26 de febreiro de 2021

Avaliacións 2020: + arbitrariedade + inxustiza

Despois dun ano traballando en condicións sumamente difíciles pola (presencialmente en oficinas con moito risco de contaxio, ICO's…), do saqueo da retribución variábel… Como premio, volvémonos a atopar coa subxectividade e arbitrariedade do Proceso de Avaliación Anual.

Totalmente perverso é o que leva anos acontecendo: directores/as de oficina e directores/as comerciais puntúan seguindo instrucións dos/das DCBC's (por indicacións dos Directores de Zona), PERSOAS coas que nin sequera teñen un contacto directo. Unha farsa e unha falta de respeto absoluta que pode carrexar graves consecuencias.

Este é o xeito real de xestión das PERSOAS pola dirección do BBVA: converter a subxectividade e a arbitrariedade en maior inxustiza. Ante esta forma de actuar, á CIG sempre nos terán en fronte. Mentres, membros da anterior alta dirección do Banco continúan imputados por feitos con graves repercusións para a entidade ou se filtra á prensa as intencións de aplicar un ERE para milleiros de persoas. Non cumpren coas expectativas.

A AVALIACIÓN É O NOSO EXPEDIENTE LABORAL, polo que:

  • A entrevista explicativa da avaliación é obrigatoria.
  • Non aceptes unha avaliación que non se corresponde coa realidade, en ningún caso. Se non estás de acordo coa túa avaliación, indícao por escrito solicitando a súa modificación. Nun futuro isto pode ser moi importante.
  • Contacta con nós. Ante calquera discrepancia, reclamación na avaliación, conta e contacta con nós, para iso estamos.





Súmate a CIG! Afíliate!
Folleto   http://ir.gl/Afiliate [.pdf • 182 kB]
Folla       http://ir.gl/AfiliateCIG [.pdf • 1'09 MB]





Comunicado 210226 [.pdf • 75 kB]



Ningún comentario: