![Cristina / Vigo](https://blogger.googleusercontent.com/img/b/R29vZ2xl/AVvXsEjGO4G3NzoXLAjSwnPweF4-R8WPVUOOsq-aHvx4b_Miym4jPW8mEQKnLVaugTmeIxePZlU8W0nP5R7NpDUUI_l_JMAtzX_MEeB3iKlh5ATQIFsSADX0ygl96EGEBws6g-tqDxJvH72Os3ug/s1600/Cristina-Vigo.png)
Quen vai nunha candidatura da CIG non busca beneficio persoal. Queremos honestidade e honradez”Cristina / Vigo
Que se propón, desde a CIG, para motivar á sindicación?
O sindicato é unha ferramenta fundamental para a mediación e defensa da persoa traballadora fronte ao banco. A posición de forza é ben distinta cando se actúa só ou co respaldo colectivo. Para debilitar esta condición favorable, desde o interese patronal promóvese a falsa imaxe de que «todos son iguais» para identificar o sindicalismo con lamentables casos de corrupción que afectan a outras organizacións.
Porén, a CIG é unha alternativa que se distingue pola honestidade e honradez da súa militancia. Aquí, quen vai nunha candidatura da CIG non busca beneficio persoal nin medrar na empresa. Faino por compromiso e vontade de servizo. Por iso, o noso modelo é de sindicalismo horizontal en permanente contacto coa xente. Somos a voz sindical máis próxima ás oficinas da rede.
Cales son os retos que asumirá a CIG?
A defensa do posto de traballo fronte a novas fusións, regulacións e peche de oficinas. Rematar coa práctica dos horarios abusivos. Conquistar salarios e beneficios que fagan xustiza ao que se fai. Promoción de carreira e traslados con obxectividade e transparencia. A plena igualdade real.
A estratexia da araña
Coa Enquisa sobre Clima Laboral, denunciando a falla de igualdade e transparencia nos traslados e promocións, nos próximos meses afrontaremos un novo proceso bianual de valoración de competencias.
![araña](https://blogger.googleusercontent.com/img/b/R29vZ2xl/AVvXsEjuoPhV9kI33otUJjNcCP0Mj4v8VwjtUHVAZLRuoD4y2JAlRi3CMNWB9TKHrhDXzL43BTDGu5qyuV7Qdy4EvZkuodpuF_WCgVYrqUTITxaPsZe-Cuht9Ny-zaGgF5R0lNGjGyw3ZuXT_oRY/s1600/aranha.png)
É a «estratexia da araña» que busca tecer redes para atrapar e paralizar.
![](https://blogger.googleusercontent.com/img/b/R29vZ2xl/AVvXsEiC6JqEPZ3mYQ98OuaNBKF8aId8-yhCxWQh5Puw5mFUU6Csb7WWBJSgyjsHvvY63qnPn20GH8NIQEI8uFzFbWw0ohx_m-L3Kws2TgbDghZu25hDFTW_XW2Ue2OdWZOLbtBlZuOyVJeKHWUa/s0/AvatarCIGBBVA_200.png)
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!
Súmate a CIG! Afíliate!
Folleto
https://i.gal/Afiliate
[.pdf • 182 kB]Folla
https://i.gal/AfiliateCIG
[.pdf • 1'09 MB]
Ningún comentario:
Publicar un comentario