A filtración era previsible… É a estratexia do banco

A CIG é consciente de que a filtración á prensa do suposto impacto do ERE, forma parte da estratexia por parte do BBVA.

Queren amedrentar ao cadro de persoal, para que se vaia facendo a idea e busque unha saída individual, que por outros procesos sabemos que non existe.

O banco está restrinxindo servizos á clientela, en compaña doutros, dende a restrición do servizo de caixa (que foi recorrida pola CIG e avalada pola xustiza española), a cobrar á clientela por operar nas oficinas. Esta estratexia de dixitalización á brava, que afecta a nosa clientela, busca poder pechar centros de traballo rendíbeis e destruír milleiros de empregos coma vía para maximizar os beneficios a curto prazo. É antisocial e antilaboral.

O banco segue o guión que seguiron outros: anuncio público; filtración interesada; unha negociación máis aparente que real pola falta de resposta sindical… para chegar a sinatura dun ERE por parte do sindicalismo domesticado.

Sen dúbida chegados até aquí, cabe preguntarse se neste banco sobra persoal, ou se sobra unha Dirección herdeira directa da anterior que puxo ao BBVA na picota. Nós témolo claro.

A CIG comeza unha campaña que incllúe un calendario de mobilizacións. A primeira o 16 de marzo. Aceptariamos ir a un proceso de mobilizacións conxuntas, pero non quedaremos na inacción, mentres o banco segue dando pasos. Se alguén non se move, ou que hai que agardar, é un «compinche» da Dirección.

Se hai despedimentos, hai conflito.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto   https://i.gal/Afiliate ^{[.pdf • 182 kB]}
Folla       https://i.gal/AfiliateCIG ^{[.pdf • 1'09 MB]}

Comunicado 210224 [.pdf • 2'8 MB]