Convenio para acadar melloras ou para regular reestruturacións do sector bancario?
Na reunión de hoxe, CC.OO e UGT presentaron unha proposta de «Garantía da Función Sindical» que a AEB está disposta a estudar. Din que como a «carreira sindical» esixe cada vez maior formación queren falar de categoría profesional e retribucións variables para os «sindicalistos», estendendo deste xeito ao Convenio Colectivo os acordos asinados1 xa por eles no SCH2, Banesto3 e Deutsche Bank.
Dende a CIG, sindicato maioritario da banca en Galiza, rexeitamos as propostas que pretenden privilexiar aos representantes sindicais fronte ao resto do persoal, con premios salariais e ascensos de categoría.
![](https://blogger.googleusercontent.com/img/b/R29vZ2xl/AVvXsEiC6JqEPZ3mYQ98OuaNBKF8aId8-yhCxWQh5Puw5mFUU6Csb7WWBJSgyjsHvvY63qnPn20GH8NIQEI8uFzFbWw0ohx_m-L3Kws2TgbDghZu25hDFTW_XW2Ue2OdWZOLbtBlZuOyVJeKHWUa/s0/AvatarCIGBBVA_200.png)
Esquecen a urxencia da mellora das condicións laborais (cumprimento da xornada laboral de 8 a 15 horas, contratación directa de persoal e non a través de ETTs, freo a exteriorización de traballos e servizos, etc.) como garantía do mantemento do emprego.
Mentres a AEB fala de «Flexibilidade e Competitividade» como elementos fundamentais para tratar o tema do emprego no sector, CC.OO e UGT éntranlle ao xogo e manifestan a súa disposición a pór enriba da mesa unha proposta que achegue as súas posturas (regulación, reestruturación sectorial) ás da patronal (flexibilidade no emprego).
Nesta sesión deuse por rematada a defensa polo miúdo das distintas plataformas, polo que cumpriría entrar a concretar temas.
Sen embargo, fixouse a nova sesión para o 2 de novembro e, entrementres, Que?
![](https://blogger.googleusercontent.com/img/b/R29vZ2xl/AVvXsEiC6JqEPZ3mYQ98OuaNBKF8aId8-yhCxWQh5Puw5mFUU6Csb7WWBJSgyjsHvvY63qnPn20GH8NIQEI8uFzFbWw0ohx_m-L3Kws2TgbDghZu25hDFTW_XW2Ue2OdWZOLbtBlZuOyVJeKHWUa/s0/AvatarCIGBBVA_200.png)
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!
Súmate a CIG! Afíliate!
Folleto
https://i.gal/Afiliate
[.pdf • 182 kB]Folla
https://i.gal/AfiliateCIG
[.pdf • 1'09 MB]
Ningún comentario:
Publicar un comentario