Concentracións contra a reforma laboral

Coincidindo co día no que se referendará no Congreso dos Deputados a reforma laboral, a CIG convoca concentracións en todas as cidades galegas para exixir a súa retirada.

A central sindical denuncia que se trata dunha reforma pensada para facilitar o despedimento e favorecer a competitividade, pola vía de reducir salarios e rebaixar as condicións laborais substituíndo emprego fixo por precario e considera que só coa mobilización se poden frear as políticas de recortes de dereitos laborais e sociais que está a impor o Partido Popular.


Por iso convoca, para este xoves, día 12 de abril, concentracións en todas as cidades que terán lugar en:

• A Coruña: Delegación do Goberno, 20:00 h.
• Compostela: Praza de Galiza, 20:00 h.
• Ferrol: Praza do Concello, 19:30 h.
• Lugo: Subdelegación do Goberno, 20:00 h.
• Ourense: Subdelegación do Goberno, 20:00 h.
• Pontevedra: Subdelegación do Goberno, 20:00 h.
• Vigo: Farola de Príncipe, 20:00 h.

Horarios (CEST)

A CIG demanda do goberno do PP a retirada da reforma laboral, logo do rotundo rexeitamento manifestado polos traballadores e traballadoras que participaron, de forma masiva, na convocatoria de folga xeral e nas multitudinarias mobilizacións convocadas o pasado 29 de marzo.
 
 
 

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto   https://i.gal/Afiliate ^{[.pdf • 182 kB]}
Folla       https://i.gal/AfiliateCIG ^{[.pdf • 1'09 MB]}