5 de maio de 2021

Pola retirada do Expediente: hai alternativa

EREBBVA ·  reunión 5 de maio 2021

Non ao ERE no BBVA

Esgotándose o período informal establecido no Convenio Colectivo, a día de hoxe o BBVA simplemente foi facilitando aos poucos unha información escasa e sen entrar na negociación. Realmente o artigo do non ten ningunha validez, xa que non establece a entrega durante o mesmo da documentación que establece o e, sen a información, non é posible negociar.

Pero temos claro que o que procede é a retirada do Expediente, non hai causas, hai escusas; o banco incrementa gastos noutras partidas en vez de buscar minorar o impacto; e cos datos na man hai alternativas que o banco se nega a negociar.

A nivel galego o Expediente de Extinción afecta a 122 postos de traballo (111 na rede e 11 nos SS.CC—Territorial); os datos da afectación da mobilidade xeográfica ou das modificacións das condicións de traballo non foron facilitados. Unha vez analizado o cadro de persoal semella que a nivel galego, a través de xubilacións, xubilacións anticipadas e prexubilacións, sería posíbel un Plan alternativo non traumático, incluso dando por bos (que non o facemos) os argumentos do banco.

Cadro de idades

Queremos trasladarvos que o banco está tendo un comportamento antisindical cara a CIG, pola acción sindical que vimos desenvolvendo e que non vos fiedes de informacións interesadas sen citar as fontes. A información que temos é a que vos vimos facilitando, condicionados polas ameazas da empresa ante determinados datos que di que son «confidenciais». Tamén di que non sabe de onde saíu a información de hoxe de «El Confidencial Digital», pero que non é certa.

O banco busca desactivar calquera contestación sindical, e a vosa participación nas mobilizacións conxuntas que temos acordados os sindicatos é a mellor resposta.

Hai que paralos, hai alternativa: Digámoslle alto e claro  NON AO ERE!

 CONCENTRACIÓNS luns 10 DE MAIO, ás 18 Horas 






➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!





Súmate a CIG! Afíliate!
Folleto   https://i.gal/Afiliate [.pdf • 182 kB]
Folla       https://i.gal/AfiliateCIG [.pdf • 1'09 MB]




Comunicado 210505 [.pdf • 263 kB]



Ningún comentario: