CIG BBVA: Participa coa CIG nas manifestacións do 1º de maio

A central nacionalista conmemora un novo 1º de Maio, nesta ocasión baixo o lema «Polo emprego, non ás reformas do capital. Defendamos os nosos dereitos», e anima á cidadanía galega a participar nas distintas mobilizacións que se celebrarán nas principais cidades do país, ademais de en Viveiro e Ribeira.

Os horarios (CEST) son os seguintes:

A Coruña, 12:00 h., praza de Vigo.
Compostela, 12:30 h., praza Roxa.
Ferrol, 12:00 h., avenida de Esteiro (locais da CIG).
Ribeira, 12:00 h., praza do Peixe.
Viveiro, 12:00 h., praza de Lugo.
Lugo, 12:30 h., ronda da Muralla 58. (locais da CIG).
Ourense, 12.00 h., Pavillón dos Remedios.
Pontevedra, 11:30 h., praza da Ferrería.
Vigo, 12:00 h., cruce da Doblada.

Defendamos os nosos dereitos!

Cartaz 1º de maio [.pdf • 2'6 Mb]

Afrontamos a celebración deste 1º de maio de 2011, cuns níveis de desemprego moi preocupantes (240.000 desempregados na Galiza), como consecuencia da crise económica e das políticas de recorte do investimento público levadas a diante polo Goberno español e polo Goberno galego. A esta situación hai que engadirlle o preocupante panorama, de presente e de futuro, para a clase traballadora, derivado das políticas antisociais do goberno que se concretan nas reforma laboral e na reforma da pensións, así como no recorte do gasto social e a privatizacións de empresas e servizos públicos.

Sobran motivos, mobilízate contra as reformas do capital, por un novo modelo económico e social, por un posto de traballo, por pensións dignas, polo dereito a decidir as nosas condicións laborais e sociais; participa connosco no Día Internacional da Clase Traballadora.

Máis información en: xornal dixital Avantar