Non á fraude da nova reforma laboral!

O goberno de PSOE e Unidas Podemos incumpriu a promesa que tantas veces anunciou: non derrogou a reforma laboral de 2012 do PP.

No acordo do «diálogo social», tanto o goberno como UGT e CC.OO pregáronse aos intereses da patronal. O pacto social unha vez máis enterrando os dereitos de traballadores e traballadoras. O texto desta nova reforma, ademais de manter as medidas máis lesivas da do PP, incorpora outras novas que favorecen ao empresariado á costa, outra vez, da clase traballadora:

• O despedimento segue a ser igual de fácil e barato e mantense a barra libre das empresas para os despedimentos colectivos
• Non se recuperan os salarios de tramitación nos despedimentos improcedentes
• Non se recuperan a nulidade dos despedimentos en fraude de lei
• Segue en vigor o 10 % da desregulación da xornada laboral
• Incorpóranse novos contratos de formación e temporais, e modalidades de traballador/a precario/a baixo o novo contrato fixo–descontinuo
• A nova modalidade de ERTE facilita o traspaso de cartos públicos a través das bonificacións nas cotas a Seguridade Social, mentres argumentan que a caixa das pensións está quebrada
• Mantense a prevalencia do convenio estatal fronte aos convenios galegos e provinciais, e tamén os convenios de empresa poidan empeorar os convenios sectoriais, agás nos salarios

Esta nova reforma do 2021 é unha fraude e supón maior precariedade e o aumento da centralización da negociación colectiva. É un novo ataque á clase traballadora galega!

Nin pacto social, nin reforma laboral!

Domingo 30 de xaneiro, mobilízate coa CIG!

Ligazóns relacionadas:

Mobilizacións: horas e lugares
Infografía: Resumo da nova reforma

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto   https://i.gal/Afiliate ^{[.pdf • 182 kB]}
Folla       https://i.gal/AfiliateCIG ^{[.pdf • 1'09 MB]}

Comunicado 220120 [.pdf • 877 kB]