CIG BBVA: Reforma das Pensións: da propaganda aos feitos (non amplía dereitos, amplía recortes)

Na reforma das pensións cómpre diferenciar a propaganda dos feitos; unha cousa é o que conta o Goberno e outra o que di a norma. Non amplían dereitos, si amplían recortes; velaquí podes deseguido, cunha ollada, comparar o que di o goberno e o que di a norma e unha análise polo miudo no seguinte enderezo:

www.i.gal/analiserefpen

Comparativa da reforma das pensións: da propaganda aos feitos
O que conta o goberno	O que di a norma
A reforma de 2023 é «progresista», ao contrario das anteriores	Mantén a reforma de 2011: A xubilación pasou dos 65 aos 67 anos Período de cálculo: de 15 a 25 anos ➫ Como resultado temos pensións máis baixas
Non amplía o período de cálculo das novas pensións	Amplia o cálculo de 25 a 29 anos (excluindo os peores 24 meses) desde 2026. En 2041 deixará de existir a opción de 25 anos
Non rebaixa a contía das novas pensións	Ampliar os anos de cálculo fará baixar a pensión a cobrar, sobre todo as persoas menores de 50 anos
A prioridade é mellorar as fontes de financiamento do sistema	Mantén o desatino de facer depender as pensións das cotizacións sociais sen permitir o financiamento do sistema con impostos xustos
Reforza a progresividade, mediante o aumento da base de cotización	Elevar as cotizacións máximas é un paso insuficiente (IPC ✚1,2 %). A suba do mecanismo de equidade (de 0,6 a 1,2 %) recae sobre todas as persoas ocupadas, sen distinción de renda, o que non é progresivo nin nada solidario
Resolve a fenda de xénero	As pensións das mulleres galegas son un 34 % mais baixas que as dos homes. As medidas desta reforma non dan solución
Mellora as pensións mínimas	A mellora é cativa. Non se garante por lei que a pensión mínima sexa canto menos o 60 % do salario medio, como di a Carta Social Europea
Garante a estabilidade do sistema	O gasto en pensións revisarase cada 3 anos dacordo ás esixencias da UE e do artigo 135 CE

Ligazón relacionada:

Xornal Avantar: Información sobre as mobilizacións

#AsPensionsNonSetocan

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!