na reunión do 29 a AEB comezou xustificando a convocatoria ilegal do Observatorio Sectorial e apoiou a propaganda pre-electoral dos sindicatos cómplices, que se xustifican dicindo que ninguén podía prever o incremento da inflación. Os mesmos que asinaron no XXII de 20112014 a retirada da cláusula de revisión salarial.

Todo isto para que ao final, o resultado sexa un incremento do 3,25 % máis nas táboas do ano 2023, sen atrasos de 2021 e de 2022, e sen ter en conta a inflación de 2022. Tampouco hai compromiso de revisión futura, unha vez que pasen as eleccións sindicais, para o resto da vixencia do Convenio. Velaquí o triunfo de CC.OO e UGT, que asumen unha perda salarial que chega ao 12,5 %

Tamén excluíron outros tipos de cuestións que foron propostas pola CIG, como a revisión dos préstamos (terán máis vantaxe a clientela que os cadros de persoal) ou a actualización da quilometraxe e das axudas de custe.

Non somos cómplices nin responsables da desfeita que supuxo o convenio e non aceptamos esmolas. Defendemos a inclusión dunha cláusula de revisión salarial durante a vixencia do Convenio Colectivo que, como todo o mundo sabe, é a única garantía, e que está sendo a discusión central en todas as negociacións de convenio. Nós pensamos que tamén debe ser no de banca. E hai que manter o pulso mobilizador, como fixeron os compañeiros e compañeiras noutros sectores que conseguiron subas salariais dignas.




➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!





Súmate a CIG! Afíliate!
Folleto   http://ir.gl/Afiliate [.pdf • 182 kB]
Folla       http://ir.gl/AfiliateCIG [.pdf • 1'09 MB]





Comunicado 221129 [.pdf • 248 kB]



Ningún comentario: