Acordo Interconfederal de Negociación Colectiva CEOE, CC.OO, UGT

Permitirá recuperar o poder adquisitivo? Non, dan por perdido 2021 e 2022 renunciando a calquera suba compensatoria.

O seguinte convenio de Banca subirá o que pactaron nese acordo? Non é vinculante, son simples recomendacións, en cada sector haberá que negociar o convenio. Ademais as subas recomendadas son pechadas, sen cláusula de revisión ligada ao IPC.

Entón non hai cláusula de revisión salarial? Non, simplemente se o IPC supera o 3 % (2024–2025) e sen importar por canto, poderase pactar nos convenios unha suba dun 1 % máis.

Que pasa coas baixas por enfermidade? As patronais e CC.OO–UGT comprométense a incluír nos convenios fórmulas para reducir o número de baixas por enfermidade e acurtar a súa duración.

Tamén acordaron solicitar do Goberno que dea maior poder ás Mutuas na xestión das baixas. As Mutuas son asociacións empresariais, ao servizo das empresas, non das persoas que desgraciadamente enferman.

Defender, como pactaron CEOE–CC.OO–UGT, que a alta a poida dar unha asociación empresarial e non a médica de cabeceira ou sen ter en conta ás especialistas dos Servizos Públicos de Saúde é unha barbaridade antisocial e inhumana.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto   https://i.gal/Afiliate ^{[.pdf • 182 kB]}
Folla       https://i.gal/AfiliateCIG ^{[.pdf • 1'09 MB]}

Comunicado 230519 [.pdf • 102 kB]