Lembremos, unha vez máis, a cronoloxía dos feitos relativos ao rexistro de xornada, xa que todo o mundo aplaude e sóbese ao carro, pero sen contar de quen foi o traballo.
13 de xuño de 2017: A CIG remitiu unha Proposición de Lei a todos os Grupos do Congreso dos Deputados e do Parlamento de Galiza, con prego de presentación, para que o rexistro de xornada fose obrigatorio.
No seu día presentamos un Conflito Colectivo contra o BBVA para que rexistrase as horas extras. Finalmente as sentenzas do Supremo dos casos de Abanca e Bankia, que revisaron o criterio da Audiencia Nacional, eximiron as empresas de levar un rexistro da xornada real e efectiva.
O pasado 13 de xuño a CIG remitiu aos Grupos do Congreso dos Deputados unha proposición de lei establecendo a obrigatoriedade de rexistrar a xornada laboral para combater as horas extraordinarias. Aos dous días o PSOE presentaba unha iniciativa e uns días despois EH Bilbu outra. Agora o Congreso dos Deputados debaterá a modificación legal, tal e como demandaba a CIG.