OPA hostil BBVA-Banco SABADELL

Hoxe remata o prazo establecido polo Goberno español da consulta pública sobre a OPA.

De esquerda a dereita: Sefi Romero, Néstor Rego, Miguel Lis e Xosé M. Fernández

A federación de Banca da CIG, mantivo onte, 15 de maio, unha xuntanza co deputado do BNG no Congreso, Néstor Rego, na que participaron os secretarios das seccións sindicais da CIG nas dúas entidades, ademais da secretaria da federación, para trasladarlle a nosa firme posición contraria a esta operación e os nosos argumentos para rexeitala. O deputado comprometeuse a presentar unha iniciativa no Congreso para abordar o impacto desta operación, despois da reunión coa CIG.

Reunión de traballo sobre a Lei de creación da Autoridade Independente de defensa do cliente financeiro

O 2 de xuño a CIG Banca mantivo unha reunión de traballo cos deputados do Bloque Nacionalista Galego (BNG), Néstor Rego e Ramón Fernández (no Congreso e no Parlamento Galego, respectivamente), ante o impacto do anteproxecto de lei do Ministerio de Asuntos Económicos.

A presión social obrigou á Xunta de Galicia a poñer en marcha un proceso de arbitraxe que permitiu á clientela recuperar o diñeiro das preferentes e obrigas subordinadas. O actual anteproxecto de lei, lamina as competencias autonómicas; nun caso semellante, sería imposible unha arbitraxe da CC.AA que evitase xudicializar as demandas, o que podería ter consecuencias para o persoal dos bancos.

O anteproxecto centraliza as competencias nunha autoridade central, a Autoridade de defensa do cliente financeiro, estando no Consello Reitor os organismos de supervisión (CNMV, BdE, DX de Seguros e Fondos de Pensións). É dicir non separa a supervisión da defensa da clientela, o que incide nun modelo errado.

Manifesto por un Sistema Financeiro ao servizo da cidadanía

O sistema financeiro dun país é un piar fundamental para o seu desenvolvemento económico e social.

Por iso é preciso que o mesmo sexa equilibrado, solvente, e que garanta a prestación de servizos a todos os sectores da sociedade, especialmente aos colectivos máis vulnerables e con máis dificultades de acceso.

O modelo que está impulsando o Estado español, marcadamente oligopolistico, non responde as necesidades colectivas, senón que está ao servizo dos grandes accionistas (en moitos casos, fondos de investimento americanos) das principais entidades do sector, que reclaman rendibilidades de dous dixitos sen reparar nos medios para acadar ese obxectivo. Un fondo de investimento americano, BlackRock, é o accionista maioritario dos grandes bancos españois (Santander e BBVA), e con participación moi importante no resto de entidades do sector.

Campaña para alertar sobre as políticas comerciais das entidades financeiras e o deixamento cómplice da CNMV

Decidimos iniciar unha campaña co obxectivo de denunciar as agresivas políticas comerciais das entidades e a actuación da CNMV. Temos dereito a protexernos fronte ás direccións e temos o deber de alertar á sociedade. Transcribimos para todos e todas vós o escrito que diriximos aos Grupos do Parlamento Galego. Con posterioridade solicitaremos reunións con Grupos do Congreso e do Parlamento Europeo.

Carta aos Grupos Parlamentares:

Impacto da Reforma laboral, da negociación colectiva e a Xurisdición social no sector financeiro

O Decretazo aprobado o 11 de febreiro polo Goberno do Partido Popular, racha o modelo de relacións laborais que coñecemos ata o momento. As decisións laborais que afectaban aos traballadores/as debían ser negociadas coa representación sindical, debían ser xustificadas as necesidades e, cando se trataba de despedimentos e modificacións das condicións laborais, debían contar con autorización previa dos Organismos da Administración. A Reforma racha co contrato social e os empresarios poden actuar unilateralmente.

O goberno do PP, aposta por unha reconversión do sector financeiro mediante fusións/absorcións, nas que se aplicarán as medidas aprobadas na Reforma laboral. A reforma é moi extensa, polo que nos centraremos nalgunhas das medidas que poden ter especial incidencia no sector:

Un 2012 marcado pola reforma do sistema financeiro e a nova contrarreforma laboral e da negociación colectiva

Na axenda do novo goberno do Estado, seguindo o mandato da UE e dos gobernos alemán e francés, figuran dúas cuestións que afectaran aos traballadores e traballadoras do sector financeiro: