CIG BBVA: Fai escoitar a túa voz !!!

Dende a Sección Sindical da Confederación Intersindical Galega (CIG) no Banco Bilbao Biscaia Arxentaria (BBVA), animámosvos a todos e todas a participar activamente na FOLGA XERAL DO 29 de SETEMBRO e tamén nas manifestacións convocadas por nós para o mesmo día da folga xeral.

Os horarios (CEST) das distintas mobilizacións programadas pola CIG para rexeitar a reforma laboral do Goberno español e reclamar outro modelo económico e social máis xusto e solidario son os seguintes:

A Coruña, 12.00 h., praza de Vigo.
Compostela, 12.30 h., praza Roxa.
Ourense, 12.00 h., Pavillón dos Remedios.
Lugo, 12.30 h., parque de FRIGSA.
Ferrol, 12.30 h., avenida de Esteiro (locais da CIG).
Pontevedra, 12.00 h., praza da Ferrería.
Vigo, 12.00 h., cruce da Doblada.
Foz, 18.00 h., rúa Álvaro Cunqueiro 33 (diante de Facenda).
Vilagarcía, 12.00 h., Casa do Mar.
Noia, 12.30 h., rotonda de San Lázaro.
Cee, 12.00 h., Praza 8 de Marzo.

Lembrade que os dereitos dos traballadores e traballadoras e a mellora das nosas condicións de vida, sempre se conseguiron pola vía da mobilización e da folga. Coas medidas que se están a adoptar preténdese que paguemos unha crise que non provocamos. Na CIG apostamos por conquistar un modelo económico e social que favoreza un xusto reparto da riqueza e que evite a súa concentración en poucas mans, como ocorre actualmente.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!