A comisión negociadora do Convenio Colectivo de Banca, constituirase o vindeiro 31 de outubro. A CIG, como sindicato máis representativo a nivel galego, xa foi convocada pola patronal, AEB.
O convenio colectivo regula algúns dos nosos dereitos, nomeadamente en materia de salarios ou carreira profesional. Dicimos algúns, xa que por exemplo os horarios de convenio non se aplican, as entidades teñen os horarios que as Direccións quixeron, aceptados mansamente polo sindicalismo centralista. Un baleirado do convenio colectivo e unha guerra de horarios que prexudica aos traballadores e traballadoras.
Vaia por diante que a CIG non asinará ningún tipo de acordo que non permita recuperar poder adquisitivo e sen asegurar que a suba salarial teña como referencia o IPC.
Tampouco aceptaremos fórmulas opacas e enganosas, coma a pactada en xaneiro; a suba que se pacte debe ser transparente. As subas mediante fórmulas opacas agochan maiores subas para os postos masculinizados, son machismo.
En carreira profesional ou en salarios, hai unha tremenda desigualdade entre homes e mulleres, os convenios estatais son fonte de desigualdades. Nese senso, reclamamos novamente que o novo convenio sirva para avanzar en igualdade e en transparencia retributiva. Agardamos que, desta vez, o resto de sindicatos non nos deixe soas nesta loita.
Lembra: A CIG non asina malos convenios!
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!
Súmate a CIG! Afíliate!
Folleto
http://i.gal/Afiliate [.pdf • 182 kB]Folla
http://i.gal/AfiliateCIG [.pdf • 1'09 MB]
Ningún comentario:
Publicar un comentario
Por favor teña en conta estas pautas...
Evite os insultos, palabras groseiras, alusións sexuais, vulgaridades ou vulgares simplificacións.
Non sexa gratuitamente ofensivo, e menos aínda, inxurioso.
Os comentarios deben ser pertinentes. Respecte o tema formulado na publicación ou aqueles que xurdan de xeito natural no curso do debate.
En Internet, adóitanse utilizar alcumes no canto do propio nome, pero usurpar o doutro/a lector/a é unha práctica inaceptable.
Non escriba en MAIÚSCULAS. Na linguaxe de Internet interprétanse como berrar e dificultan a súa lectura.
Calquera comentario que non se ateña a estas normas poderá ser borrado e calquera comentarista que as rompa de xeito habitual poderá ver cortado o seu acceso aos comentarios do blogue da CIG BBVA