Por qué debemos ir á Folga o 29 de marzo?

Porque esta reforma, que é un Golpe de Estado, acaba cos poucos dereitos laborais que tiñamos.

ABARATA E FACILITA O DESPEDIMENTO

Porque sen ter que demostrar nada, só con alegar diminución de ingresos ou previsión de perdas, aínda que teñan beneficios, as empresas poderán:

• Despedir a un ou varios traballadores/as, novos ou antigos, con 20 días por ano traballado, máximo un ano de indemnización.
• Despedir sen indemnización antes dun ano aos novos contratados nas empresas menores de 50 traballadores/as.
• Despedir por máis dunha baixa que sume máis de 9 días en dous meses, ou mais de 21 días en catro meses,aínda que esteas hospitalizado ou padezas una enfermidade moi grave.

REDUCE SALARIOS E EMPEORA AS CONDICIÓNS DE TRABALLO

Porque con alegar diminución de ingresos, previsión de perdas, ou razóns de competitividade, as empresas poderán non aplicar o Convenio Colectivo, reducir os salarios ata o Salario mínimo (641 € ), modificar a xornada de traballo, máis ou menos horas segundo conveña, cambiar as funcións e o traballo que facemos, etc.
Tamén pode modificar individualmente todas estas condicións a cada traballador/a.

Porque permite que ata os 33 anos traballemos como aprendices cobrando 480 € /mes.

Porque dá un poder inmenso ás ETTs na contratación igual ao INEM, parecido ás Mutuas coa Seguridade Social, para chantaxear os traballadores/as.

NON CREA EMPREGO, DESTRÚEO

Porque creará mais paro ao facilitar e abaratar tanto o despedimento, e porque coa flexibilidade a empresa pode traballar máis horas con menos persoal.

Porque obriga a traballar gratis aos parados/as substituíndo o persoal contratado nas Administracións Públicas.

Este goberno do PP quere que todos e todas sexamos precarios. A reforma reducirá os nosos salarios e traballaremos máis horas. Non esquezas que tamén están reducíndonos todos os nosos dereitos na sanidade, no ensino, nas pensións, nas prestacións sociais...

Todo, para que os ricos sexan máis ricos, para a banca, para as grandes empresas multinacionais.

Empecemos a parar esta reforma parando o 29 de marzo!

Manifestacións 29 de marzo contra a Reforma Laboral
Lugares e horarios (CEST)

• A Coruña  12:00 h.  praza de Vigo.
• Compostela  12:30 h.  praza Roxa.
• Ferrol  13:00 h.  avenida de Esteiro  (locais da CIG)
• Lugo  12:30 h.  ronda da Muralla 58 (locais da CIG)
• Ourense  12:00 h.  Pavillón dos Remedios.
• Pontevedra  12:00 h.  praza da Ferrería.
• Vigo  12:30 h.  rúa Vía Norte.
• Vilagarcía  12:00 h.  na Casa do Mar.
• Ribeira  12:00 h.  Praza do Centenario
• Foz  19:00 h.  Casa do Concello
• Xinzo de Limia  11:30 h.  Praza do Concello
• Verín  11:30 h.  Praza do Concello

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto   https://i.gal/Afiliate ^{[.pdf • 182 kB]}
Folla       https://i.gal/AfiliateCIG ^{[.pdf • 1'09 MB]}

Díptico informativo [.pdf • 120 Kb]