O rexistro de xornada é un dereito conseguido pola CIG, que ten coma obxectivo evitar a fraude en materia de xornada por parte das empresas. Pero legalmente tamén é unha obriga legal para o persoal.
Non rexistrar correctamente a xornada pode ter consecuencias:
Accidente Laboral: Se non rexistras a xornada laboral real e tes un accidente laboral, a Mutua pode negarse a recoñecelo como accidente laboral, coas implicacións que iso ten. Xa houbo casos no sector, non é unha entelequia.
Sancións: Se hai algún tipo reclamación dunha operación e esta foi realizada fóra da xornada laboral en tempo sen rexistrar, pode agravar a situación. Houbo casos no sector, bancos que nos escritos de apertura dun expediente alegaban como «proba» da «intencionalidade» e da «ocultación» que unha operación foi realizada «fóra do horario nun período non rexistrado».
Despedimentos: A maior parte dos despedimentos inxustos son alegando «baixada voluntaria do rendemento», malia que a baixada sexa falsa. A existencia de horas «adicionais» demostra que non hai tal baixada voluntaria do rendemento. O mesmo se rexistras que facías horas e deixas de facelas, a baixada do rendemento asociada non pode ser motivo de despedimento.
Maiores obxectivos: Fronte ao inxusto e antisocial modelo de Dirección por obxectivos (no cal o banco impón obxectivos crecentes e despreocúpase do tempo que che leve cumprilos) unha das ferramentas sindicais para acoutar a suba dos obxectivos é o rexistro de xornada. A carga de traballo debe ser realizable durante a xornada laboral.
CC.OO, ACB e UGT aceptaron un modelo de rexistro de xornada fake que ten consecuencias que van máis alá do impago das horas extras (en tempos de recortes salariais) e da fraude por non cotizalas (en tempos de recortes das pensións).
Rexistrar a xornada sen computar as horas efectivas é facer trampas ao solitario. E por riba o banco dirá que estás na oficina, causándolle gastos á empresa, pero sen producir.
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!
Súmate a CIG! Afíliate!
Folleto
https://i.gal/Afiliate [.pdf • 182 kB]Folla
https://i.gal/AfiliateCIG [.pdf • 1'09 MB]
Ningún comentario:
Publicar un comentario
Por favor teña en conta estas pautas...
Evite os insultos, palabras groseiras, alusións sexuais, vulgaridades ou vulgares simplificacións.
Non sexa gratuitamente ofensivo, e menos aínda, inxurioso.
Os comentarios deben ser pertinentes. Respecte o tema formulado na publicación ou aqueles que xurdan de xeito natural no curso do debate.
En Internet, adóitanse utilizar alcumes no canto do propio nome, pero usurpar o doutro/a lector/a é unha práctica inaceptable.
Non escriba en MAIÚSCULAS. Na linguaxe de Internet interprétanse como berrar e dificultan a súa lectura.
Calquera comentario que non se ateña a estas normas poderá ser borrado e calquera comentarista que as rompa de xeito habitual poderá ver cortado o seu acceso aos comentarios do blogue da CIG BBVA