16 de outubro de 2020

Retribución variable: Quitan a cenoria, pero deixan o pau

A CIG está en contra das retribucións variables porque retribúen dun xeito incerto un traballo certo. Máis aínda tratándose de retribucións que son opacas, en parte para evitar que se coñezan as desigualdades, tamén de xénero, que consagran. Todos e todas sabemos que o bonus se reduce canto máis feminizado é un posto.

E este tipo de sistema opaco e unilateral do BBVA, permite a empresa non pagar o comprometido, sen máis explicacións e cando xa están devengadas cantidades.

Por iso defendemos unha vez máis a necesidade de actualizar o salario fixo, o do . Unha retribución certa, por un traballo certo e feito.

Témonos dirixido á Dirección da empresa para pedir explicacións e información. E estudamos os pasos a dar ante un sistema opaco, que lles permite ampliar a fenda salarial e que os postos feminizados cobren menos. E tamén as posibles medidas fronte a un recorte opaco do 46,92 %, cifra que descoñecemos como foi calculada.

Ademais, chama a atención cando hai pouco, no xuízo pola demanda interposta pola CIG contra as restricións dos servizos de caixa, o banco alegou que os cambios nas variables do persoal de caixa eran positivos, xa que «cobraría máis».

Queremos lembrar tamén que a CIG non asinou o Plan de Igualdade do BBVA, por non contemplar ningunha medida relacionada coas retribucións. As retribucións son opacas e a Dirección é culpable, pero ten cómplices.





Súmate a CIG! Afíliate!
Folleto   http://ir.gl/Afiliate [.pdf • 182 kB]
Folla       http://ir.gl/AfiliateCIG [.pdf • 1'09 MB]





Comunicado 201016 [.pdf • 145 kB]



Ningún comentario: