CIG BBVA: A folga xeral en Galiza: éxito de participación e exemplo de dignidade da clase traballadora galega

Ainda a pesares de que os medios de comunicación galegos tentaron minimizar o éxito da folga xeral, ademáis da deliberada invisibilidade da CIG, temos que subliñar que o éxito da mobilización é sobre todo da clase traballadora, que non estivo soa.

Oficina do BBVA en Compostela. Foto: (CC) SusoPB

O longo traballo realizado pola afiliación e a representación sindical nos meses anteriores á folga, logo de celebrar centos de asembleas de traballadores(as), de "patexar" miles de centros de traballo repartindo a propaganda, de pasar dous días sen durmir participando nos piquetes informativos, a sociedade galega volcouse con nós.
Nas manifestacións celebradas en todalas cidades e en numerosas vilas do país, a participación chegou ata 80.000 persoas, sendo as máis numerosas celebradas en dita xornada.

En Vigo a participación superou os 40.000 asistentes. Foto: (CC) galizacig.com

En Compostela mudouse o final da manifestación, debido a gran morea de xente,
da praza Toural cara a praza das Praterías. Foto: (CC) SusoPB

A nosa resposta ficou clara: cómpre agora a retirada da reforma!!!

Porque o capitalismo é un modelo que só pode ser mudado coa forza non só da nosa clase, senón da sociedade nos seu conxunto. Alí estiveron berrando mozas e mozos menores de idade, homes e mulleres de idade avanzada... o socialismo é posíbel. Aínda hai esperanza. Grazas a todas e a todos os que díchedes esta lección de dignidade. Agora, seguide con nós na loita. A xornada de onte só foi o principio...