A folga en Abanca é a nosa folga

As traballadoras e traballadores de ABANCA irán á folga o próximo 11 de xaneiro, nunha convocatoria da CIG e ASCA. A súa loita é a nosa e os bancos da AEB deberían tomar nota na negociación do Convenio.

As reivindicacións da folga en Abanca buscan dar resposta a unha problemática que é específica dese banco, pero que en moitos aspectos é común ao que sufrimos no resto dos bancos.

• A recuperación e o mantemento do poder adquisitivo
• A recuperación do horario de convenio
• A cobertura con contratos indefinidos dos postos vacantes
• Acabar co acoso e a presión comercial

Dende a CIG queremos amosar a nosa solidariedade coas compañeiras e cos compañeiros na súa xornada de folga.

Ese mesmo día 11 de xaneiro está convocada unha manifestación ás 11 da mañá na Coruña. Os delegados e delegadas da CIG asistiremos solidariamente, porque o seu conflito é o noso, as súas reivindicacións son as nosas, e a súa loita é a nosa.

Hai que remontarse ao ano 1983: hai 40 anos, da última folga en banca para reclamar melloras laborais e así nos foi.

Que tomen nota cada un dos Bancos e a patronal AEB, se non levan á negociación do convenio propostas para recuperar o poder adquisitivo e recompensar aos cadros de persoal polo esforzo e o sacrificio dos últimos anos, o conflito pode estenderse a outras entidades. A CIG está disposta á unidade de acción neste camiño.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto   https://i.gal/Afiliate ^{[.pdf • 182 kB]}
Folla       https://i.gal/AfiliateCIG ^{[.pdf • 1'09 MB]}

Comunicado 230519 [.pdf • 280 kB]