Galiza padece a maior concentración bancaria da UE, pero a Xunta négase a actuar

Debate no Parlamento Galego do 24 de xaneiro

O pasado 24 de xaneiro, a situación do sector financeiro e como nos afecta laboralmente, foi debatida de novo no Parlamento Galego e, unha vez máis, a Xunta de Galicia situouse do lado da patronal bancaria. Non fará un novo estudo sobre a concentración bancaria e non tomarán medidas.

   Imaxe dunha das numerosas protestas da CIG contra a destrución de emprego.

Cando falamos de fusións bancarias, moitas persoas pensan en prexubilacións, pero o proceso vai máis alá.

A CIG denuncia perante o Parlamento que o PP baleira de contido a ILP por unha tarifa eléctrica galega

O PP rexeita, por «separatista», a enerxía como dereito universal, combater a pobreza enerxética e favorecer a nosa industria. A CIG denunciou diante do Parlamento galego que anular a ILP é un «atentado democrático».

    Imaxe: CIG (cc) BY-NC-SA

Rexistro xornada, seguimos na loita

A CIG remite unha proposición de Lei a todos os Grupos Políticos para que sexa obrigatorio para as empresas

Remitimos a todos os grupos con representación no Parlamento de Galiza e no Congreso dos deputados, unha Proposición de Lei sobre o establecemento dun rexistro diario da xornada de traballo que permita acreditar a realización de horas extraordinarias en caso de discrepancias e garantir a axeitada cotización en materia de Seguridade Social.

A flexibilidade horaria que permite a actual lexislación laboral deu lugar a que dende a CIG Banca presentásemos numerosos litixios nos que se cuestionou se as empresas están ou non obrigadas a levar un rexistro diario da xornada de traballo. Para a CIG esta é unha cuestión transcendente non só por afectar os medios de proba de que dispoñen os traballadores para acreditar a realización de horas extraordinarias en caso de discrepancias sobre a súa realización e abono, senón porque incide nas obrigas de cotización en materia de Seguridade Social, con importantes consecuencias tanto para os dereitos dos traballadores como para as arcas do sistema.

Campaña para alertar sobre as políticas comerciais das entidades financeiras e o deixamento cómplice da CNMV

Decidimos iniciar unha campaña co obxectivo de denunciar as agresivas políticas comerciais das entidades e a actuación da CNMV. Temos dereito a protexernos fronte ás direccións e temos o deber de alertar á sociedade. Transcribimos para todos e todas vós o escrito que diriximos aos Grupos do Parlamento Galego. Con posterioridade solicitaremos reunións con Grupos do Congreso e do Parlamento Europeo.

Carta aos Grupos Parlamentares:

Polo dereito a unha Tarifa Eléctrica Galega

Galiza é unha das principais zonas produtoras e exportadoras de electricidade do Estado e temos que aturar os custes sociais e ambientais desta condición. Pero a cambio non recibimos ningún tipo de beneficio no prezo da enerxía, senón que soportamos as peaxes políticas que enchen a factura (custes de extrapeninsularidade, transportes, axudas ao carbón español… etc.) ao igual que calquera outro territorio non produtor. Somos solidarios/as, mais non obtemos ningún beneficio ao estar sometidos/as a unha tarifa única.

Para enfrontar esta inxustiza, a Confederación Intersindical Galega ten posta en marcha unha campaña en demanda dunha Tarifa Eléctrica Galega que garanta o dereito á enerxía das galegas e os galegos e permita abaratar o prezo da electricidade tanto para o consumo industrial como a nivel doméstico.

100 medidas para crear emprego

Dende o inicio da crise a CIG está a defender un conxunto de propostas alternativas orientadas a unha saída favorábel para a clase traballadora galega e feitas dende unha perspectiva de defensa dos nosos intereses nacionais.
Somos conscientes de que as políticas de concentración e centralización da riqueza e do poder afondan no carácter colonial e periférico de Galiza e só dende alternativas feitas en función da nosa propia realidade social e económica, de reforzo do noso autogoberno e da capacidade de dicidir libremente en todas as materias poderemos ofrecer medidas que sirvan os intereses da clase traballadora e garantan un reparto equitativo da riqueza.

Medidas para o emprego…

O dereito á Obxección de Conciencia debaterase no Parlamento Galego

Os traballadores e traballadoras non somos culpábeis das leis inxustas, das actuacións inxustas realizadas polas Entidades Financeiras, nin das irregularidades contra as que os Xulgados están ditando sentenzas. É por iso que demandamos un cambio de políticas comerciais e financeiras co recoñecemento do dereito á obxección de conciencia.

Tal e como xa vos comunicamos, a CIG dirixiuse ás patronais AEB (Banca), ACARL (Bancos procedentes das antigas Caixas) e ao FROB, solicitando o recoñecemento de dito dereito para evitar que podamos ser forzados a participar en desafiuzamentos, na comercialización de produtos complexos en tramo minorista, e na quita á clientela afectada pola estafa monumental das preferentes e obrigas subordinadas.

O conflito BBVA chega ao Parlamento galego

A nosa resposta ao Plan de Reconversión do BBVA non se limita ás mobilizacións que temos en marcha; estamos dando pasos a todos os niveis co fin de frear este proceso. Neste senso, son varias as frontes abertas das que vos iremos informando ao seu debido tempo.