8 de marzo de 2018

«AVE» que no vuela, a la cazuela (da Dirección)? Pois a CIG presenta conflito colectivo

Para a CIG non se trataba de «predicar», senón de «dar millo», e por iso estivemos traballando nunha Papeleta de Conciliación de Conflito Colectivo contra o BBVA, para que se recoñeza o noso dereito a cobrar o Bonus.

No XXIII Convenio AEB, CC.OO e UGT eliminaron 1,25 pagas para o persoal novo, establecéndose un sistema variable que liga os ¼ de paga ao RAE (é dicir, se unha Dirección o fai mal, nós cobramos menos). Como todos e todas sabedes e a maior parte padeceu, o banco decidiu absorber o «bonus AVE», con cargo a eses ¼ de paga.

  • Cando un complemento é absorbible, o banco o comunica previamente, como o «Complemento Persoal». Pero o «AVE» non era absorbible, é unha decisión tomada con posterioridade para non pagar.
  • Se fixemos o traballo cumprindo os obxectivos asignados, temos dereito a cobrar, punto. E o banco non pode cambiar no momento do pago as características dun complemento, cando o traballo está feito.
  • O Banco comunicou a decisión o mesmo día da súa aplicación, sen ter en conta a representación legal do persoal. Non negociou, impediunos facer achegas ou incluso que puidesemos emitir o preceptivo informe. A actitude antisindical do BBVA é preocupante.

Todo isto fai que dubidemos da legalidade da decisión de non pagarnos parte dos salarios adebedados polo BBVA. Por iso presentamos Conflito Colectivo, e malia que nós estamos claramente en contra de calquera retribución variable, falando de «aves», máis vale paxaro en man que mil voando, e as variables retribúen de xeito incerto un traballo certo.


Situación da Territorial: O semáforo está en vermello.

Denunciamos unha vez máis a situación da Territorial Noroeste (Galiza non existe para o BBVA), que finalizou o 2017 moi destacada entre 8 do Estado, pero que comezou 2018 cunha desbordada e inxustificable presión sobre o cadro de persoal. Denunciámolo ante «Talento e Cultura» para que se tomen medidas e se o banco non rectifica, tomarémolas nós.

Esta presión insoportable e extrema ten un propósito claro: seguir mantendo esa posición no Ranking buscando as persoas responsables beneficios persoais, que non para a empresa. Nós pensamos que antes de seguir incrementando os obxectivos, o banco debería avaliar a carga/ritmos de traballo existente en cada posto, tal e como obriga a lexislación en materia de Prevención de Riscos Laborais. E mentres, non poden incrementalos.

Doutro xeito, o que di o propio BBVA no Manual de Produtividade que vén de publicar de cara a 2018, sería papel mollado. Non vale non facer nada e logo dicir nel cousas como que o obxectivo é:

  • «Maior foco no cliente: non existen obxectivos específicos de produto, evitando colocar produtos non demandados polo cliente ou mercado. A forza de venta xestiona o cliente con base no valor, non condicionado polo seu portfolio de obxectivos».
  • «Maior eficiencia comercial: evitando sobreesforzos da Rede por vender un determinado produto para cumprir co seu obxectivo».

Como imos casar estas instrucións e cumprir a MiFID, cando se seguen fixando obxectivos de colocación de produtos, as retribucións se asocian aos obxectivos e se nos indica por activa e por pasiva que temos que ir ao 200% de cumprimento? Misión imposible.

O semáforo do clima laboral xa pasa de vermello na Territorial Noroeste e na próxima levaremos a nosa protesta a Bilbao. Delega o teu voto na CIG.



Mulleres en Folga: 8 de marzo de 2018



➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!





Súmate a CIG! Afíliate!
Folleto   https://i.gal/Afiliate [.pdf • 182 kB]
Folla       https://i.gal/AfiliateCIG [.pdf • 1'09 MB]




Comunicado 180302 [.pdf • 1'1 MB]


Ningún comentario: