CIG BBVA: AEB non quere mover ficha

AEB: «O mellor convenio colectivo é o que se asina… non é o que non se asina»
AEB: «As traballadoras de banca poden considerarse ben pagadas… non hai unha fuga masiva de persoal a outros sectores»
AEB: «O convenio de Banca é un dos mellores convenios sectoriais que existen en España»

Con estas afirmacións, na xuntanza de hoxe, a patronal fai toda unha declaración de intencións. Coñecedora da súa posición na mesa de negociación, establece límites á mellora das condicións salariais abstraéndose dos avultados beneficios do sector.

Proposta AEB
Temas	30 de maio de 2024	11 de xuño de 2024
Convenio	3 anos (2024—2026)	3 anos (2024—2026)
Incremento	10 % en táboas de Salario Base de Nivel	10 % en táboas de Salario Base de Nivel (₁)
Garantía IPC	Se o IPC acumulado no período 2024—2026 superase o 10 %, actualizaríase a táboa salarial a partir do 1 de xaneiro de 2027, nunha porcentaxe equivalente á diferenza, pero cun máximo do 2 %	Se o IPC acumulado no período 2024—2026 superase o 10 %, actualizaríase a táboa salarial a partir do 1 de xaneiro de 2027, nunha porcentaxe equivalente á diferenza, pero cun máximo do 2 %
Garantía salarial	De forma excepcional, para o ano 2024, garántese un importe mínimo de incremento salarial. A contía será o 60 % sobre o incremento salarial de salario base de nivel pactado para ese ano.	De forma excepcional, para o ano 2024, garántese un importe mínimo de incremento salarial. A contía será o 65 % sobre o incremento salarial de salario base de nivel pactado para ese ano.

(₁) Neste caso están dispostos a valorar a aplicación da suba noutros conceptos salariais.

Desde a CIG lembrámoslles que un concepto a valorar debería ser a revalorización dos trienios de antigüidade, que quedaron conxelados no anterior convenio, cando ata ese convenio se revalorizaban coa suba en táboas.

Chegados a este punto, o conxunto da representación sindical debería someter a referendo das persoas traballadoras NOS BANCOS AEB os límites desta negociación. Son elas as que fixeron as folgas en defensa dunha suba salarial xusta e dunha mellora das condicións laborais; polo tanto, deben ser as que teñan a última palabra nas condicións do convenio que vai regular a súa relación laboral nos próximos tres anos.

Diciámolo ao principio da negociación: É AGORA ou NUNCA!

En ano de BENEFICIOS, os Bancos RECORTAN SALARIOS.