![](https://blogger.googleusercontent.com/img/b/R29vZ2xl/AVvXsEiC6JqEPZ3mYQ98OuaNBKF8aId8-yhCxWQh5Puw5mFUU6Csb7WWBJSgyjsHvvY63qnPn20GH8NIQEI8uFzFbWw0ohx_m-L3Kws2TgbDghZu25hDFTW_XW2Ue2OdWZOLbtBlZuOyVJeKHWUa/s0/AvatarCIGBBVA_200.png)
O tempo deunos a razón. Só a CIG se opuxo ao peche de oficinas, sobre todo no rural. Agora a caída do Silicon Valley Bank ou do Credit Suisse demostrou que a liquidez, é dicir, o pasivo, é fundamental. Era previsible que a liquidez do BCE rematase, algo que a Dirección do Banco non valorou guiada polo curto pracismo. Pero o BBVA tropeza dúas veces coa mesma pedra e xa nos anunciou un Plan Piloto de peches parciais de oficinas.
Por outra banda, como xa temos denunciado, falta persoal, as oficinas están asfixiadas, con sobrecarga de traballo, e seguir reducindo persoal empeora a situación. Este novo Plan do BBVA ratifica que é necesario mobilizarse para virar unhas políticas desnortadas e antilaborais.
O Plan Piloto prevé a fusión de dúas oficinas, quedando logo a metade do persoal que terá que desprazarse, abrindo unha 3 días á semana e a outra 2 días. Afectará ao emprego, pero tamén as condicións laborais, asumindo máis carga, desprazamentos e pode incluso afectar á carreira profesional ou aos horarios. Sabémolo porque esta medida xa foi posta en marcha por outras entidades.
Quede clara a nosa posición, é tempo de manter o pasivo, os peches van na liña contraria, a Dirección do BBVA erra de novo. Paremos a redución de persoal, a destrución de postos de traballo e a sobrecarga de traballo.
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!
Súmate a CIG! Afíliate!
Folleto
https://i.gal/Afiliate
[.pdf • 182 kB]Folla
https://i.gal/AfiliateCIG
[.pdf • 1'09 MB]
Ningún comentario:
Publicar un comentario