O Banco mantén os despedimentos, digámoslle NON coa FOLGA!

ERE—BBVA · Período de consultas

Os paros, apoiados polo conxunto da representación sindical, foron un éxito, o mesmo que a convocatoria de folga de Catalunya, o que anticipa o éxito da folga de mañá. O banco continúa sen moverse, polo que é preciso intensificar o conflito, máximo cando hai alternativa.

A reunión de hoxe non deparou sorpresas, o banco propuxo ampliar en 26 as persoas a recolocar nos CSE. O novo CSE da Coruña tería 21 persoas, é dicir a nivel galego quedarían sen recolocar 101 persoas.

Pola súa parte houbo sindicatos que, tirando ao lixo o éxito das mobilizacións feitas, valoraron esa «redución» do ERE en 26 persoas como positiva, e de paso aceptaron os criterios de selección das persoas a despedir.

Nós mantivemos a nosa petición de información e a aposta por un proceso de prexubilacións.

Despois o banco fixo unha nova oferta económica, aclarando que só aceptaría un máximo do 50 % de saídas das persoas maiores de 50 anos.

A nivel galego hai 162 persoas maiores de 58 anos e o banco propón que afecte a 101 persoas, hai alternativa. Este é o primeiro ERE, que sentará un precedente, non podemos aceptar despedimentos e entrar nunha dinámica de terrorismo empresarial.

Non hai saída individual, a nosa forza é o colectivo!
O 26 DE MAIO
PARAREMOS O BBVA

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto   https://i.gal/Afiliate ^{[.pdf • 182 kB]}
Folla       https://i.gal/AfiliateCIG ^{[.pdf • 1'09 MB]}

Comunicado 210525 [.pdf • 324 kB]