Manifestacións e FOLGA XERAL

A CIG aprobou a convocatoria dunha Folga Xeral para o día 29 de marzo. Ao mesmo tempo decidimos falar con outras organizacións sindicais, sociais, políticas e da mocidade para procurar apoios a esa convocatoria.

O 2 de marzo, a CIG, xunto con CGT, CUT e CNT, rexistramos na Consellería de Traballo convocatoria de FOLGA XERAL ^{[.pdf • 2'1 Mb]} para o 29 de marzo. O obxectivo da folga, é mostrar o rexeitamento á aprobación por parte do Goberno español do Real Decreto Lei 3/2012, de 10 de febreiro, de Medidas urxentes para a Reforma do mercado laboral.

O vindeiro 29M haberá FOLGA XERAL en Galiza, Euskadi, Navarra e tamén en Canarias, ante a maior agresión aos traballadores e traballadoras dende o franquismo.


Así mesmo, o 10 de marzo, Día da Clase Obreira Galega, temos convocadas manifestacións nas cidades galegas preparatorias da FOLGA XERAL. É o momento de saír á rúa a demandar a retirada da Reforma Laboral e da Negociación Colectiva.

Dende a aprobación da Reforma, cada día increméntase o número de empresarios que están utilizando as facilidades para despedir e recortar dereitos, polo que a resposta debemos dala de xeito inmediato.

Manifestacións 10 de marzo contra a Reforma Laboral
Lugares e horarios (CET)

• A Coruña  12:00 h.  praza de Vigo.
• Compostela  12:30 h.  praza Roxa.
• Ferrol  12:00 h.  avenida de Esteiro  (locais da CIG)
• Lugo  12:00 h.  ronda da Muralla 58 (locais da CIG)
• Ourense  12:00 h.  Pavillón dos Remedios.
• Pontevedra  19:00 h.  praza da Ferrería.
• Vigo  20:00 h.  rúa Vía Norte.
• Vilagarcía  20:00 h.  na Casa do Mar.

MANIFESTACIÓN o 10 de MARZO e FOLGA XERAL O 29 DE MARZO.

Participa e defende os teus dereitos!




➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto   https://i.gal/Afiliate ^{[.pdf • 182 kB]}
Folla       https://i.gal/AfiliateCIG ^{[.pdf • 1'09 MB]}

Comunicado 120305 [.pdf • 52 Kb]