Coñece Galiza

A Fundación para o Estudo e Divulgación da Cuestión Social e Sindical en Galiza (FESGA) vén de publicar no seu sitio web  www.fesga.org  as primeiras entregas da serie «Coñece Galiza», baseada en percorridos histórico-turísticos pola nosa xeografía.
Os vídeos documentais, de 15 minutos de duración, veñen acompañados por un caderno despregábel.

Fai escoitar a túa voz !!!

Dende a Sección Sindical da Confederación Intersindical Galega (CIG) no Banco Bilbao Biscaia Arxentaria (BBVA), animámosvos a todos e todas a participar activamente na FOLGA XERAL DO 29 de SETEMBRO e tamén nas manifestacións convocadas por nós para o mesmo día da folga xeral.

Os horarios (CEST) das distintas mobilizacións programadas pola CIG para rexeitar a reforma laboral do Goberno español e reclamar outro modelo económico e social máis xusto e solidario son os seguintes:

• A Coruña, 12.00 h., praza de Vigo.
• Compostela, 12.30 h., praza Roxa.
• Ourense, 12.00 h., Pavillón dos Remedios.
• Lugo, 12.30 h., parque de FRIGSA.
• Ferrol, 12.30 h., avenida de Esteiro (locais da CIG).
• Pontevedra, 12.00 h., praza da Ferrería.
• Vigo, 12.00 h., cruce da Doblada.
• Foz, 18.00 h., rúa Álvaro Cunqueiro 33 (diante de Facenda).
• Vilagarcía, 12.00 h., Casa do Mar.
• Noia, 12.30 h., rotonda de San Lázaro.
• Cee, 12.00 h., Praza 8 de Marzo.