![](https://blogger.googleusercontent.com/img/b/R29vZ2xl/AVvXsEiC6JqEPZ3mYQ98OuaNBKF8aId8-yhCxWQh5Puw5mFUU6Csb7WWBJSgyjsHvvY63qnPn20GH8NIQEI8uFzFbWw0ohx_m-L3Kws2TgbDghZu25hDFTW_XW2Ue2OdWZOLbtBlZuOyVJeKHWUa/s400/AvatarCIGBBVA_200.png)
O Convenio, pero tamén decisións tomadas nos distintos Expedientes a nivel de Sector, levaron a unha transferencia dos nosos salarios cara á conta de resultados. Fronte a esa perda de poder adquisitivo, nin a cativa suba «extraordinaria» que pactaron en novembro de 2022 os sindicatos estatais, nin as «dádivas» posteriores solucionaron o problema. Todo o contrario.
![Mobilización da CIG](https://blogger.googleusercontent.com/img/b/R29vZ2xl/AVvXsEg3kZFEAHkOqrKd-nVXRTBCdXpcv8bVI_kJw4LubjuFzEUMzXhFEzefm9X8cmcMESGy23egicH2gP75dtA23jewSNJXFtj9xz8vyRK8XVcLn6HwxNUqvmoiaNOlZLNdRZkSKbw-q7GQDRGHdxRDHUpTSg30LNTOmPweHcJ84_HvFlGbodkGpTMgabHL9iL9/s412/Screenshot_2023-09-20-22-58-52-921.png)
Os nosos salarios diminúen conforme pasan os anos, en tanto as contas de resultados medran de xeito exponencial, malia que unha inexistente debilidade do negocio serviu para xustificar recortes salariais e exteriorización de traballos bancarios, así como ampliacións de horarios. Os «inversores» mandan, requiren rendibilidades de «dúas cifras» a costa dos nosos salarios e condicións laborais. Ese é o obxectivo sen importar o prezo que teñamos que pagar as traballadoras e traballadores.
Durante este ano convocamos asembleas co ánimo de dar un paso máis nas mobilizacións para reivindicar a suba dos salarios conforme ao IPC. As asembleas tiveron unha participación moi desigual, imposibilitando a convocatoria dunha folga.
Pero a situación continúa sen solucionarse, o sector ten beneficios de primeira e salarios de rexional preferente.
Fronte a esta situación e pensando na negociación do seguinte convenio, non queda outra que reivindicar unha actualización dos salarios e recuperar a revalorización sobre táboas da antigüidade (suprimida no anterior convenio). A suba salarial debe referenciarse ao IPC.
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!
Súmate a CIG! Afíliate!
Folleto
http://i.gal/Afiliate
[.pdf • 182 kB]Folla
http://i.gal/AfiliateCIG
[.pdf • 1'09 MB]
Ningún comentario:
Publicar un comentario