O recentemente asinado convenio colectivo das Caixas de Aforros (ratificado por CC.OO e CSICA) amplía os supostos nos que as oficinas poderán abrir todos os días polo serán, unha negociación que deberá abordarse a nivel de empresa.
Manifestación da CIG–Aforro en defensa da xornada laboral
Este foi un dos motivos polos que a CIG non asinou o Convenio, xa que diciamos que podía dar lugar a unha guerra comercial de horarios nas que os traballadores e traballadoras do sector financeiro sempre teriamos as de perder.
Non tivemos que agardar moito para que o tempo nos dera a razón; este fin de semana coñecemos a través dos medios de comunicación que CC.OO está negociando no Banco Popular a apertura do 10 % das oficinas polo serán con horario de 8:30 da mañá a 8:30 da noite, de luns a sábado.
O Banco Popular e CC.OO están a rachar os horarios no sector financeiro, abrindo unha guerra comercial que levará a desregularización total dos horarios no sector. Insisten en manter centralizada a negociación dos Convenios como elemento de cohesión «laboral», pero a actual guerra comercial de horarios desdí o seu plantexamento sindical.
A esta guerra de horarios comerciais sumáronse tamén un grupo de 30 Caixas Rurais que puxeron en marcha o proxecto Novanca, oficinas multiservizos que abrirán todas as tardes, inicialmente en Madrid.
Dende a Confederación Intersindical Galega queremos deixar claro a nosa defensa do horario de 8 ás 15 h. de luns a venres, coa libranza dos sábados na Banca e do serán dos xoves nas Caixas.
Defendamos o noso horario
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!
Súmate a CIG! Afíliate!
Folleto
https://i.gal/Afiliate [.pdf • 182 kB]Folla
https://i.gal/AfiliateCIG [.pdf • 1'09 MB]
Ningún comentario:
Publicar un comentario