No proceso de abono da nómina deste mes, imos ver de novo materializada a inxustiza dun sistema de retribución variable que está feito a medida para asegurar que algunhas persoas cobren, e moito, e outras o teñan moi, moi difícil. «Casualmente» cada vez menos persoas cobran, canto máis abaixo nos situamos na pirámide das categorías profesionais. Sorprende moito ver cantos DOR individuais non chegan aos mínimos cando o DOR da oficina e cara arriba, chegan claramente.
Dende primeiro de ano, as direccións de oficina, CBC, Zonas e RR.HH, están incorporando ao nomeado como «pool» de baixo desempeño a aqueles traballadores e traballadoras que, baixo os criterios da empresa, non teñan a actitude ou a aptitude axeitada para o desenvolvemento da súa función.
Na pasada nómina de setembro, a empresa abonou finalmente o cuarto de paga que fora acordado na firma do último Convenio.
Temos que sinalar como, ao persoal con soldo pechado, lle foi «compensada» esta paga de xeito que houbo quen non recibiu nin un peso extra. Cremos que é un comportamento avaro por parte da empresa que tenta de aforrar cartos de calquera xeito e especialmente a costa do seu persoal. Pero é que, por se isto fora pouco, o cálculo da paga para o colectivo provinte da antiga Arxentaria está mal feito:
Para o cálculo dos cuartos de paga, tense que tomar:
SALARIO BASE e ANTIGÜIDADE TOTAL.
No cuarto de paga abonado na nómina de setembro ao colectivo ex Arxentaria. FALTA A ANTIGÜIDADE CONSOLIDADA
O cálculo só tomou en conta o salario base e a antigüidade dende a fusión. Este erro no cálculo varía moito nos importes en función da antigüidade, do colectivo de procedencia e as categorías nas que se devengaban as pagas por antigüidade, pero en todos os casos SON PERSOAS ÁS QUE BBVA NON LLES PAGOU A TOTALIDADE DO SEU CUARTO DE PAGA.