Plan Vanguard: Estudamos presentar conflito colectivo

O Plan Vanguard, que impulsa o BBVA, é unha reestruturación que inclúe unha modificación substancial das condicións de traballo de carácter colectivo. Con carácter previo a adopción de medidas legais (a nosa asesoría xa estuda un conflito colectivo), temos presentado un Informe Negativo sobre os aspectos laborais deste Plan.

Curiosamente, o 25 de setembro, tivemos que entregar o informe no rexistro do banco en Madrid, xa que a dirección negouse a recibilo.

Conforme á exposición da propia empresa,

estamos ante a decisión de eliminar postos de traballo administrativos, derivando a carga de traballo, que até o de agora realizaba persoal do banco, a unha empresa participada polo BBVA denominada OP PLUS. Esa decisión afecta a 781 persoas pertencentes ao Grupo Administrativo, indicando que pretende reclasificar a persoal como comercial, aínda que a empresa recoñece que ⅔ deste persoal nunca fixera funcións comerciais.

En garda!!! Chegou Vanguard

A estas alturas da película, xa sabemos que a empresa vén de dar unha nova volta de torca ao proceso de externalización e subcontratación das máis diversas tarefas bancarias, sendo a destinataria OP PLUS Málaga. Co cabo da eficiencia e a maior, se cabe, calidade na consecución dos procesos (lease isto coa debida ironía), se nos vende o traslado das derradeiras funcións administrativas aos compañeiros/as de Málaga. En Madrid, e tamén aquí na Territorial Noroeste, quérese transmitir a idea de que o emprego non está en perigo no BBVA e que os compañeiros/as de administración van estar apoiados/as neste proceso de cambio de funcións, que van a sufrir nas súas costas.

En todo o Estado español, estamos a falar de 917 postos de traballo que se amortizan (os RGA, TGA, GA e RCO), creándose dous postos novos por zona nun total de 136 (os Responsables e Técnicos de Control e Operativa), o que fai que se eliminen netos 781 postos

En garda!!! Chegou o proxecto Vanguard

administrativos; estas persoas, co apoio do banco, van pasar a labores comerciais e, nalgúns casos, a cubrir os postos de caixa baleiros que inda quedan, damos fe, ao longo da nosa xeografía. Na nosa territorial, o impacto deste proceso que se dá en chamar VANGUARD, vai afectar directamente a 121 persoas, inda que se van crear 20 postos novos. O resto, maioritariamente, nun prazo de poucos meses vanse ir trasladando a labores comerciais nas oficinas que se lle asignen. Iso si, dende persoal, se lles vai chamar para ver o seu sentir ante semellante cambio na súa vida laboral.

Até aquí, o sabido. Pero queremos trasladarvos a nosa visión de todo este proceso e do impacto sobre as vidas dos nosos compañeiros e compañeiras, que para nós é o máis importante:

Cartos non hai, pero de tempo andamos sobrados

Manifestación da CIG no 2007. Foto: (cc)  CIG 

Despois do parón dun mes sen reunións da mesa negociadora do Convenio, a reunión de hoxe non aportou ningún dato novo que vos achegar. Os motivos para tanto tempo entre reunións tiña que ser aproximar posturas e concretar propostas. O certo é que tan só se fixo un repaso xeral das plataformas que están sobre a mesa dende a primavera.

A AEB reafirma como eixos principais da negociación para un Convenio «viable», baixo o argumento de que se a situación económica era mala en marzo agora é aínda peor, os seguintes:

Flexibiliza que algo queda

Convenio para acadar melloras ou para regular reestruturacións do sector bancario?

Na reunión de hoxe, CC.OO e UGT presentaron unha proposta de «Garantía da Función Sindical» que a AEB está disposta a estudar. Din que como a «carreira sindical» esixe cada vez maior formación queren falar de categoría profesional e retribucións variables para os «sindicalistos», estendendo deste xeito ao Convenio Colectivo os acordos asinados¹ xa por eles no SCH², Banesto³ e Deutsche Bank.

Dende a CIG, sindicato maioritario da banca en Galiza, rexeitamos as propostas que pretenden privilexiar aos representantes sindicais fronte ao resto do persoal, con premios salariais e ascensos de categoría.

Crear emprego para aliviar a sobrecarga de traballo e eliminar a extensión da xornada

Na sesión de hoxe (6 de xulio), dende a CIG defendemos a creación de emprego de calidade, sen intermediarios e polo Convenio de Banca (sen subcontratar), para liberar así a gran carga de traballo e a extensión ilegal de xornada á que se vén sometendo aos cadros de persoal na banca. Así pois, velaquí tedes o que expuxemos na Mesa do convenio:

Intervención na xunta xeral de accionistas 2011

A nosa compañeira, Teresa Richard, interveu en nome da nosa Sección Sindical na Xunta Xeral de Accionistas do Banco Bilbao Vizcaya Argentaria de BBVA que se celebrou o día 11 de marzo en Bilbao, coma xa fixera en anos pasados. Deste xeito trasladamos as vosas reivindicacións e preocupacións directamente ao Consello de Administración do Banco.

Salientamos como a política do actual Consello de Administración segue a reducir gastos a costa de empeorar as condicións de traballo,

Teresa Richard nun momento da súa intervención

 e perdendo clientela na nosa cota de mercado, aínda que aproba políticas de endebedamento para expandirse sen medida. Iso si, sempre haberá unha dotación de reservas para incentivar ao grupo directivo.

O Presidente, nun discurso cheo de abstraccións e baleiro, anunciou unha gran inversión en plataformas informáticas, encamiñadas a maximizar a automatización, e defendeu a súa xestión culpando do pésimo valor da acción e dos máis que discutibles resultados no Estado e en Portugal, á perda de confianza no sistema financeiro do Estado español. Haberá que ver se ditos argumentos tamén teñen peso nas nosas avaliacións e no novo modelo de incentivación, pero non o esperamos.

Botando a vista atrás IV: Os cambios que trouxo o Proxecto CLIMA

Mobilización no BBVA en Lugo

O caos reinou dende a mesma reunión na que de súpeto BBVA redistribuíu o traballo en CBC’s, e en moitos aspectos segue a ser así: As comunicacións de cambios substanciais nas condicións de traballo e da súa organización, fixéronxe de xeito verbal e inconcreto, convertendo a desinformación e a falla de uniformidade nas actuacións, no noso pan de cada día.

Botando a vista atras III: proxecto clima

Mobilización no BBVA en Compostela

Dende os primeiros anuncios do plan, entre liñas nos xornais, alá polo 2007, xa advertimos dos perigos que escondía o proxecto.

O Proxecto Velázquez primeiro e o Clima despois, implantados sen previo aviso, ignorando a legalidade, abusando do persoal e desprezando os nosos dereitos, segue avanzando grazas, non ás súas virtudes, senón ao tremendo esforzo do cadro de persoal, curiosamente, o mesmo que sofre máis directamente as súas consecuencias:

Xuizo en Málaga contra a subcontratación do traballo en OP Plus

Dende a nosa Sección Sindical denunciamos dende o inicio a ilegalidade e as consecuencias que os Proxectos Velázquez e Clima traían ao noso panorama laboral. A situación de OP+ é unha delas.

A nosa presenza no xuízo e a nosa postura de adhesión á demanda presentada pola CGT, están fundamentadas en que entendemos que temos que facer todo o que poidamos para evitar a exteriorización e salvar os 8.000 postos de traballo (400 deles na Galiza) que BBVA pretende trasladar a OP+ (ata agora levamos perdidos 3.000 no Estado e 200 na Galiza).